Yohana 10 - New Testament in Swahili (Zanzibar) Revised Edition 1921

¹ AMIN, amin, nawaambieni, asiyeingia kwa mlango katika zizi la kondoo, lakini apanda penginepo, huyu ni mwizi na mnyangʼanyi.

² Aingiae kwa mlango ni mchunga wa kondoo.

³ Bawabu humfungulia huyu, na kondoo humsikia sauti yake, nae huwaita kondoo zake kwa majina yao, huwapeleka nje.

⁴ Awatoapo nje kondoo zilizo zake, huwatangulia; na kondoo humfuata, kwa maana waijua sauti yake.

⁵ Mgeni hawatamfuata kabisa, hali watamkimbia, kwa maana hawaijui sauti ya wageni.

⁶ Methali hii Yesu aliwaambia; lakini wao hawakuelewa na mambo hayo aliyowaambia.

⁷ Bassi Yesu aliwaamhia tena, Amin, amin, nawaambieni, Mimi ndimi niliye mlango wa kondoo;

⁸ wote walionitangulia ni wezi na wanyangʼanyi: lakini kondoo hawakuwasikia.

⁹ Mimi ndimi niliye mlango; mtu akiingia kwa mimi, ataokoka, ataingia, atatoka, na atapata malisho.

¹⁰ Mwizi haji illa aibe, achinje, aharibu; mimi nalikuja wawe na uzima, na wawe nao tele.

¹¹ Mimi ndimi niliye mchunga aliye mwema: mchunga aliye mwema huweka maisha yake kwa ajili ya kondoo.

¹² Mtu wa mshahara, na asiye mchunga, ambae kondoo si mali yake, humwona mbwa wa mwitu anakuja, huziacha kondoo, hukimbia; na mbwa wa mwitu huziteka, huzitawanya.

¹³ Mtu wa mshahara hukimhia kwa kuwa ni mtu wa mshahara, wala hatii moyoni mambo ya kondoo.

¹⁴ Mimi ndimi niliye mchunga aliye mwema; na walio wangu nawajua, na walio wangu wananijua,

¹⁵ kama vile Baba anijuavyo, na mimi nimjuavyo Baba: na uzima wangu nauweka kwa ajili ya kondoo.

¹⁶ Na kondoo wengine ninao, wasio wa zizi hili; na hao nao imenipasa kuwaleta, na sauti yangu wataisikia; na kutakuwapo kundi moja na mchunga mmoja.

¹⁷ Ndio maana Baba anipenda, kwa sababu nauweka uzima wangu illi niutwae tena.

¹⁸ Hakuna mtu aniondoleae, bali mimi nauweka mwenyewe. Nina uweza wa kuuweka, tena nina uweza wa kuutwaa tena. Agizo hili nalilipokea kwa Baba yangu.

¹⁹ Yakaingia tena matangukano katika Wayahudi, kwa ajili ya maneno haya.

²⁰ Wengi wao wakasema, Ana pepo, tena ana wazimu; mbona mnamsikiliza?

²¹ Wengine wakasema, Maneno haya siyo ya mtu mwenye pepo. Je! pepo aweza kuwafumbua macho vipofu?

²² Bassi ilikuwa siku kuu ya kutabaruku huko Yerusalemi; ni wakati wa baridi.

²³ Na Yesu alikuwa akitembea ndani ya hekalu, katika ukumbi wa Sulemani.

²⁴ Bassi Wayahudi wakamzunguka, wakamwambia, Hatta lini utatuangaisha roho zetu? Kama wewe u Kristo, tuambie wazi wazi.

²⁵ Yesu akawajibu, Naliwaambieni, nanyi hamwamini; kazi hizi ninazozifanya kwa jina la Baba yangu, ndizo zinazonishuhudia.

²⁶ Lakini ninyi hamwamini kwa sababu hammo katika kondoo zangu, kama nilivyowaambieni.

²⁷ Kondoo zangu waisikia sauti yangu, nami nawajua, nao wanifuata;

²⁸ nami nawapa uzima wa milele; wala hawatapotea kamwe, wala hakuna mtu atakaewapokonya katika mkono wangu.

²⁹ Baba yangu aliyenipa ni mkuu kuliko wote; wala hakuna awezae kuwapokonya katika mkono wa Baba yangu.

³⁰ Mimi na Baba yangu tu nmoja.

³¹ Bassi Wayahudi wakaokota mawe tena, illi wampige.

³² Yesu akawajibu, Kazi njema nyingi nimewaonyesha zitokazo kwa Baba yangu: katika kazi hizo ni ipi mnayonipigia mawe?

³³ Wayahudi wakamjibu wakinena, Kwa ajili ya kazi njema hatukupigi mawe, bali kwa kukufuru, na kwa sababu wewe, uliye mwana Adamu, wajifanya nafsi yako u Mungu.

³⁴ Yesu akawajibu, Haikuandikwa katika torati yenu, ya kama, Mimi nilisema, Ninyi m miungu?

³⁵ Ikiwa aliwaita wale miungu waliojiliwa na neno la Mungu (na maandiko hayawezi kutanguka),

³⁶ je! yeye ambae Baba alimtakasa akamtuma ulimwenguni, ninyi mwamwambia, Unakufuru, kwa sababu nalisema, Mimi ni Mwana wa Mungu?

³⁷ Kama sizitendi kazi za Baba yangu, msiniamini;

³⁸ lakini nikizitenda, ijapokuwa hamniamini mimi, ziaminini zile kazi, mpate kujua na kuamini ya kuwa Baba yu ndani yangu, nami ni ndani ya Baba.

³⁹ Wakatafuta marra ya pili kumkamata: akatoka mikononi mwao.

⁴⁰ Akaenda zake tena ngʼambu ya Yardani, hatta pahali ptile alipokuwa Yohana akihatiza hapo kwanza; akakaa huko. Watu wengi wakamwendea, wakanena,

⁴¹ Yohana hakufanya ishara yo yote, lakini yote aliyosema Yohana katika khabari zake huyu yalikuwa kweli.

⁴² Wengi wakamwamini huko.