1 Baami 1:7 - Baibo Busansulushi Bwa Libuku Ili

⁷ Mpeeke Adonija wakanyumfwana aJoabu mwanaamwanakashi wiitwa ayi Seluiya alimwi aBiyata mupailishi. Abalo bakasumina kumucafwa mucikani ico.

1 Baami 1:7 Marejeleo ya Msalaba

2 Samwelo 15:12

Lyalo Abusalomu ndyaakalinga kubenga milambu, wakatumina nkombe Ayitofelo, shikupandako maano Defedi, ayi alakwe ese kuswa kuGilo, ndabala ine mishaabo. Munshila iyo miyeeyo yakwe Abusalomu yakubukila bwaami yakalinga kuya cishimpa, abalo beshikumukonkela bakalinga kuya cifula.

2 Samwelo 15:35

Cabota ncakwaamba ayi Sadoki aAbyata bapailishi nkobali kweenka uko. Inga koobalwiita cili coonse nceenga wanyuumfwa kuŋanda ya bwaami.

2 Samwelo 20:23

Muciindi ico Joabu wakalinga ngomutanjilili wa bashilumamba boonse bene Isilaeli. Wakalinga munene wa beshikulindilila Defedi nguBenaya mwanaakwe Jeoiyada.

2 Samwelo 20:25

Shefa wakalinga ngomulembi wa kubwalo. Bapailishi bakalinga Sadoki aAbyata,

2 Samwelo 8:16

Joabu mwanaakwe Seluiya wakalinga ngomutanjilili wa bashilumamba, Jeoshafati mwanaakwe Ayiludi kaali ngoshikulemba makani amwi oonse.

1 Baami 2:22

Mwaami Solomoni wakeepusha ayi, “Nceebonshi mulisuni kwaamba ayi nsuminishe Adonija kweeba Abishagi? Sa te kunembo inga mwamusengela acuuna ca bwaami? Kuteelabo waawo, Adonija ngumunene wangu, alimwi Abiyata mupailishi aJoabu mwanaakwe Suluiya bali kulubasu lwakwe.”

1 Makani 11:6

Lyalo Defedi wakaamba ayi, “Uyo woonse weshi ataangune kulwana bene Jebusi ngweshi abe mutanjilili wa bashilumamba boonse.” Mpeeke Joabu mwanaakwe Seluiya ngowakataanguna kuya mukulwana akuba mutanjilili wa bashilumamba.

1 Makani 27:34

Aitofelo ndyaakafwa wakapyana musena wakwe nguJeoiyada mwanaakwe Benaya alimwi aAbiyata. Joabu wakalinga mutanjilili wa bashilumamba ba mwaami.

Kulumbaisha 2:2

Bamaami babo balabukamo lwampeta, baleli babo balalibungabunga ayi balwane Mwaami Lesa alimwi aUsalitwe wakwe.