1 Baami 1:33 - Baibo Busansulushi Bwa Libuku Ili

³³ wakabalwiita ayi, “Amubwese bacinenenene bangu, mutantike Solomoni mwanaangu pambongolo yabwaami, mumushindikile kushika kukantupu ka Giwoni.

1 Baami 1:33 Marejeleo ya Msalaba

Matalikilo 41:43

Wakamupa acikoci ca maaki cabili mubwaami kwaamba ayi anokweendelaamo. Mpeeke basankwa bakaya kunembo akoolobesha ayi, “Amushiye nshila! Amushiye nshila!” Munshila iyo Josefu mbwaakabikwa kuba mweendeleshi wa cishi ca Ijipiti.

2 Samwelo 13:29

Mpeeke basebenshi bakwe Abusalomu bakacita kweelana ambwaakabaambila. Mpomunyaawo banaamwaami bamwi boonse bakatanta shifubwa shabo shili anga nimbongolo akuloboka.

1 Baami 1:38

Aboobo Sadoki, Natani, Benaiya alimwi abeshikulindilila mwaami bakabika Solomoni pacifubwa cakwe Defedi cili anga nimbongolo akumushindikila kukantupu ka Giwoni.

1 Baami 1:5

Ono Adonija mwanaakwe Defedi aAgiti wakalisumpula akwaamba ayi, “Ntooba mwaami.” Mpeeke wakabamba shikoci sha nkondo amaaki alimwi abashilumamba bali makumi osanwe ayi banooya bucica kunembo lyakwe.

1 Baami 2:35

Mpeeke mwaami Solomoni wakabika Benaiya mwanaakwe Jeoiyada mumusena wakwe Joabu kuba mutanjilili wa bashilumamba. Mpeeke wakabika Sadoki kuba mupailishi pamusena wakwe Abiyata.

1 Makani 29:22

Pabushiku ubo bantu boonse bakasangalala abuumbi ndibakalinga kulya akunwa kunembo lya Mwaami Lesa. Bakabooshaawo kwaambilisha ayi Solomoni mwanaakwe Defedi ngumwaami wabo akumunanika mafuta a bwaami pameenso akwe Lesa. Mpeeke bakananika aSadoki kuba mupailishi.

2 Makani 32:30

Mwaami Esekiya ngowakashinkila Kantupu ka Giyoni akulengesha maanshi kukunkila kumbo lya Ndabala ya Defedi. Wakaswitilila mushintu shoonse nshaakacita.

2 Makani 33:14

Pesule wakayaka lubumbu lwa Ndabala yakwe Defedi kumbo lya Kantupu ka Giyoni kulubasu lwa cinyika kuya mukushika kuMwinjililo wa Nswi. Kalundu ka Ofelo waakabika mukati ka lubumbu ulo ndwaakayaka cakululaampya kuya mwiculu. Lyalo wakabika bamatanjilili ba bashilumamba mumandabala oonse akalinga kucite malinga mucishi ca Juda.

Bene Lefi 19:19

“Kamukonkela milawo yangu. Tamweelete kusuminisha mishobo ya banyama mbomufubite ayi banooshalana amishobo imwi ipusene. Tamweelete kushanga mbuto shobilo shipusene mumuunda womwi, alimwi tamweelete kufwala shakufwala shakapangwa kumishobo yobilo ya shisani.