Zaburi 82 - Swahili Revised Union Version - SRUVDC

Ombi la kupata haki Zaburi ya Asafu.

¹ Mungu asimama katika kusanyiko la Mungu; Katikati ya miungu anahukumu.

² Hadi lini mtahukumu kwa dhuluma, Na kuzikubali nyuso za wabaya?

³ Mfanyieni hukumu maskini na yatima; Mtendeeni haki aliyeonewa, na fukara;

⁴ Mwokoeni maskini na mhitaji; Mwopoeni mikononi mwa wadhalimu.

⁵ Hawajui wala hawafahamu, hutembea gizani; Misingi yote ya nchi imetikisika.

⁶ Mimi nimesema, Ndinyi miungu, Na wana wa Aliye Juu, enyi nyote.

⁷ Lakini mtakufa kama wanadamu, Mtaanguka kama mmoja wa wakuu.

⁸ Ee Mungu, usimame, uihukumu nchi, Maana mataifa yote ni yako.