Yohana 4 - New Testament in Swahili (Zanzibar) Revised Edition 1921

¹ BASSI Bwana alipojua ya kuwa Mafarisayo wamesikia kwamba Yesu anafanya wanafunzi wengi kuliko Yohana, na kubatiza,

² (lakini Yesu mwenyewe hakuhatiza, hali wanafunzi wake),

³ akaacha Yahudi akaenda zake Galilaya marra ya pili.

⁴ Na alikuwa hana buddi kupita katikati ya Samaria.

⁵ Bassi akafika mji wa Samaria, uitwao Sukar, karibu na lile shamba ambalo Yakobo alimpa Yusuf mwanawe.

⁶ Na hapo palikuwa na kisima cha Yakobo. Bassi Yesu, kwa sababu amechoka kwa safari yake, akaketi vivi hivi kisimani. Ilikuwa yapata saa sita.

⁷ Akaja mwanamke wa Kisamaria kuteka maji. Yesu akamwambia, Nipe maji ninywe.

⁸ Maana wanafunzi wake wamekwenda mjini wanunue chakula.

⁹ Bassi yule mwanamke wa Kisamaria akamwambia, Imekuwaje wewe Myahudi kutaka maji kwangu, nami ni mwanamke wa Kisamaria? kwa maana Wayahudi hawachangamani na Wasamaria.

¹⁰ Yesu akajibu akamwambia, Kama ungaliijua karama ya Mungu, nae ni nani akuambiae, Nipe maji ninywe, ungalimwomba yeye, nae angalikupa maji yaliyo hayi.

¹¹ Yule mwanamke akamwambia, Bwana, huna kitu cha kutekea na kisima kinakwenda chini sana; bassi, umeyapata wapi haya maji yaliyo hayi?

¹² Je! wewe u mkubwa kuliko baba yetu Yakobo aliyetupa kisima hiki, nae mwenyewe akanywa maji yake, na wanawe pia, na nyama zake?

¹³ Yesu akajibu, akamwambia, Killa anywae maji haya ataona kiu tena:

¹⁴ walakini ye yote atakaekunywa maji yale nitakayompa mimi, hataona kiu milele, bali yale maji nitakayompa yatakuwa ndani yake chemchemi ya maji, yakibubujika hatta uzima wa milele.

¹⁵ Yule mwanamke akamwambia, Bwana, nipe maji hayo, nisione kiu wala nisije huku kuteka.

¹⁶ Yesu akamwambia, Enenda, kamwite mume wako uje nae hapa.

¹⁷ Yule mwanamke akajibu akasema, Sina mume. Yesu akamwambia, Umesema vema, Sina mume,

¹⁸ kwa maana umekuwa na waume watano, na yeye uliye nae sasa siye mume wako; hapo umesema kweli.

¹⁹ Yule mwanamke akamwambia, Bwana, naona ya kuwa u nabii.

²⁰ Baba zetu waliabudu katika mlima huu, na ninyi husema kwamba Yerusalemi ni mahali patupasapo kuabudia.

²¹ Yesu akamwambia, Ee mwanamke, uniamini, saa inakuja ambayo hamtamwabudu Baba katika mlima huu, wala katika Yerusalemi.

²² Ninyi mnaabudu msichokijua; sisi tunaabudu tukijuacho: kwa kuwa wokofu watoka kwa Wayahudi.

²³ Lakini saa inakuja, na sasa ipo, ambayo wenye ibada khalisi watamwabudu Baba katika roho na kweli: kwa maana Baba awatafuta watu kama hao wamwabudu.

²⁴ Mungu ni roho, nao wamwabuduo imewapasa kumwabudu katika roho na kweli.

²⁵ Yule mwanamke akamwambia, Najua ya kuwa yuaja Masihi (aitwae Kristo). Atakapokuja yeye, atatufunulia yote.

²⁶ Yesu akamwambia, Mimi nisemae nawe, ndiye.

²⁷ Marra hiyo wakaja wanafunzi wake wakastaajabu kwa sababu alikuwa akisema na mwanamke; lakini hapana aliyesema, Unatafuta nini? au, Kwa nini unasema nae?

²⁸ Bassi yule mwanamke akauacha mtungi wake, akaenda zake mjini, akawaambia watu,

²⁹ Njoni, nitazame mtu aliyeniambia mambo yote niliyoyatenda. Je! haimkini huyu kuwa ndiye Kristo?

³⁰ Bassi wakatoka mjini wakamwendea.

³¹ Huko nyuma wanafunzi wakamsihi wakisema, Rabbi, ule.

³² Akawaambia, Mimi nina chakula msichokijua ninyi.

³³ Bassi wanafunzi wake wakasemezana, Je! mtu amemletea chakula?

³⁴ Yesu akawaambia, Chakula changu ndicho hiki, niyatende mapenzi yake aliyenipeleka nikaimalize kazi yake.

³⁵ Hamsemi ninyi, Imebaki miezi mine bado, ndipo yaja mavuno? Nami nawaambieni, Inueni macho yenu, mkayatazame mashamba, ya kuwa yamekwisha kuwa meupe tayari kwa mavuno.

³⁶ Avunae hupokea mshahara na kukusanya matunda kwa uzima wa milele, illi yeye apandae na yeye avunae wafurahi pamoja.

³⁷ Maana neno lile, Mmoja hupanda, mwingine akavuna, huwa kweli.

³⁸ Mimi naliwatuma myavune msiyoyataabikia; wengine walitaabika, nanyi mmeingia katika taabu yao.

³⁹ Na katika mji ule Wasamaria wengi wakaamini kwa sababu ya maneno ya yule mwananike, aliposhuhudu, kwamba, Aliniambia mambo yote niliyoyatenda.

⁴⁰ Bassi wale Wasamaria walipomwendea walimsihi akae kwao; akakaa huko siku mbili.

⁴¹ Watu wengi zaidi wakamwamini kwa sababu ya neno lake.

⁴² Wakamwambia yule mwanamke, Sasa tunaamini, wala si kwa sababu ya maneno yako; maana tumesikia wenyewe, tena twajua ya kuwa hakika yake huyu ni Mwokozi wa ulimwengu.

⁴³ Baada ya siku hizo mbili akaondoka huko, akaenda Galilaya.

⁴⁴ Kwa maana Yesu mwenyewe alishuhudu ya kwamba nabii hana heshima katika inchi yake mwenyewe.

⁴⁵ Bassi alipofika Galilaya Wagalilaya wakampokea, kwa kuwa wameona mambo yote aliyoyatenda Yerusalemi wakati wa siku kuu; maana hao nao waliendea siku kuu.

⁴⁶ Bassi akafika tena Kana ya Galilaya, hapo alipofanya maji kuwa divai. Na palikuwa na diwani mmoja, ana mwana hawezi Kapernaum.

⁴⁷ Huyu aliposikia ya kwamba Yesu amekuja kutoka Yahudi hatta Galilaya, akamwendea, akamsihi ashuke akamponye mwana wake; kwa maana alikuwa kufani.

⁴⁸ Bassi Yesu akamwambia, Msipoona ishara na maajabu hamtaamini kabisa.

⁴⁹ Yule diwani akamwambia, Bwana, shuka kabla hajafa mtoto wangu.

⁵⁰ Yesu akamwambia, Shika njia yako: mwana wako yu hayi. Mtu yule akaliamini lile neno aliloambiwa na Yesu, akashika njia.

⁵¹ Hatta alipokuwa akishuka, watumishi wake wakamlaki, wakampasha khabari, wakisema ya kama, Mtoto wako yu hayi.

⁵² Bassi akawauliza khabari ya saa alipoanza kuwa hajambo. Bassi wakamwamhia, Jana, saa saba, homa ilimwacha.

⁵³ Bassi baba yake akafahamu ya kuwa ni saa ileile aliyoambiwa na Yesu, Mwana wako yu hayi. Akaamini yeye na nyumba yake yote.

⁵⁴ Na hii ni isharaya pili aliyoifanya Yesu, alipotoka Yahudi kwenda Galilaya.