Mathayo 4 - New Testament in Swahili (Zanzibar) Revised Edition 1921

¹ NDIPO Yesu alipopandishwa na Roho hatta jangwani, illi ajaribiwe na Shetani.

² Akafunga siku arubaini mchana na usiku, baadae akaona njaa.

³ Mjaribu akamjia akasema, Ukiwa ndiwe Mwana wa Mungu, amuru mawe haya yawe mikate.

⁴ Akajibu akasema, Imeandikwa, Mtu hataishi kwa mkate tu, illa kwa killa neno litokalo katika kinywa cha Mungu.

⁵ Kisha Shetani akamchukua hatta mji mtakatifu, akamweka juu ya mnara wa hekalu, akamwambia,

⁶ Ukiwa ndiwe Mwana wa Mungu, jitupe chini: kwa maana imeandikwa, Atakuagizia malaika zake: Mikononi mwao watakuchukua, Usije ukajikwaa mguu wako katika jiwe.

⁷ Yesu akamwambia. Tena imeandikwa, Usimjaribu Bwana Mungu wako.

⁸ Tena Shetani akamchukua hatta mlima mrefu mno, akamwonyesha milki zote za ulimwengu, na fakhari yake, akamwambia,

⁹ Hizi zote nitakupa, ukianguka kunisujudia.

¹⁰ Ndipo Yesu akamwambia, Nenda zako, Shetani: kwa maana imeandikwa, Utamsujudia Bwana Mungu wako, nae peke yake utamwabudu.

¹¹ Kisha Shetani akamwacha; wakaja malaika wakamtumikia.

¹² Yesu aliposikia ya kwamba Yohana amefungwa, akaenda zake hatta Galilaya;

¹³ akatoka Nazareti, akaenda, akakaa Kapernaum, ulioko pwani, mipakani mwa Zabulon na Nafthalim:

¹⁴ illi litimie neno lililonenwa na Nabii Isaya, akisema,

¹⁵ Inchi ya Zabulon na inchi ya Nafthalim, Njia ya bahari ngʼambu ya Yordani, Galilaya ya mataifa,

¹⁶ Watu waliokaa gizani Waliona mwanga mkuu, Nao waliokaa katika inchi na kivuli cha mauti, Mwanga umewazukia.

¹⁷ Tokea wakati huo Yesu akaanza kukhubiri, na kusema, Tubuni, maana ufalme wa mbinguni umekaribia.

¹⁸ Nae Yesu akitembea kando ya bahari ya Galilaya, akaona ndugu wawili, Simon aitwae Petro, na Andrea ndugu yake, wakitupa jarife baharini; maana walikuwa wavuvi.

¹⁹ Akawaambia, Nifuateni, nami nitawafanya kuwa wavuvi wii watu.

²⁰ Marra wakaziacha nyavu, wakamfuata.

²¹ Akaendelea mbele, akaona ndugu wengine wawili. Yakob wa Zebedayo, na Yohana ndugu yake, walikuwa katika chombo pamoja na Zebedayo baba yao, wakitengeneza nyavu zao; akawaita.

²² Marra wakakiacha chombo na baba yao, wakamfuata.

²³ Yesu akazunguka katika Galilaya yote, akifundisha katika sunagogi zao, na kuikhubiri injili ya ufalme, na kuponya ugonjwa na udhaifu wa killi namna katika watu.

²⁴ Khabari zake zikaenea katika Sham yote; wakamletea watu waliokuwa hawawezi, walioshikwa mi maradhi mbali mbali na mateso, nao wenye pepo, na wenye kifafa, na wenye kupooza; akawaponya.

²⁵ Makutano mengi wakamfuata, wakitoka Galilaya, na Dekapoli, na Yerusalemi, na Yahudi, na ngʼambu ya Yordani.