1 Baami 1:34 - Baibo Busansulushi Bwa Libuku Ili

³⁴ Lyalo uko Sadoki alimwi aNatani baye bananike Solomoni mafuta ayi abe mwaami wa bene Isilaeli. Kuswawaawo balishe lupeenga akoolobesha ayi ‘Eekale ciindi cilaamfu mwaami Solomoni!’

1 Baami 1:34 Marejeleo ya Msalaba

2 Samwelo 15:10

Ono Abusalomu wakatuma beshinkombe cabushishi mumikowa yoonse ya bene Isilaeli ayi babaambile ayi, “Mwaakunyumfwabo mapeenga alila, mukaambe ayi, ‘Abusalomu ngumwaami muEbuloni.’ ”

2 Samwelo 2:4

Mpeeke basankwa bene Juda bakesa kuEbuloni akunanika Defedi kuba mwaami wabo. Ono Defedi ndyaakanyumfwa kwaamba ayi basankwa bene Jabeshi Gilyadi mbobakabika Saulo,

2 Samwelo 5:3

Mpeeke bamaloba boonse bene Isilaeli ndibakashika kuli Defedi kuEbuloni, Defedi wakapanga cipangano ambabo uko pameenso aMwaami Lesa. Lyalo bakamunanika mafuta ayi abe mwaami wa bene Isilaeli.

1 Baami 1:25

Sunu bulya waya mukubenga bacende baanji, mbelele shiinji alimwi aboombe beenite. Watamba bana banu basankwa, Abiyata mupailishi alimwi aJoabu mutanjilili wa bashilumamba banu. Bulya batoosekelela akoolobesha ayi, ‘Eekale ciindi cilaamfu mwaami Adonija!’

1 Baami 1:35

Mumukonkele pakuboola kwisa kokuno mukwikala pacuuna cangu ca bwaami. Lakwe ngweshi atole musena wangu wa bwaami mukwiinga nebo ngondakasala kwaamba ayi akabe muleli wa bene Isilaeli awa bene Juda.”

1 Baami 1:39

Sadoki wakabwesa musaashi mwakalinga mafuta a olifi ngaakakusha kuTente ya Cipangano akunanika Solomoni. Bakalisha lupeenga, bantu boonse bakoolobesha ayi, “Eekale ciindi cilaamfu mwaami Solomoni!”

1 Baami 19:16

Waakumana ukananike Jewu mwanaakwe Nimushi akumupa bwaami bwa cishi ca Isilaeli. Kuswawaawo ukaye ukananike Elisha mwanaakwe Shafati mwine Abelo Mewola ayi apyane ndiwe mubulaluki.

2 Baami 11:12

Lyalo Jeoiyada wakakusha Joashi, wamufwalika mushini wa bwaami kumutwi. Lyalo wakamupa pakalembwa milawo ya bwaami. Mpomunyaawo Joashi wakananikwa mafuta akwaambilishikwa ayi ngumwaami. Bantu bakasangalala, bakamba mapaka akwaamba ayi, “Mwaami kaabukila buumi!”

2 Baami 11:14

Ndyaakashika, wakacana mwaami uliimfwi kulicinko pamwinjililo wa Ŋanda yakwe Lesa kweelana akwishibila kwabo. Wakalinga kushingulukitwe abamatanjilili alimwi abeshikulisha mapeenga. Bantu boonse bakalinga koolobesha cakusangalala akulisha mapeenga. Mpomunyaawo Ataliya wakakwamoona shakufwala shakwe ceebo ca moyo kucisa akwaamba ayi, “Bambukila! Bambukila!”

2 Baami 9:13

Mpomunyaawo babye abo bakafuula shakufwala sha peculu akushiyala pamatantilo aŋanda kwaamba ayi Jewu eemikaneewo. Lyalo bakalisha mapeenga akoolobesha ayi, “Jewu ngumwaami!”

2 Baami 9:3

Upuumwite mafuta aya pamutwi wakwe akwaamba ayi, ‘Mwaami Lesa waamba ayi, Ndakunanika mafuta kwaamba ayi ube mwaami wa bene Isilaeli.’ Lyalo ukasweemo cakufwambaana.”

2 Baami 9:6

Lyalo bobilo abo bakaya mucipinda. Mpeeke mulaluki uyo wakatila mafuta a olifi pamutwi wakwe Jewu akumwaambila ayi, “Mwaami Lesa, Lesa wa bene Isilaeli waamba ayi, ‘Ndakunanika kwaamba ayi ube mwaami wa bantu bangu bene Isilaeli.

2 Makani 23:11

Lyalo Jeoiyada wakakusha Joashi, wamufwalika mushini wa bwaami kumutwi. Lyalo wakamupa pakalembwa milawo ya bwaami. Munshila iyo wakaba mwaami. Jeoiyada mupailishi pantu pomwi abana bakwe basankwa bakananika Joashi mafuta a bwaami. Mpeeke bantu boonse bakoolobesha ayi, “Mwaami kaabukila buumi!”

Kulumbaisha 45:7

Mwebo ncemusunibo mbululami, sombi bubi mulibupatite. Nceceeco Lesa, Lesa wanu ncaakamusalila, akumupa kusangalala kwiindaawo, pabamaami bamwi boonse.

Kulumbaisha 89:20

Ndabika Defedi musebenshi wangu pabwaami. Ndamunanika mafuta angu asalalite.

Kulumbaisha 89:36

Lunyungu lwakwe lulanooliikobo kwalyoonse alyoonse. Cuuna ca bwaami bwakwe cilaakukalilila pameenso angu, kulilabo lisuba kalicibala.

Isaya 45:1

Ono Mwaami Lesa waambila Sailasi uyo ngwaakasala ayi, “Ndakucatilila palyaansa lyalulyo kwaamba ayi ukome mishobo ya bantu akufuula bamaami bulemu bwabo. Ndaakukucalwita shisasa sha kuminjililo ya mandabala anene kwaamba ayi ikanoolibo bwaashi.

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

1 Samwelo 10:1

Lyalo Samwelo wakabwesa musaashi wa mafuta a olifi wapuumwita Saulo pamutwi, wamufyonta akwaamba ayi, “Mwaami Lesa wakusala ayi ube muleli wa bene Isilaeli. Ulaakulela bantu bakwe akubafuna kubalwani babo. Ono citondesho ici ncakwaamba ayi Mwaami Lesa wakusala kuba muleli wa bantu bakwe.

1 Samwelo 10:24

Mpomunyaawo Samwelo wakaamba ayi, “Sa mwamubona musankwa uyo Mwaami Lesa ngwaasala? Taaku aumwi uli mbuli nguwe pakati kesu.” Lyalo bantu boonse bakoolobesha ayi, “Abekale ciindi cilaamfu baami!”

1 Samwelo 16:3

Lyalo utambe Jese kwisa kumulambu. Kuswawaawo ntookulwiita nceshi ucite. Ulyeelete kunanika mafuta a bwaami pamuntu ngweshi nkutondeshe.”