1 Baami 10:10 - Baibo Busansulushi Bwa Libuku Ili

¹⁰ Mpeeke wakapa mwaami Solomoni shipo isho nshaakaleta. Wakamupa makilogilamu a golodi ali 4,000 akuya peculu pantu pomwi atununkila kabotu mubuyani ashakulibotesha shamakwebo. Mweelo wa tununkila kabotu uto twakamupa mwaami mwanakashi wa kuShiba, wakeendaawo kukomena pawooyo wa tooto ntwaakatambulaawo kale.

1 Baami 10:10 Marejeleo ya Msalaba

Matalikilo 43:11

Baishiwabo bakabaambila ayi, “Na mboboobo mboceelete kuba, anu amubwese shiswa mucishi cino shibotu kwiindaawo mushifunta shanu, kwaamba ayi mutole cipo kumweendeleshi. Amubikeemo mashina ashisamu aniini, tubuuci, tununkila kabotu mubuyani, mule, nyemu sha pisitashiyo alimwi asha alimondi.

1 Baami 10:2

Mwaami uyo wakaya abeshikumucafwa baanji alimwi angamela shakalinga kuyumwite tununkila kabotu mubuyani, shakulibotesha shamakwebo alimwi agolodi uunji. Ndyaakakumana aSolomoni, wakamwiipusha miipusho iyo yoonse njaakalinga kucite mumoyo.

1 Baami 9:14

Golodi Ilamu ngwaatuma kuli Solomoni woonse wakakwanisha makilogilamu ali 4,000 akuya peculu.

Kulumbaisha 68:29

Ceebo ca Ŋanda yanu isalalite ili kuJelusalemu, bamaami bananooleta shipo kuli ndimwe.

Kulumbaisha 72:10

Bamaami bene Sipeeni aba kunsumbu abakamuletele shipo, Bamaami bene Sheba abene Seba abalo abakamuletele shipo mukumupa bulemu.

Kulumbaisha 72:15

Kaabukila buumi lyoonse! Golodi ya kuSheba aikapekwe nguwe. Aakapaililwe cakutacilekaawo. Aakasengelwe shoolwe lyoonsebo!

Kulonga 30:34

Mwaami Lesa wakaambila Mose alimwi ayi, “Ukabwese tununkila kabotu twiitwa ayi sitakiti, onika, galubanamu alimwi afulankinsensi.

Tushimpi 20:15

Golodi nkooli, amabwe amwi amakwebo eetwa ayi lubi ngaanji, sombi milomo yaamba sha lushibo ili anga ngamabwe amakwebo atacanikicaniki.

Shikushimikila 2:8

Ndakalifushisha silifa agolodi kuswa mushishi shimwi nshendakalinga kulela. Ndakalinga kucite beshikwiimba basankwa abanakashi alimwi ndakalinga kucite abanakashi baanji abo bakalinga kunsangalasha.

Mateyo 2:11

Ndibakenjila muŋanda, bakabona mwaana alimwi aMaliya banyina. Mpomunyaawo bakafukama akulambila mwaana. Lyalo bakacalula shoola shabo akupa shipo sha golodi, atumwi tununkila kabotu pakutenta alimwi amafuta anunkila kabotu eetwa ayi mule.

Ciyubululo 21:11

Yakalinga kubeka ceebo ca bulemu bwakwe Lesa. Ndabala inene iyi yakalinga kubekabo anga ndibwe lyamakwebo libeka abuumbi, ee, anga ndibwe lya maanshi.