1 Baami 11:2 - Baibo Busansulushi Bwa Libuku Ili

² Wakabeeba nakubi kwaamba ayi Mwaami Lesa wakakasha bene Isilaeli kweebana abaswamashi kuloondesha kwaamba ayi inga balengesha bene Isilaeli kulambila balesa bamwi.

1 Baami 11:2 Marejeleo ya Msalaba

Matalikilo 2:24

Paceebo ceeci musankwa ulaakushiya baishi abanyina akupaankana amukaakwe, lyalo balaba munyefu yomwi.

Matalikilo 34:3

Mpeeke wakamukonda abuumbi mwanakashi uyo, aboobo wakeelesha kumunyengelela.

1 Baami 11:9

Mwaami Lesa wakakalalila Solomoni mukwiinga moyo wakwe wakaswaako kuMwaami Lesa, Lesa wa bene Isilaeli uyo wakaboneka kuli nguwe mankanda obilo.

2 Makani 19:2

Mpeeke Jewu mulaluki mwanaakwe Anani, wakaya mukukumanya mwaami akumwaambila ayi, “Sa mutooyeeya ayi cililuleme kucafwa bamucita shibi akulwana kulubasu lwa bantu bapatite Mwaami Lesa? Ici ncemwacita calengesha bukali bwa Mwaami Lesa kwisa pali ndimwe.

2 Makani 21:6

Wakakonkela nshila shibiibi sha mwaami Aabu abamaami bamwi bene Isilaeli mukwiinga wakeeba mwanaakwe Aabu. Nkokwaamba ayi wakabishisha Mwaami Lesa,

Esila 9:12

Aboobo mutakeebeshi bana banu kubana babo nabi kuleka bana banu kweeba bana babo. Mutakabacaafwi ayi bekale muluumuno akuba acoolwe paciindi cili coonse kwaamba ayi mukayume akulya shintu shibotu sha mucishi ico akucishiila bana banu ayi cibe caabo lyoonse alyoonse.

Kulumbaisha 139:21

NoBaami baLesa, ndibapatite abo bamupatite alimwi bantu bamubukila balamfundoosha kumoyo.

Kulonga 23:31

Cishi canu cilaakutalikila kuLweenge Lusalala kushikila kuLweenge lwa Mediteleniyani, akuswa kuluyanga kushikila akuMulonga wa Yufuletisi. Ndaakumupa nkusu shakukoma beshi bakanooli mucishi ico, aboobo mulaakubatanda kunembo lyanu.

Kulonga 34:12

Mutakeeleshi kupanga cipangano abantu ba mucishi ico ncemutooyaamo, mukwiinga inga kaba koose kuli ndimwe.

Kulonga 34:16

Ono bana banu inga baakweeba banakashi baswamashi abo beenga babakusha kuli ndime, akutalika kulambila balesa babo.

Malaki 2:11

Bene Juda tabakwe kucita kweelana ambobakalasha Lesa. Sombi bakacita cintu cilensha nsoni muJelusalemu amucishi ca Isilaeli coonse. Babisha Ŋanda ya Mwaami Lesa iyo njaasuni ceebo basankwa baleeba banakashi balambila balesa ba mishobo imwi.

Bene Loma 1:32

Balishi mulawo wakwe Lesa wakwaamba ayi bantu bacita shintu sha mushobo uyu balyeelete kufwa. Nakubi boobo tabacitibo shintu ishi, sombi balalumbaisha abaabo bashicita.

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

1 Bene Kolinto 15:33

Mutabecekwi, “Shiweenda aumineme, awebo inga waminama.”

Ciyubululo 2:4

Sombi ndicite litongooshi pali ndiwe ceebo toonsuni bweenka mbowakalinga kunsuni kataanshi.