1 Baami 11:1 - Baibo Busansulushi Bwa Libuku Ili

¹ Mwaami Solomoni wakalinga kusuni banakashi baanji baswamashi. Peculu lya mwanaakwe Falawo mwaami wa kuIjipiti, wakeeba banakashi bene Iti, Moabu, Amoni, Edomu alimwi abene Sidoni.

1 Baami 11:1 Marejeleo ya Msalaba

1 Baami 11:8

Kuswawaawo wakayaka misena yakulambililaako ya patulundu uko bamakaakwe baswamashi boonse nkobakalinga kutentela tununkila kabotu akupa milambu kubalesa babo.

1 Baami 14:21

Leoboamu mwanaakwe Solomoni wakalinga kucite myaaka makumi one amwaaka womwi ndyaakaba mwaami wa cishi ca Juda. Wakalela kwamyaaka ili likumi ayosanwe alimwi ayobilo muJelusalemu, musena uyo Mwaami Lesa ngwaakasala mucishi ca Isilaeli coonse ayi anoolambililwaako. Banyina Leoboamu bakalinga ba Naama bakaswa kuAmoni.

1 Baami 14:31

Leoboamu wakafwa akubikwa kushuumbwe sha bamaami muNdabala inene yakwe Defedi. Banyina bakalinga ba Naama bakaswa kuAmoni. Lyalo Abija mwanaakwe wakapyana bwaami bwakwe.

1 Baami 16:31

Taakwe kubishabo mbuli mbwaakabisha Jeloboamu mwanaakwe Nebati, sombi lakwe wakaya amukweeba walutundu wiitwa ayi Jesebelo, mwaana mwanakashi wakwe Etibaala mwaami wa bene Sidoni. Lyalo wakatalika kusebensela Baali akumulambila.

1 Baami 3:1

Solomoni wakapanga bushicibusa aFalawo mwaami wa kuIjipiti kweeba mwanaakwe. Wakamuleta mundabala ya Defedi umo mobakalinga kwikala kushikila ndyaakamanisha kuyaka ŋanda yakwe ya bwaami, Ŋanda yakwe Lesa alubumbu kushinguluka Jelusalemu.

Esila 10:44

Anu boonse aba mbobakalinga kweebete banakashi baswamashi. Mpeeke bakabaleka akubatanda pantu pomwi abana babo.

Esila 9:1

Ono shintu ishi ndishakamana kucitwa, bamatanjilili bakesa kuli ndime akwaamba ayi, “Bene Isilaeli, kubikaawo abapailishi alimwi abene Lefi tabakwe kulipatula kubantu mbobekalaabo. Balakonkela micito yabo ibiibi, mbuli ya bene Kenani, bene Iti, bene Pelisi, bene Jebusi, bene Amoni, bene Moabu, bene Ijipiti alimwi abene Amoli.

Esila 9:2

Bakeeba baana banakashi ba baswamashi abo alimwi akweebesha kubana babo basankwa. Munshila iyo bakasenkanya mushobo usalalite kubantu mbobekalaabo. Bamatanjilili abacinenenene balo mbobali akunembo mukucita shibiibi isho.

Kulonga 34:16

Ono bana banu inga baakweeba banakashi baswamashi abo beenga babakusha kuli ndime, akutalika kulambila balesa babo.

Tushimpi 2:16

Busongo bulaakukupulusha kuswa kumwanakashi mufuule, ee, mwanakashi utabete kabotu uyo waamba makani akunyengelela.

Tushimpi 22:14

Mulomo wa mwanakashi mufuule ncilindi cilaamfu. Uyo woonse Mwaami Lesa ngwaakalalila, ulawitaamo.

Tushimpi 23:33

Meenso ako alaakunoobona shintu sheensu, akalo kalango kako kalaakunooyeeyabo shintu shifulunganya.

Tushimpi 31:3

Utanyonyooli nkusu shako shoonse kubanakashi alimwi utasoweeli maali ako kubaabo banyonyoola bamaami.

Tushimpi 6:24

Shilakonsha kukukasha kuya kubanakashi babiibi, ee, kukukasha kumuka mwiine waamba maswi ayungoola basankwa.

Tushimpi 7:5

Ingaawo shikakufune kuswa kumwanakashi shibulale akumwanakashi muka mwiine waamba maswi ayungoola basankwa.

Bene Lefi 18:18

“Utabwesi mukwabo mukaako ayi abe mukaako umwi na mukaako uyo kaacili muumi.

Dutolonomi 17:17

Mwaami uyo teelete kweeba banakashi baanji mukwiinga inga bamulengesha kuswa kuMwaami Lesa. Teelete kuba asilifa alimwi agolodi uunji bunene, sobwe.