1 Mambo ya Nyakati 25 - Swahili Revised Union Version - SRUVDC

Waimbaji wa hekaluni

¹ Tena Daudi na makamanda wa jeshi wakatenga kwa utumishi baadhi ya wana wa Asafu, na wa Hemani, na wa Yeduthuni, watakaotabiri kwa vinubi na vinanda, na matoazi; hii ndiyo hesabu ya wafanya kazi kulingana na utumishi wao;

² wa wana wa Asafu; Zakuri, na Yusufu, na Nethania, na Asharela, wana wa Asafu; walioamriwa na Asafu, aliyetabiri kwa amri ya mfalme.

³ Wa Yeduthuni; wana wa Yeduthuni; Gedalia, na Seri, na Yeshaya, na Hashabia, na Matithia, [na Shimei], watu sita; walioamriwa na baba yao Yeduthuni mwenye kinubi, aliyetabiri katika kumshukuru na kumsifu BWANA.

⁴ Wa Hemani; wana wa Hemani; Bukia, Matania, Uzieli, Shebueli, na Yeremothi, Hanania, Hanani, Eliatha, Gidalti, na Romanti-ezeri, Yoshbekasha, Malothi, Hothiri, Mahaziothi;

⁵ hao wote ndio wana wa Hemani, mwonaji wa mfalme, kwa maneno ya Mungu, ili kuinua pembe. Naye Mungu akampa Hemani wana kumi na wanne na binti watatu.

⁶ Hao wote waliamriwa na baba yao, waimbe nyumbani mwa BWANA, wakiwa na matoazi, vinanda, na vinubi, kwa utumishi wa nyumba ya Mungu; Asafu, Yeduthuni, na Hemani wakiwa wanaamriwa na mfalme.

⁷ Na hesabu yao, pamoja na ndugu zao waliofundishwa kumwimbia BWANA, wote waliokuwa mastadi, walikuwa mia mbili na themanini na wanane.

⁸ Wakapigiwa kura ya huduma zao, kwa pamoja, mdogo kwa mkubwa, mwalimu kwa mwanafunzi.

⁹ Kura ya kwanza ikamtokea Yusufu, kwa Asafu; ya pili Gedalia; yeye na nduguze na wanawe, kumi na wawili;

¹⁰ ya tatu Zakuri, wanawe na nduguze, kumi na wawili;

¹¹ ya nne Seri, wanawe na nduguze, kumi na wawili;

¹² ya tano Nethania, wanawe na nduguze, kumi na wawili;

¹³ ya sita Bukia, wanawe na nduguze, kumi na wawili;

¹⁴ ya saba Asharela, wanawe na nduguze, kumi na wawili;

¹⁵ ya nane Yeshaya, wanawe na nduguze, kumi na wawili;

¹⁶ ya tisa Matania wanawe na nduguze, kumi na wawili;

¹⁷ ya kumi Shimei, wanawe na nduguze, kumi na wawili;

¹⁸ ya kumi na moja Uzieli, wanawe na nduguze, kumi na wawili;

¹⁹ ya kumi na mbili Hashabia, wanawe na nduguze, kumi na wawili;

²⁰ ya kumi na tatu Shebueli, wanawe na nduguze, kumi na wawili;

²¹ ya kumi na nne Matithia, wanawe na nduguze, kumi na wawili;

²² ya kumi na tano Yeremothi, wanawe na nduguze, kumi na wawili;

²³ ya kumi na sita Hanania, wanawe na nduguze, kumi na wawili;

²⁴ ya kumi na saba Yoshbekasha, wanawe na nduguze, kumi na wawili;

²⁵ ya kumi na nane Hanani, wanawe na nduguze, kumi na wawili;

²⁶ ya kumi na tisa Malothi, wanawe na nduguze, kumi na wawili;

²⁷ ya ishirini Eliatha, wanawe na nduguze, kumi na wawili;

²⁸ ya ishirini na moja Hothiri, wanawe na nduguze, kumi na wawili;

²⁹ ya ishirini na mbili Gidalti, wanawe na nduguze, kumi na wawili;

³⁰ ya ishirini na tatu Mahaziothi, wanawe na nduguze, kumi na wawili;

³¹ ya ishirini na nne Romanti-ezeri, wanawe na nduguze, kumi na wawili.