Yohana 7 - New Testament in Swahili (Zanzibar) Revised Edition 1921

¹ NA baada ya haya Yesu akawa akitembea katika Galilaya: maana hakutaka kutembea katika Yahudi, kwa sababu Wayahudi walikuwa wakitafuta kumwua.

² Na siku kuu ya Wayahudi, siku kuu ya vibanda, ilikuwa karibu.

³ Bassi ndugu lake wakamwambia, Ondoka bapa uende Yahudi, wanafunzi wako nao wapate kuzitazama kazi zako unazozifanya.

⁴ Kwa maana hakuna mtu afanyae neno kwa siri, na yeye mwenyewe anataka kujulikana. Ukifanya haya, jidhihirishe kwa ulimwengu.

⁵ Maana hatta ndugu zake hawakumwamini.

⁶ Bassi Yesu akawaambia, Haujafika wakati wangu; wakati wenu sikuzote u tayari.

⁷ Ulimwengu hauwezi kuwachukia ninyi: bali hunichukia mimi, kwa sababu mimi naushuhudia ya kuwa kazi zake ni mbovu.

⁸ Pandeni ninyi kwenda kushika siku kuu hii; mimi sipandi bado kwenda kushika siku kuu hii: kwa kuwa wakati wangu haujatimia bado.

⁹ Alipokwisha kuwaambia haya, akakaa katika Galilaya.

¹⁰ Hatta ndugu zake walipokwisha kupanda, ndipo yeye nae akapanda kwenda kuishika siku kuu, si kwa wazi bali kana kwamba kwa siri.

¹¹ Bassi Wayahudi wakamtafuta katika siku kuu wakanena, Yuko wapi huyo?

¹² Kukawa manungʼuniko mengi katika makutano kwa khabari zake; wengine wakisema, Yu mtu mwema; na wengine wakisema, Sivyo, bali anawadanganya makutano.

¹³ Illakini hapana mtu aliyemtaja kwa wazi kwa sababu ya kuwaogopa Wayahudi.

¹⁴ Hatta ilipokuwa katikati ya siku kuu Yesu akapanda, akaingia hekalui akafundisha.

¹⁵ Wayahudi wakastaajabu, wakinena, Amepataje huyo kujua elimu, nae hajasoma?

¹⁶ Bassi Yesu akawajibu akasema, Elimu yangu siyo yangu, illa yake yeye aliyenipeleka.

¹⁷ Mtu akipenda kuyatenda mapenzi yake, atajua khabari ya elimu hii kwamba yatoka kwa Mungu, au kwamba mimi nanena kwa nafsi yangu tu.

¹⁸ Yeye anenae kwa nafsi yake tu, hutafuta utukufu wake mwenyewe; bali yeye anaetafuta utukufu wake aliyempeleka, huyu ni wa kweli wala ndani yake hamna udhalimu.

¹⁹ Aliyewapeni torati si Musa? wala hapana mmoja wenu aitendae torati. Mbona mnatafuta kuniua?

²⁰ Makutano wakajibu, wakasema, Una pepo; ni nani anaetafuta kukuua?

²¹ Yesu akajibu, akawaambia, Nalitenda kazi moja, nanyi nyote mnastaajabu.

²² Kwa sababu hii Musa aliwapa tohara, si kwamba yatoka kwa Musa bali kwa babu zenu: nanyi siku ya sabato humtahiri mtu.

²³ Bassi ikiwa mtu apashwa tohara siku ya sabato, torati ya Musa isije ikavunjika, mbona mnanikasirikia kwa sababu nalimfanya mtu kuwa mzima kabisa siku ya sabato?

²⁴ Msihukumu hukumu ya macho, bali ifanyeni hukumu iliyo ya haki.

²⁵ Bassi baadhi ya watu wa Yerusalemi wakanena, Huyu si yeye wanaemtafuta illi kumwua?

²⁶ Na kumbe! ananena waziwazi wala hawamwambii neno? Yumkini wakuhwa wanajua kwa hakika ya kuwa huyu ni Kristo!

²⁷ Lakini huyu twamjua atokako, bali Masihi atakapokuja, hakuna ajuae atokako.

²⁸ Bassi Yesu akapaaza sauti yake hekaluni, akifundisha, akisema, Mimi mnanijua, na nitokako mnakujua; wala sikuja kwa naisi yangu, illa yeye aliyenipeleka ni wa kweli, msiyemjua ninyi.

²⁹ Lakini mimi namjua, kwa kuwa nimetoka kwake, nae ndiye aliyenituma.

³⁰ Bassi wakatafuta kumkamata: lakini hapana aliyenyosha mkono wake illi kumshika kwa sababu saa yake ilikuwa haijaja bado.

³¹ Watu wengi katika makutano wakamwamini: wakasema, Atakapokuja Kristo, je! atafanya ishara nyingi zaidi kuliko hizi alizozifanya huyu?

³² Mafarisayo wakawasikia makutano wakinungʼunika hivi kwa khabari zake: bassi Mafarisayo na makuhani wakuu wakatuma watumishi illi wamkamate.

³³ Bassi Yesu akanena, Bado muda kitambo nipo pamoja nanyi, kiisha nakwenda zangu kwake yeye aliyenipeleka.

³⁴ Mtanitafuta, wala hamtaniona; nami nilipo, ninyi hamwezi kuja.

³⁵ Bassi Wayahudi wakasemezana wao kwa wao, Huyu atakwenda wapi hatta sisi tusimwone? Atakwenda kwa Utawauyiko wa Wayunani na kuwafundisha Wayunani?

³⁶ Neno gani hilo alilolisema, Mtanitafuta wala hamtaniona; na nilipo mimi, ninyi hamwezi kuja?

³⁷ Hatta siku ya mwisho, siku ile kubwa ya siku kuu, Yesu akasimama, akapaaza sauti yake, akinena, Mtu akiona kiu, na aje kwangu anywe.

³⁸ Aniaminiye mimi, kama maandiko yalivyonena, mito ya maji ya uzima itamtoka tumhoni.

³⁹ Neno hili alilisema katika khabari ya Roho, ambae wale wamwaminio watampokea khalafu: kwa maana Roho Mtakatifu alikuwa bado kuwapo, kwa sababu Yesu alikuwa bado kutukuzwa.

⁴⁰ Bassi watu wengi katika makutano waliposikia neno lile, walinena, Huyu hakika yake ndiye nabii yule.

⁴¹ Wengine walinena, Je! Kristo atoka Galilaya?

⁴² Andiko halikusema ya kwamba Kristo atoka katika uzao wa Daud, na kutoka Bethlehemu, kijiji kile alichokaa Daud?

⁴³ Bassi yakaingia matangukano kwa ajili yake.

⁴⁴ Baadhi yao wakataka kumkamata, lakini hapana mtu aliyenyosha mkono wake illi kumshika.

⁴⁵ Bassi wale watumishi wakawaendea makuhani wakuu na Mafarisayo, nao wakawaambia, Mbona hamkumleta?

⁴⁶ Wale watumishi wakajibu, Hajanena kamwe mwana Adamu aliye yote kama huyu anavyonena.

⁴⁷ Bassi Mafarisayo wakawajibu, Je! ninyi nanyi mmedanganyika?

⁴⁸ Ni nani katika wakubwa amwammiye, au katika Mafarisayo?

⁴⁹ Lakini makutano hayo wasioifahamu torati wamelaaniwa.

⁵⁰ Akawaambia Nikodemo (ni yule aliyemwendea usiku, maana ni mmojawapo wao),

⁵¹ Je! sharia yetu humhukumti mtu kabla ya kumsikia kwanza na kujua atendavyo?

⁵² Wakajibu, wakamwambia, Wewe nawe umetoka Galilaya? Tafuta, ukaone ya kuwa kutoka Galilaya hakutokea nabii.

⁵³ Wakaenda killa mtu nyumbani kwake: