Waroma 12 - New Testament in Swahili (Zanzibar) Revised Edition 1921

¹ BASSI, nawasihi, ndugu, kwa huruma zake Mungu, mtoe miili yenu iwe dhabihu hayi, takatifu, ya kumpendeza Mungu, ibada yenu yenye maana.

² Wala msifuatishe namna ya dunia hii; bali mgeuzwe kwa kufunya upya nia zenu, mpate kujua kwa hakika mapenzi ya Mungu yaliyo mema, ya kumpendeza, na ukamilifu.

³ Kwa maana kwa neema niliyopewa namwambia killa mtu alioko kwenu asinie makuu kupita ilivyompasa kunia; bali awe na nia ya kiasi, kama Mungu alivyoamgawi killa mtu kadiri ya imani.

⁴ Kwa maana kama vile katika mwili mmoja tuna viungo vingi, navyo viungo vyote havitendi kazi moja;

⁵ vivyo na sisi tulio wengi tu mwili mmoja katika Kristo, na sisi sote tu viungo killa mmoja kwa wenzake.

⁶ Bassi kwa kuwa tuna karama zilizo mbalimbali, kwa kadiri ya neema tuliyopewa; ikiwa unabii, tutoe unabii kwa kadiri ya imani;

⁷ ikiwa khuduma, tuwemo katika khuduma yetu; mwenye kufundisha, katika kufundisha kwake;

⁸ mwenye kuonya, katika kuonya kwake; mwenye kukarimu, kwa moyo mweupe; mwenye kusimamia, kwa bidii; mwenye kurehemu, kwa furaha.

⁹ Pendo niwe nalo pasipo unafiki; mkichukia lililo ovu, mkiambatana na lililo jema.

¹⁰ Kwa pendo la udugu, mwe na shauku ninyi kwa ninyi; kwa heshima mkiwatanguliza wenzenu;

¹¹ kwa bidii, si walegevu; mkiwa na juhudi katika roho zenu; mkimtumikia Bwana;

¹² kwa tumaini, mkifurahi; katika shidda, mkivumilia; katika kusali, mkidumu;

¹³ kwa mahitaji ya watakatifu, mkiwashirikisha; katika kukaribisha wageni, mkijitahidi.

¹⁴ Wabarikini wanaowafukuzeni; barikini, wala msilaani.

¹⁵ Furahini pamoja nao wafurahio; lieni pamoja nao waliao.

¹⁶ Mwe na nia moja ninyi kwa ninyi. Msinie yaliyo makuu, lakini mkubali kushughulishwa na mambo manyonge. Msiwe watu wa kujivunia akili.

¹⁷ Msimlipe mtu ovu kwa ovu. Andaeni yaliyo mema machoni pa watu wote.

¹⁸ Kama yumkini, kwa upande wenu, mwe na amani na watu wote.

¹⁹ Msijilipize kisasi, wapenzi, bali ipisheni ghadhabu; maana imeandikwa, Kisasi juu yangu mimi; mimi nitalipa, anena Bwana.

²⁰ Bassi adui yako akiwa na njaa, mlishe; akiwa na kiu, mnyweshe; maana ufanyapo hivi, utampalia makaa ya moto kichwani pake.

²¹ Usishindwe na ubaya, bali uushinde ubaya kwa wema.