Mathayo 5 - New Testament in Swahili (Zanzibar) Revised Edition 1921

¹ NAE akivaona makutano, akapanda mlimani; na alipokwisha kuketi, wanafunzi wake wakamjia;

² akafunua kinywa chake, akawafundisha, akinena,

³ Wa kheri walio maskini wa roho; maana ufalme wa mbinguni ni wao.

⁴ Wa kheri wenye huzuni: maana hawo watafarajika.

⁵ Wa kheri wenye upole: maana hawo watairithi inchi.

⁶ Wa kheri wenye njaa na kiu ya haki: maana hawo watashiba.

⁷ Wa kheri wenye rehema: maana hawo watarehemiwa.

⁸ Wa kheri walio na moyo safi; maana hawo watamwona Mungu.

⁹ Wa kheri wasuluhishi: maana hawo watakwitwa wana wa Mungu.

¹⁰ Wa kheri wateswao kwa ajili ya haki: maana ufalme wa mbinguni ni wao.

¹¹ M kheri ninyi watakapowatukana na kuwatesa na kuwanenea killa neno baya kwa uwongo, kwa ajili yangu.

¹² Furahini, shangilieni: kwakuwa thawabu yenu nyingi mbinguni; kwa maana ndivyo walivyowatesa manabii waliokuwa kabla yenu.

¹³ Ninyi ni chumvi ya dunia: lakini chumvi ikiwa imeharibika itatiwani ikolee? Haifai tena kabisa, illa kufupwa nje na kukanyagwa na watu.

¹⁴ Ninyi ni nuru ya ulimwengu. Mji hauwezi kustirika ukiwa juu ya mlima.

¹⁵ Wala watu hawawashi taa na kuiweka chini ya kibaba, bali juu ya kibao cha kuwekea taa; nayo yaangaza wote waliomo nyumbani.

¹⁶ Vivi hivi nuru yenu iangaze mbele ya watu, wapate kuyaona matendo yenu mema, wakamtukuze Baba yenu aliye mbinguni.

¹⁷ Msidhani ya kuwa nalikuja kuitangua torati au manabii; la, sikuja kutangua, bali kutimiliza.

¹⁸ Kwa maana, amin nawaambieni, Mpaka mbingu na inchi zitakapoondoka, yodi moja na nukta moja ya torati haitaondoka, mpaka yote yatimie.

¹⁹ Bassi mtu atakaevunja amri moja katika hizi zilizo ndogo, na kuwafundisha wafu hivi, atakwitwa mdogo kabisa katika ufalme wa mbinguni: bali mtu atakaezitenda na kufundisha, huyu afakwitwa mkubwa katika ufalme wa mbinguni.

²⁰ Maana nawaambieni, Haki yenu isipozidi kuliko haki ya waandishi na Mafarisayo, hamtaingia kamwe katika ufalme wa mbinguni.

²¹ Mmesikia watu wa kale walivyoanibiwa, Usiue; na mtu akiua, itampasa hukumu.

²² Bali mimi nawaambiem, Killa amwoneae ndugu yake ghadhabu bila sababu, itampasa hukumu; na mtu akimwambia ndugu yake, Haka, itampasa baraza; na mtu akinena, Mpumbavu, itampasa jebannum ya moto.

²³ Bassi ukileta sadaka yako madhbahuni, na huku ukikumbuka ya kuwa ndugu yako ana neno juu yako,

²⁴ iache sadaka yako mbele ya madbbahu, nenda zako, kwanza patana na ndugu yako, kisha rudi utoe sadaka yako,

²⁵ Patana na mshtaki wako upesi, wakati uwapo pamoja nae njiani; yule mshtaki asije akakupeleka kwa kadhi, kadhi akakutia mkononi mwa askari, ukatupwa kifungoni.

²⁶ Amin, nakuambia, Hutoki humo kamwe hatta uishe kulipa pesa ya mwisho.

²⁷ Mmesikia watu wa kale walivyoambiwa, Usizini:

²⁸ Bali mimi miwaambieni, Killa mtu atazamae mwanamke kwa kumtamani, amekwisha kuzini nae moyoni mwake.

²⁹ Jicho lako la kuume likikukosesha, lingʼoe ulitupe mbali nawe: kwa maana yakufaa kiungo chako kimoja kipotee wala mwili wako mzima usitupwe katika jehannum.

³⁰ Na mkono wako wa kuume ukikukosesha, ukate uutupe mbali nawe: kwa maana yakufaa kiungo chako kimoja kipotee, wala mwili wako mzima usitupwe katika jehannum.

³¹ Waliambiwa pia, Mtu akimwacha mkewe, na ampe khati ya talaka;

³² bali mimi nawaambieni, Killa mtu amwachae mkewe, isipokuwa kwa khabari ya asharati, amfanya kuwa mzinzi; na mtu akimwoa yule aliyeachwa, azini.

³³ Tena mmesikia watu wa kale walivyoambiwa, Usifanye zuli, bali mtimizie Bwana nyapo zako;

³⁴ bali mimi nawaambieni, Usiape kabisa; hatta kwa mbingu, kwa maana ndio kiti cha enzi cha Mungu;

³⁵ wala kwa inchi, kwa maana ndio pa kuwekea miguu yake; wala kwa Yerusalemi, kwa maana ndio mji wa Mfalme mkuu.

³⁶ Wala usiape kwa kichwa chako, maana huwezi kufanya unyele mmoja kuwa mwenpe au mwensi.

³⁷ Bali maneno yenu yawe, Ndio, ndio; Sio, sio: kwa kuwa izidiyo haya yatoka kwa yule mwovu.

³⁸ Mmesikia walivyoambiwa, Jicho kwa jicho, na jino kwa jino:

³⁹ bali mimi nawaambieni, Msishindane na mtu mwovu; bali mtu akupigae shavu la kuume, mgeuzie na la pili.

⁴⁰ Na mtu atakae kukushtaki na kuitwaa kanzu yako, mwachie na joho.

⁴¹ Na mtu atakaekutumikisha maili moja, nenda nae mbili.

⁴² Akuombae, mpe; nae atakae kukopa kwako, usimpe kisogo.

⁴³ Mmesikia walivyoambiwa, Mpende jirani yako, na, Mchukie adui yako:

⁴⁴ bali mimi nawaambieni, Wapendeni adui zenu, wabarikini wanaowalaani, watendeni mema wanaowachukia, waombeeni wanaowatendea ukorofi, na kuwatesa;

⁴⁵ illi mpate kuwa wana wa Baba yenu aliye mbinguni: maana yeye jua lake huwazushia waovu na wema, huwanyeshea mvua wenye haki na wasio haki.

⁴⁶ Maana mkiwapenda wanaowapendani, mwapata thawabu gani? Hatta watoza ushuru, je, nao hawafanyi yayo hayo?

⁴⁷ Tena mkiwaamkia ndugu zenu tu, mnatenda tendo gani la ziyada? Hatta wattoza ushuru, je, nao hawafanyi kama hayo?

⁴⁸ Bassi mwe ninyi wakamilifu, kama Baba yenu wa mbinguni alivyo mkamilifu.