Yohana 11 - New Testament in Swahili (Zanzibar) Revised Edition 1921

¹ BASSI mtu mmoja alikuwa hawezi, Lazaro wa Bethania, mtu wa mji wa Mariamu na Martha dada yake.

² Ni Mariamu yule aliyempaka Bwana marhamu, akamfuta miguu yake kwa nywele zake, ambae ndugu yake Lazaro alikuwa hawezi.

³ Bassi wale maumbu wakatuma ujumbe kwake, wakisema, Bwana, yeye umpendae hawezi.

⁴ Yesu aliposikia, alisema, Ugonjwa huu si wa mauti, bali kwa ajili ya utukufu wake Mungu, illi Mwana wa Mungu atukuzwe kwa huo.

⁵ Nae Yesu alimpenda Martha na dada yake ua Lazaro.

⁶ Bassi aliposikia kwamba hawezi alikaa bado siku mbili mahali pale alipokuwapo.

⁷ Kiisha baada ya haya akawaambia wanafunzi wake, Twende Yahudi tena.

⁸ Wale wanafunzi wakamwambia, Rabbi, juzi juzi tu Wayahudi walikuwa wakitafuta kukupiga mawe, nawe unakweuda huko tena?

⁹ Yesu akajibu, Saa za mchana je si thenashara? Mtu akienda mchana hajikwai, kwa sababu aiona nuru ya ulimwengu huu.

¹⁰ Bali akienda usiku, hujikwaa, kwa sababu nuru haimo ndani yake.

¹¹ Aliyasema haya: kiisha baada ya liaya akawaambia, Lazaro rafiki yetu amelala; lakini ninakwenda nipate kumwamsha.

¹² Bassi wale wanafunzi wake wakamwambia, Bwana, kama amelala atapona.

¹³ Lakini Yesu amenena khabari za mauti yake: nao walidhani ya kuwa ananena khabari za kulala usiugizi.

¹⁴ Bassi hapo Yesu akawaambia kwa wazi, Lazaro amekufa.

¹⁵ Nami nafurahi kwa ajili yenn kwamba sikuwa huko, mpate kuamini: lakini na twende kwake.

¹⁶ Bassi Tomaso, aitwae Didumo, akawaambia wanafunzi wenziwe, Twende na sisi, tufe pamoja nae.

¹⁷ Bassi alipofika Yesu, akamkuta amekwisha kuwa kaburini yapata siku nne.

¹⁸ Na Bethania ilikuwa karibu ya Yerusalemi, kadiri ya stadio khamstashara;

¹⁹ na watu wengi katika Wayahudi wamekuja kwa Martha na Mariamu, illi kuwafariji kwa ajili ya ndugu yao.

²⁰ Bassi Martha, aliposikia kwamba Yesu anakuja, akaenda kumlaki; na Mariamu alikuwa akikaa nyumbani.

²¹ Bassi Martha akamwambia Yesu, Bwana, kama ungalikuwapo hapa, ndugu yangu asingalikufa.

²² Lakini hatta sasa najua ya kuwa vyovyote utakavyomwomba Mungu, Mungu atakupa.

²³ Yesu akamwambia, Ndugu yako atafufuka.

²⁴ Martha akamwambia, Najua ya kuwa atafufuka katika ufufuo siku ya mwisho.

²⁵ Yesu akamwambia, Mimi ni ufufuo na uzima; aniaminiye mimi, ijapo afe, atakuwa ataishi,

²⁶ na killa mwenye uzima na kuniamini mimi hatakufa kabisa hatta milele. Je! waamini haya?

²⁷ Akamwambia, Naam, Bwana; mimi nimeamini ya kwamba wewe ndiwe Kristo, Mwana wa Mungu, yule ajae ulimwenguni.

²⁸ Na alipokwisha kusema haya, akaenda zake, akamwita dada yake, Mariamu, kwa siri, akisema, Mwalimu yupo, anakuita.

²⁹ Nae aliposikia, akaondoka upesi, akamwendea.

³⁰ Na Yesu alikuwa hajafika ndani ya kijiji, lakini alikuwa pale pale alipomlaki Martha.

³¹ Bassi wale Wayahudi waliokuwa pamoja nae nyumbani, wakimfariji, walipomwona Mariamu, jinsi alivyoondoka upesi na kutoka, wakamfuata, wakidhani ya kuwa anakwenda kaburini illi alie huko.

³² Bassi Mariamu, alipofika pale alipokuwapo Yesu, akamwona, akaanguka miguuni pake, akamwambia, Bwana, kama ungaliwapo hapa, ndugu yangu asingalikufa.

³³ Bassi, Yesu alipomwona analia, na wale Wayahudi waliofuatana nae wanalia, akaugua rohoni, akajifadhaisha nafsi yake,

³⁴ akasema, Mmemweka wapi? Wakamwambia, Bwana, njoo, utazame.

³⁵ Yesu akatoka machozi.

³⁶ Bassi Wayahudi wakanena, Angalieni jinsi alivyompenda.

³⁷ Bali wengine walisema, Je! huyu aliyemfumbua macho yule kipofu, hakuweza kumfanya na huyu asife?

³⁸ Bassi Yesu akiugua tena nafsini mwake akatika kaburini. Nalo lilikuwa pango, na jiwe limewekwa juu yake.

³⁹ Yesu akasema, Liondoeni jiwe. Martha, dada yake yule mtu aliyefariki, akamwambia, Bwana, ananuka sasa: maana amekuwa mayiti siku nne.

⁴⁰ Yesu akamwambia, Sikukuambia ya kwamba ukiamini utauona utukufu wa Mungu? Bassi wakaliondoa lile jiwe.

⁴¹ Yesu akainua macho yake juu, akasema, Baba, nakushukuru kwa kuwa umenisikia.

⁴² Nami nalijua ya kuwa wewe wanisikia siku zote; lakini kwa ajili ya makutano hawa wanaozunguka nalisema haya, wapate kuamini kwamba ndiwe uliyenituma.

⁴³ Akiisha kusema haya, akalia kwa sauti kuu, Lazaro, toka, njoo huku.

⁴⁴ Akatoka nje yule aliyekufa, amefungwa saanda miguuni na mikononi, na uso wake umefungwa kitambaa. Yesu akawaambia, Mfungueni, kamwacheni aende zake.

⁴⁵ Bassi wengi katika Wayahudi waliokuja kwa Mariamu na kuyaona aliyoyafanya Yesu, wakamwamini.

⁴⁶ Lakini baadhi yao wakaenda zao kwa Mafarisayo, wakawaambia aliyoyafanya Yesu.

⁴⁷ Bassi makuhani wakuu na Mafarisayo wakakusanya baraza, wakanena, Tunafanya nini? Maana mtu huyu afanya ishara nyingi.

⁴⁸ Tukimwacha hivi, watu wote watamwamini: na Warumi watakuja, wataondoa mahali petu na taifa letu.

⁴⁹ Mtu mmoja miongoni mwao, Kayafa, aliyekuwa kuhani mkuu mwaka ule, akawaambia,

⁵⁰ Ninyi hamjui neno lo lote, wala hamfikiri ya kwamba yafaa mtu mmoja afe kwa ajili ya watu hawa, wala lisiangamie taifa zima.

⁵¹ Na hili hakusema kwa nafsi yake, hali kwa kuwa alikuwa kuhani mkuu mwaka ule alitabiri ya kwamba Yesu atakufa kwa ajili ya taifa lile;

⁵² wala si kwa ajili ya taifa lile tu, lakini pamoja na haya awakusanye watoto wa Mungu waliotawanyika wawe wamoja.

⁵³ Bassi tangu siku ile walifanya shauri wapate kumwua.

⁵⁴ Bassi Yesu hakutemhea tena kwa wazi kati ya Wayahudi, hali alitoka huko akaenda mahali karibu ya jangwa, hatta mji nitwao Efraim; akakaa huko pamoja na wanafunzi wake.

⁵⁵ Na Pasaka ya Wayahudi ilikuwa karibu; wengi wakapanda toka inchi yote pia kwenda Yerusalemi kabla ya Pasaka, illi wajitakase.

⁵⁶ Bassi wakamtafuta Yesu, wakasemezana wao kwa wao, wakisimama katika hekalu, Mwaonaje? Haji kabisa siku kuu hii?

⁵⁷ Na Makuhani na Mafarisayo wametoa amri ya kwamba, mtu akimjua alipo, alete khabari, wapate kumkamata.