Yohana 2 - New Testament in Swahili (Zanzibar) Revised Edition 1921

¹ NA siku ya tatu palikuwa arusi katika Kana ya Galilaya, na mama yake Yesu alikuwako.

² Yesu nae akaitwa pamoja na wanafunzi wake arusini.

³ Hatta divai ilipowatindikia, mama yake Yesu akamwambia, Hawana divai.

⁴ Yesu akamwambia, Bibi, ina nini mimi nawe? Saa yangu haijawadia.

⁵ Mama yake akawaambia watumishi, Lo lote atakalowaambieni fanyeni.

⁶ Palikuwako mabalasi sita ya mawe, yamewekwa huko kwa desturi ya kutawaza kwao Wayahudi, killa moja lapata kadiri ya nzio mbili au tatu.

⁷ Yesu akawaambia, Jalizeni mabalasi maji. Wakayajaliza hatta juu.

⁸ Akawaambia, Sasa tekeni, mpelekeeni mkuu wa meza. Wakapeleka.

⁹ Mkuu wa meza alipoyaonja maji yaliyofanyika kuwa divai, asijue ilikotoka, (lakini watumishi walijua walioyateka maji), mkuu wa meza akamwita bwana arusi,

¹⁰ akamwambia, Killa mtu kwanza huandaa divai iliyo njema, hatta watu wakiisha kunywa sana, ndipo huleta iliyo dhaifu: wewe umeweka divai iliyo njema hatta sasa.

¹¹ Mwanzo huu wa ishara Yesu alifanya Kana ya Galilaya, akauonyesha utukufu wake, wanafunzi wake wakamwamini.

¹² Baada ya haya akashuka hatta Kapernaum, yeye na mama yake na ndugu zake na wanafunzi wake: wakakaa huko siku chache.

¹³ Na Pasaka ya Wayahudi ilikuwa karibu: Yesu akapanda hatta Yerusalemi.

¹⁴ Akaona hekaluni watu waliokuwa wakiuza ngʼombe na kondoo na njiwa, na wenye kuvunja fedha wameketi;

¹⁵ Akafanya mjeledi kwa kambaa akawatoa wote katika hekalu, na kondoo, na ngʼombe, akamwaga fedha yao wenye kuvunja fedha, akazipindua meza zao;

¹⁶ akawaambia wale waliokuwa wakiuza njiwa, Yaondoem haya: msiifanye nyumba ya Baba yangu kuwa nyumba ya biashara.

¹⁷ Wanafunzi wake wakakumbuka ya kuwa imeandikwa, Wivu wa nyumba yako umenila.

¹⁸ Bassi Wayahudi wakajibu wakamwambia, Ishara gani utuonyeshayo, iwapo unafanya haya?

¹⁹ Yesu akajibu, akawaambia, Livunjeni hekalu hii, nami kwa siku tatu nitaisimamisha.

²⁰ Bassi Wayahudi wakasema, Hekalu hii ilijengwa katika muda wa miaka arubaini na sita, nawe utaisimamisha kwa siku tatu?

²¹ Lakini yeye alinena khabari za hekalu ya mwili wake.

²² Bassi alipofufuliwa katika wafu, wanafunzi wake wakakumbuka ya kuwa amenena neno hili, wakaliamini lile andiko na lile neno alilolinena Yesu.

²³ Hatta alipokuwapo Yerusalemi wakati wa Pasaka katika siku kuu, watu wengi wakaliamini jina lake, wakiona ishara zake alizozifanya.

²⁴ Lakini Yesu hakujiaminisha kwao, kwa kuwa yeye aliwajua wote;

²⁵ na kwa sababu hakuwa na haja ya watu kushuhudia khabari za niwana Adamu; kwa maana yeye mwenyewe alijua yaliyomo ndani ya mwana Adamu.