1 Baami 11:3 - Baibo Busansulushi Bwa Libuku Ili

³ Solomoni wakeeba banaabaami bali 700 alimwi wakalinga kucite bakasuwa bali 300. Banakashi abo bakamulengesha kwaamba ayi ashiye nshila yakwe Lesa.

1 Baami 11:3 Marejeleo ya Msalaba

2 Makani 11:21

Pantu pomwi wakalinga kweebete banakashi bali 18 kubikaawo abakasuwa bali 60. Wakashala baana basankwa bali 28 kubikaawo abaana banakashi bali 60. Pakati ka bamakaakwe boonse aba alimwi abakasuwa bakwe, Maaka ngwaakalinga kusunishi.

Esita 1:18

Kalitana kwipila sunu, bamakaabo bacinenenene bene Pesha abene Mediya abo banyumfwa cikani ici, bananoonyansha bameebaabo. Lyalo bameebaabo bananookalalila bamakaabo.

Shikushimikila 2:8

Ndakalifushisha silifa agolodi kuswa mushishi shimwi nshendakalinga kulela. Ndakalinga kucite beshikwiimba basankwa abanakashi alimwi ndakalinga kucite abanakashi baanji abo bakalinga kunsangalasha.

Shikushimikila 7:28

Ndalema kuyandoola, sombi ndaalilwa kucana nshila. Ndakacana musankwa uyo ululeme pakati ka bantu bakalinga cuulu. Sombi nshikwe kucanawo mwanakashi ululeme nabi womwi pakati kabo.

Lwiimbo lwakwe Solomoni 6:8

Nabi mwaami waba abanakashi bali 60 alimwi abakasuwa bali 80, kubikaawo abamyooye batabelengeki,

Lwiimbo lwakwe Solomoni 6:9

ompolobe yangu, otacite nabi pomwi mpootaboneki kabotu, ndiwebo ngoonsuni. Ndiwebo mwaana mwanakashi banyoko ngobacite alimwi kaleme kuli mbabo. Bamyooye bakakubona akukulumbaisha. Abalo bamuka bamaami abakasuwa boonse bakakulumbaisha.

Dutolonomi 17:17

Mwaami uyo teelete kweeba banakashi baanji mukwiinga inga bamulengesha kuswa kuMwaami Lesa. Teelete kuba asilifa alimwi agolodi uunji bunene, sobwe.

Boomboloshi 3:6

Lyalo bene Isilaeli bakatalika kweebana amishobo iyo alimwi akulambila balesa babo.

Boomboloshi 9:5

Mpomunyaawo wakaya kuŋanda ya baishi kuOfula uko nkwaakaya mukucaya bamakwabo, bana bakwe Gidyoni bali makumi osanwe aobilo palibwe lyomwi. Sombibo Jotamu eenka ngowakacaala mukwiinga wakacica akuya mukuyuba.