Mathayo 26 - New Testament in Swahili (Zanzibar) Revised Edition 1921

¹ IKAWA Yesu alipomaliza maneno haya yote, akawaambia wanafunzi wake,

² Mwajua ya kuwa baada ya siku mbili itakuwa pasaka, na Mwana wa Adamu atasalitiwa apate kusulibiwa.

³ Ndipo makubani wakuu, na waandishi, na wazee wa watu wakakusanyika katika behewa ya kuhani mkuu aliyeitwa Kayafa;

⁴ wakafanya shauri pamoja, illi wamkamate Yesu kwa hila na kumwua.

⁵ Wakanena, Sio wakati wa siku kuu, isije ikatokea ghasia katika watu.

⁶ Nae Yesu, alipokuwa Bethania katika nyumba ya Simon mwenye ukoma,

⁷ mwanamke mwenye chombo cha alabastro cha marhamu ya thamani kubwa alimkaribia, akaimimina kichwani pake alipoketi akila.

⁸ Wanafunzi wake walipoona, wakachukiwa, wakinena, Ya nini upotevu huu?

⁹ Maana marhamu hii ingaliweza kuuzwa kwa fedha nyingi wakapewa maskini.

¹⁰ Yesu akijua akawaambia, Mbona mnamtaabisha mwanamke? Maana ni kazi njema aliyonitendea mimi.

¹¹ Kwa maana siku zote maskini mnao pamoja nanyi; lakini mimi hamnami siku zote.

¹² Maana kwa kunimwagia mwili wangu marhamu hii, ametenda hivi illi kuniweka tayari kwa maziko yangu.

¹³ Amin, nawaambieni, Killa ikhuhiriwapo injili hii katika ulimwengu wote, na hilo alilolitenda huyu litatajwa kwa kumbukumbu lake.

¹⁴ Kisha mmoja wa wale thenashara, jina lake Yuda Iskariote, alikwenda zake kwa makuhani wakuu,

¹⁵ akasema, Nini mtakayonipa, nami nitamsaliti kwenu? Wakampimia vijiande thelathini vya fedha.

¹⁶ Tokea wakati huo akawa akitafuta nafasi ajiate kumsaliti.

¹⁷ Hatta siku ya kwanza ya mikate isiyotiwa chachu, wanafunzi wake wakamwendea Yesu, wakamwambia, Wapi unataka tukuandalie uile pasaka?

¹⁸ Akasema, Enendeni mjini kwa mtu fulani, mkamwambie, Mwalimu anena, Majira yaugu i karibu; kwako nitafanya pasaka pamoja na wanafunzi wangu.

¹⁹ Wanafunzi wakatenda kama Yesu alivyowaagiza, wakaiandaa pasaka.

²⁰ Bassi ilipokuwa jioni akaketi chakulani pamoja na wale thenashara.

²¹ Walipokuwa wakila, akasema, Amin, nawaambieni, Mmoja wenu atanisaliti.

²² Wakahuzunika sana, wakaanza kumwambia mmoja mmoja, Ni mimi, Bwana?

²³ Akajibu, akasema, Yeye aliyetia mkono wake pamoja nami katika sahani, ndiye atakaenisaliti.

²⁴ Mwana wa Adamu aenda zake, kama alivyoandikiwa: lakini ole wake mtu yule ambae Mwana wa Adamu anasalitiwa nae! Ingekuwa kheri kwake mtu yule kama asingalizaliwa.

²⁵ Yuda, yule mwenye kumsaliti, akajibu, akasema, Ni mimi, Rabbi? Akamwambia, Wewe umesema.

²⁶ Walipokuwa wakila, Yesu akatwaa mkate, akaubariki, akaumega, akawapa wanafunzi wake, akasema, Twaeni, mle; huu ni mwili wangu.

²⁷ Akatwaa kikombe, akashukuru, akawapa, akinena, Nyweeni nyote hiki;

²⁸ maana hii ni damu yangu ya agano jipya, imwagikayo kwa ajili ya wengi kwa ondoleo la dhambi.

²⁹ Lakini nawaambieni, Sitakunywa kabisa tangu leo nzao huu wa mzabibu, hatta siku ile nitakapounywa mpya pamoja nanyi katika ufalme wa Baba yangu.

³⁰ Walipokwisha kuimba, wakatoka nje kwenda mlima wa Mizeituni.

³¹ Yesu akawaambia, Ninyi nyote mtachukizwa kwa ajili yangu usiku huu: kwa kuwa imeandikwa, Nitampiga mchunga, na kondoo wa kundi watatawanyika.

³² Lakini baada ya kufufuka kwangu, nitatangulia mbele yenu kwenda Galilaya.

³³ Petro akajibu, akamwambia, Wajapochukizwa wote kwa ajili yako, mimi sitachukizwa kabisa.

³⁴ Yesu akamwambia, Amin, nakuambia, usiku huu kabla ya kuwika jogoo, utanikana marra tatu.

³⁵ Petro akamwambia, Ijaponipasa kufa nawe, sitakukana. Na wanafuuzi wote wakasema vivi hivi.

³⁶ Kiisha Yesu akaenda pamoja nao hatta kiwanja kiitwacho Gethsemane, akawaambia wanafunzi wake, Ketini hapa, hatta niende kule nikasali.

³⁷ Akamchukua Petro na wana wawili wa Zebedayo, akaanza kufadhaika, na kuhuzunika moyo.

³⁸ Ndipo akawaambia, Roho yangu ina huzuni nyingi kiasi cha kufa; kaeni hapa, mkakeshe pamoja nami.

³⁹ Akaendelea mbele kidogo, akaanguka kifudifudi, akiomba, akinena, Baba yangu, ikiwezekana, kikombe hiki kinipitie; walakini si kama nitakavyo mimi, bali kama utakavyo wewe.

⁴⁰ Kisha akawaendea wale wanafunzi, akawakuta wamelala, akamwambia Petro, Je! hamkuweza kukesha pamoja nami hatta saa moja?

⁴¹ Kesheni, kaombeni, msije mkaingia majaribuni: Roho ina nia njema, bali mwili ni dhaifu.

⁴² Akaenda tena marra ya pili, akaomba, akinena, Baba yangu, ikiwa haiwezekani kikombe hiki kinipitie nisipokinywa, bassi, mapenzi yako yafanyike.

⁴³ Akaenda, akawakuta wamelala tena; maana macho yao yalikuwa mazito.

⁴⁴ Akawaacha tena, akaenda akaomba marra ya tatu, akisema maneno yaleyale.

⁴⁵ Khalafu akawaendea wanafunzi wake, akawaambia, Laleni sasa hatta mwisho, kapumzikeni: saa imekaribia, na Mwana wa Adamu anatiwa katika mikono ya wenye dbambi.

⁴⁶ Ondokeni, twende zetu. Angalieni, anaenisaliti anakaribia.

⁴⁷ Hatta alipokuwa akisema, Yuda, mmoja wa wale thenashara akaja, na pamoja nae makutano mengi, wana panga na marungu, wametoka kwa makuhani wakuu na wazee wa watu.

⁴⁸ Na yeye anaemsaliti amewapa ishara, akinena, Nitakaembusu, ndiye; mkamateni.

⁴⁹ Marra akamwendea Yesu, akasema, Salam, Rabbi, akambusu sana.

⁵⁰ Yesu akamwambia, Rafiki, umejia nini? Wakaenda, wakanyosha mikono yao wakamkamata Yesu.

⁵¹ Mmoja wao waliokuwa pamoja na Yesu akanyosha mkono wake, akaufuta upanga wake, akampiga mtumishi wa kuhani mkuu, akamkata sikio.

⁵² Yesu akamwambia, Rudisha upanga wako mahali pake: maana wote washikao upanga, wataangamia kwa upanga.

⁵³ Ama wadhani ya kuwa mimi siwezi kumsihi Baba yangu sasa hivi, akaniletea zaidi ya majeshi thenashara ya malaika?

⁵⁴ Yatatimizwaje bassi maandiko, kwamba hivyo ndivyo vilivyopasa kuwa?

⁵⁵ Saa ile Yesu akawaambia makutano, Je, mmetoka, mfano wa watu wafukuzao mnyangʼanyi mna panga na marungu, kunitwaa? Killa siku naliketi mbele zenu hekaluni, nikifundisha, wala hamkunikamata.

⁵⁶ Lakini jambo hili lote limekuwa, illi maandiko ya manabii yatimizwe. Ndipo wanafunzi wake wote wakamwacha, wakakimbia.

⁵⁷ Nao waliomkamata Yesu wakampeleka kwa Kayafa kuhani mkuu, walipokuwapo waandishi na wazee wamekusanyika.

⁵⁸ Na Petro akamfuata kwa mbali hatta behewa ya kuhani mkuu, akaingia ndani, akaketi pamoja na watumishi, auone mwisho.

⁵⁹ Makuhani wakuu na baraza yote wakatafuta ushuhuda wa nwongo juu ya Yesu, wapate kumwua;

⁶⁰ wasipate; na ijapokuwa walitokea mashahidi wa uwongo wengi, hawakupata.

⁶¹ Baadae mashahidi wa uwongo wawili wakatokea wakasema, Huyu alisema, Naweza kulivunja hekalu ya Mungu, na kuijenga kwa siku tatu.

⁶² Kuhani mkuu akasimama akamwambia, Hujibu neno? Hawa wanakushuhudiani?

⁶³ Lakini Yesu akanyamaza. Kuhani mkuu akamjihu, akamwambia, Nakuapisha Mungu aliye hayi, utuambie kama wewe ndiwe Kristo, Mwana wa Mungu.

⁶⁴ Yesu akamwambia. Wewe umesema: lakini nawaambieni, Tangu sasa mtamwoua Mwana wa Adamu ameketi mkono wa kuume wa nguvu, akija juu ya mawingu.

⁶⁵ Marra kuhani mkuu akararua mavazi yake, akisema, Amekufuru: tuna haja gani ya mashahidi wengine? Sasa mmesikia kufuru yake:

⁶⁶ mwaonaje? Wakajibu, wakasema, Ana sharti ya kufa.

⁶⁷ Ndipo wakamtemea mate va uso, wakampiga konde; wengine wakampiga makofi,

⁶⁸ wakinena, Ee Kristo, ni nani aliyekupiga?

⁶⁹ Na Petro alikuwa ameketi nje behewani: kijakazi kimoja akamwendea, akanena, Wewe nawe ulikuwa pamoja na Yesu wa Galilaya.

⁷⁰ Akakana mbele ya wote, akinena, Sijui unenalo.

⁷¹ Alipotoka nje hatta ukumbini, mwanamke mwingine akamwona, akawaambia watu waliokuwa huko, Na huyu nae alikuwa pamoja na Yesu Mnazareti.

⁷² Akakana tena kwa kiapo, Simjui mtu huyu.

⁷³ Punde kidogo, wale waliosimama karibu wakamwendea, wakamwambia Petro, Hakika na wewe u mmoja wao; maana hatta usemi wako wakutambulisha.

⁷⁴ Ndipo akaanza kulaani na kuapa, Simjui mtu huyu. Marra akawika jogoo.

⁷⁵ Petro akalikumbuka lile neno la Yesu aliloambiwa nae, Kabla ya kuwika jogoo, utanikana marra tatu. Akatoka nje, akalia kwa majonzi.