1 Baami 10:2 - Baibo Busansulushi Bwa Libuku Ili

² Mwaami uyo wakaya abeshikumucafwa baanji alimwi angamela shakalinga kuyumwite tununkila kabotu mubuyani, shakulibotesha shamakwebo alimwi agolodi uunji. Ndyaakakumana aSolomoni, wakamwiipusha miipusho iyo yoonse njaakalinga kucite mumoyo.

1 Baami 10:2 Marejeleo ya Msalaba

Matalikilo 18:33

Mwaami Lesa ndyaakamanisha kwaamba aAbulaamu wakaya, alakwe Abulaamu wakaboolela kumishaabo.

1 Baami 10:10

Mpeeke wakapa mwaami Solomoni shipo isho nshaakaleta. Wakamupa makilogilamu a golodi ali 4,000 akuya peculu pantu pomwi atununkila kabotu mubuyani ashakulibotesha shamakwebo. Mweelo wa tununkila kabotu uto twakamupa mwaami mwanakashi wa kuShiba, wakeendaawo kukomena pawooyo wa tooto ntwaakatambulaawo kale.

1 Baami 10:3

Solomoni wakeekumbula yoonsebo. Taaku mwiipusho ngwaakaalilwa kukumbula.

2 Baami 20:13

Esekiya wakatambula beshinkombe alimwi wakabatondesha buboni bwakwe boonse, nkokwaamba ayi silifa, golodi, tununkila kabotu mubuyani, mafuta anunkila kabotu, shakulwanisha shakwe shoonse alimwi abuboni boonse bwakalinga mushipinda shakwe shakubusungilamo. Taaku cintu nabi comwi muŋanda ya bwaami nabi mubuleelo bwakwe boonse cakacaala kutababonesha.

2 Baami 5:5

Mwaami wakaamba ayi, “Koya kumwaami wa kuIsilaeli, utolelele ankalata iyi kuli nguwe.” Lyalo Naamani wakanyamuka amaali a silifa ali 30,000, amaali a golodi ali 6,000 ashakufwala shibotu shili likumi.

2 Baami 5:9

Lyalo Naamani wakaya amaaki alimwi ashikoci shakwe akwiimikana pamulyango wa ŋanda yakwe Elisha.

Jobo 4:2

“Ino umwi na kaasuni kubandika andiwe, sa inga wamukalalila? Nebo cangalila kutolelela kuumuna.”

Kulumbaisha 4:4

Kamuloonda Lesa cakubula kubisha. Kamuyeeyesha makani aya ciindi ndimukutumana pabulo.

Kulumbaisha 72:10

Bamaami bene Sipeeni aba kunsumbu abakamuletele shipo, Bamaami bene Sheba abene Seba abalo abakamuletele shipo mukumupa bulemu.

Kulonga 25:6

mafuta a olifi a mumalampi, tununkila kabotu twa mumafuta akunanika bantu alimwi amutununkila kabotu pakutenta.

Isaya 30:6

Ono maswi aamba pabanyama ba kuNegefu ngaaya: “Beshikwiimikanina baleenda mucishi ciyoosha, umo muli nkalamu, mpili ansooka shimwi shuuluka. Balanyamuna shintu shabo shamakwebo pambongolo. Balalundika maboni abo pamisana ya ngamela kutolela mushobo utakoonshi kubacafwa.

Esekelo 27:22

“ ‘Beshimakwebo ba kuSheba aLaama bakalinga kuleta tununkila kabotu mubuyani twiindaawo kubota, mabwe amakwebo alimwi agolodi mukushintana amakwebo ako.

Luka 24:15

Kabacibandika akwiipushanya makani ayo, Jesu mwiine wakesa pafwaafwi akweendela pantu pomwi ambabo.

Milimo ya Batumwi 25:23

Bushiku bwakaboolaawo, Agilipa aBenisi bakashika cabulemu kweelana ambobakabatambula bantu. Bakenjila muŋanda mwakubunganina kabali abamatanjilili ba bashilumamba alimwi abamaloba bashibikitwe mundabala inene ilya. Lyalo Fesitasi wakaambila bashilumamba ayi balete Paulo.