1 Baami 1:2 - Baibo Busansulushi Bwa Libuku Ili

² Lyalo bacinenenene bakwe bakaamba ayi, “Nomulemekwa amutusuminishe tumuyandweete mulindu ngweshi munookalaakwe alimwi weshi anoomulama kabotu. Unanokoona pafwaafwi amwebo kwaamba ayi anomulungushaako.”

1 Baami 1:2 Marejeleo ya Msalaba

Matalikilo 16:5

Lyalo Salai wakaambila Abulamu ayi, “Ndimwe mwalengesha kwaamba ayi Aga ansebaanye. Nebo nemwiine ndime ndakamupa kuli ndimwe. Ono kuswabo mbwaakashibila ayi wamita, ulansebaanya. Ncibotu, Lesa mwiine aomboloshe akwishiba ululeme pali ndiswe sobilo, mwebo na nebo!”

2 Samwelo 12:3

sombi mukandu wakalinga kucitebo mwanaambelele mwanakashi womwi uyo ngwaakoola, alimwi wakakulila muŋanda yakwe. Wakalinga kumusanina ashakulya shaakwe mwiine akumusuminisha kunwa munkomeshi yakwe. Wakalinga kumulela pamyeendo yakwe. Ncakwiila mwanaambelele uyo wakalingabo anga ngumwaana mwanakashi kumusankwa uyo.

1 Baami 1:1

Mwaami Defedi wakacembela abuumbi paciindi ici cakwaamba ayi nabi basebenshi bakwe bamufweka manduumba, taakalinga kukasaalilwaawo.

1 Baami 1:3

Aboobo bakayandoola mulindu mubotu mucishi coonse ca Isilaeli, mpeeke mundabala ya Shunemu bakacana mulindu wiitwa ayi Abishagi akumutola kumwaami.

2 Makani 29:11

Nobana bangu mutasoowi ciindi. Mwaami Lesa wakasala ndimwe ayi munoomutentela tununkila kabotu akunootanjilila bantu mukulambila nguwe.”

Esita 2:2

Ono beshikumupandako maano bakamwaambila ayi, “Amuleke kuyandoolwe bamyooye babotu batana kukumanawo kale abasankwa.

Shikushimikila 4:11

Bantu bobilo boona pantu pomwi, balakasaashanya. Sombi muntu woona eenka, inga walikasaasha buyani?

Mika 7:5

Utashomi shikamukobonyoko. Utaciinki manungo mumubyo nabi kushoma bunene mukaako. Kocenjela amakani ngootokwaamba

Dutolonomi 10:8

Paciindi ico, Mwaami Lesa wakasala mukowa wakwe Lefi ayi banoolama Libokoshi lya Cipangano, akumusebensela mubupailishi alimwi akunoopa shoolwe muliina lyakwe. Uyu ucili ngomulimo wabo asunu.

Dutolonomi 13:6

“Na mukwanu, mwanaako musankwa nabi mwanakashi, mukaako usunikwi nabi mubyo ngoonyumfwanaakwe bunene wakunyengelela ayi ulambile balesa bamwi, abo webo abamashali bako bakulukulu mbomutakwe kulambilawo kale,