1 Baami 12:1 - Baibo Busansulushi Bwa Libuku Ili

¹ Ono Leoboamu wakaya kuShekemu uko bantu boonse ba kumatwa lya Isilaeli nkubakabungana ayi bamupe bwaami.

1 Baami 12:1 Marejeleo ya Msalaba

Matalikilo 12:6

Abulamu wakeenda mucishi ico akushika kumubanga wa kuMole muShekemu. Paciindi ico bene Kenani bakalinga kunoocikala mucishi ceenka ico.

1 Baami 11:43

Wakafwa akubikwa muNdabala yakwe Defedi, lyalo Leoboamu mwanaakwe musankwa ngowakapyana bwaami bwakwe.

1 Baami 12:25

Mwaami Jeloboamu mwine Isilaeli wakayaka lilinga kundabala ya Shekemu mucishi ca tulundu ca Efuleemu akwikalaako ciindi ciniini. Lyalo wakaswaako akuya mukuyaka lilinga kundabala ya Penuwelo.

2 Makani 11:1

Ono Leoboamu ndyaakashika muJelusalemu, wakabunganya bashilumamba bali 180,000 kuswa mumukowa wa bene Juda awa bene Benjameni. Wakalinga kusuni kuya mukulwana mikowa ya bene Isilaeli yakumatwa kwaamba ayi abooshe bwaami bwakwe pamikowa iyo.

Kulumbaisha 60:6

Ono Lesa waamba kuswa kuŋanda yakwe isalalite ayi, “Cakukoma ndaakubaanya ndabala ya Shekemu, acalo cinyika ca Sakoti ndaakucibaanya bantu bangu.

Jelemiya 41:5

kwakesa bantu makumi osanwe aotatwe bakalinga kukulwite ndesu, kukwamwite shakufwala shabo alimwi bakalinga kulinengweete abo bakaswa kuShekemu, Shilo akuSamaliya. Bantu bakaleta shipo sha fulaulo atununkila kabotu kuŊanda ya Mwaami Lesa.

Milimo ya Batumwi 7:16

Mituntu yabo yakatolwa kuShekemu uko nkobakeefukila mushuumbwe isho nshakoola maali Abulaamu kubana bakwe Amo.

Joshuwa 20:7

Aboobo kumbo lya Joodani bakasala ndabala ya Kadeshi muGalili mucishi ca tulundu cakwe Nafutali, Shekemu mucishi ca tulundu cakwe Efuleemu, Kilyati Aaba nabi ayi Ebuloni mucishi ca tulundu cakwe Juda.

Joshuwa 24:1

Mpeeke Joshuwa wakabunganya mikowa yoonse ya bene Isilaeli kuShekemu. Wakeeta bamaloba, bamatanjilili, boomboloshi alimwi abacinenenene ba muIsilaeli. Lyalo bakesa beemikana kunembo lyakwe Lesa.

Joshuwa 24:32

Mafuwa akwe Josefu, ayo bene Isilaeli ngobakakusha kuIjipiti, akabikwa kuShekemu, mukapansha ka cishi Jakobo nkaakoola amaali asilifa ali mwaanda, kuswa kubana bakwe Amoli ishi Shekemu. Musena uyo wakaba cishi ca bamulunyungu lwakwe Josefu.

Boomboloshi 9:1

Kuswawaawo Abimeleki mwanaakwe Gidyoni wakaya kuShekemu uko kwakalinga kwikala beshikamukowa ba banyina boonse akubaambila ayi

Boomboloshi 9:6

Lyalo bantu ba kuShekemu akuBeti Milo bakabungana pantu pomwi kucisamu ca mubanga pafwaafwi alibwe lilaamfu kuShekemu. Lyalo bakabika Abimeleki pabwaami.