Zaburi 84 - Swahili Revised Union Version - SRUVDC

Shangwe ya kuabudu katika hekalu Kwa mwimbishaji: kwa mtindo wa Gitithi. Ya Wakorahi. Zaburi.

¹ Maskani zako zapendeza kama nini, Ee BWANA wa majeshi!

² Nafsi yangu imezionea shauku nyua za BWANA, Naam, na kuzikondea. Moyo wangu na mwili wangu Vinamlilia Mungu aliye hai.

³ Hata Shomoro ameona nyumba, Na mbayuwayu amejipatia kiota, Alipoweka makinda yake, Kwenye madhabahu zako, Ee BWANA wa majeshi, Mfalme wangu na Mungu wangu.

⁴ Heri wakaao nyumbani mwako, Wanakuhimidi daima.

⁵ Heri ambaye nguvu zake zatoka kwako, Na njia ziendazo Sayuni zimo moyoni mwake.

⁶ Wapitapo katika bonde la baraka, Hulifanya kuwa chemchemi, Naam, mvua ya vuli hulijaza baraka.

⁷ Huendelea toka nguvu hata nguvu, Huonekana Sayuni kila mmoja mbele za Mungu.

⁸ BWANA, Mungu wa majeshi, uyasikie maombi yangu, Ee Mungu wa Yakobo, usikilize, wako.

⁹ Ee Mungu, ngao yetu, uangalie, Umtazame uso masihi

¹⁰ Hakika siku moja katika nyua zako Ni bora kuliko siku elfu kwingineko; Ningependa kuwa bawabu nyumbani mwa Mungu wangu, Kuliko kuishi katika hema za uovu.

¹¹ Kwa kuwa BWANA, Mungu, ni jua na ngao, BWANA atatoa neema na utukufu. Hatawanyima kitu chema Hao waendao kwa ukamilifu.

¹² Ee BWANA wa majeshi, Heri mwanadamu anayekutumaini Wewe.