1 Baami 10:21 - Baibo Busansulushi Bwa Libuku Ili

²¹ Nkomeshi shoonse shakwe Solomoni shakapangwa a golodi. Mbale shoonse shakalinga kubikwa muCipinda ca Musaansa wa Lebanoni shakapangwa agolodi wiine wiine. Taaku shakapangwawo asilifa mukwiinga ciindi ico cakwe Solomoni silifa teyakalinga kucite makwebo.

1 Baami 10:21 Marejeleo ya Msalaba

1 Baami 10:17

Wakapanga amayawo aniini a golodi wakapampamikwa ali myaanda yotatwe. Lyomwi alyomwi lyakatola golodi ulema makilogilamu ali 2. Wakabika mayawo oonse ayo muCipinda ca Musaansa wa Lebanoni.

1 Baami 10:20

Kwakalinga nkalamu shakubumba shili likumi ashobilo, nkokwaamba ayi kweela citantilo koonse koonse kwakalinga nkalamu yomwi yomwi. Taaku mwaami umwi wakalinga kucitewo cuuna ca bwaami ca mushobo uyo.

1 Baami 10:22

Solomoni wakalinga kucite maato eenda palweenge ayo akalinga kweendela pantu pomwi amaato akwe Ilamu. Lyoonse na peenda myaaka yotatwe akalinga kuboola kaayumwite golodi, silifa, meeca a nsofu, bankontwe abasokwe.

1 Baami 7:2

Cipinda cinene cakalinga kwiitwa ayi cipinda ca Musaansa wa Lebanoni. Mubulaamfu cakalinga kulaampa mamita ali 44, mamita ali 22 mubufwaafwi alimwi mamita ali 13.5 kuya mwiculu. Cakalinga kucite mindando yone ya macinko a shisamu sha sida apo pakalinga kushikila mitanti ya shisamu sha sida shibesetwe kabotu.

Esita 1:7

Shakunwa shakaabwa munkomeshi sha golodi shipusenepusene alimwi waini wa bwaami wakaabwa uunji ceebo ca bwaabi bwa mwaami.

Jobo 28:1

“Kuli mukoti uko kukabwa silifa amusena golodi nkooboteshelwa.

Sekaliya 9:3

Bene Taya bakaliyakila ciyubilo. Babunjika silifa cakubabo pali poonse anga ndusuko. Ee, babunjika golodi cakubabo anga ngamatombe a mumikwakwa.

Dutolonomi 17:17

Mwaami uyo teelete kweeba banakashi baanji mukwiinga inga bamulengesha kuswa kuMwaami Lesa. Teelete kuba asilifa alimwi agolodi uunji bunene, sobwe.