Mathayo 25 - New Testament in Swahili (Zanzibar) Revised Edition 1921

¹ NDIPO ufalme wa mbinguni utakapofanana na wanawali kumi, waliotwaa taa zao, wakatoka kwenda kumlaki bwana arusi.

² Watano wao walikuwa wenye busara, ua watauo wapumbavu.

³ Wale waliokuwa wapumbavu walizitwaa taa zao, wasitwae na mafuta pamoja nao:

⁴ bali wale wenye busara walitwaa na mafuta katika vyombo vyao pamoja na taa zao.

⁵ Hatta bwana arusi alipokawia, wote wakasinzia wakalala.

⁶ Hatta usiku wa manane, pakawa na kelele, Haya, bwana arusi anakuja; tokeni kwenda kumlaki.

⁷ Marra wakaondoka wanawali wale wote, wakazitengeneza taa zao.

⁸ Wale wapumbavu wakawaambia wenye busara, Tupeni mafuta yenu kidogo; maana taa zetu zinazimika.

⁹ Lakini wale wenye busara wakawajibu, wakinena, Labuda hayatatutosha sisi na ninyi; afadhali shikeni njia kwenda kwao wauzao, mkanunue wenyewe.

¹⁰ Nao walipokuwa wakienda kununua, bwana arusi akaja, nao waliokuwa tayari wakaingia pamoja nae arusini: mlango ukafungwa.

¹¹ Khalafu wakaja na wale wanawali wengine, wakinena, Bwana, Bwana, utufungulie.

¹² Akajibu, akasema, Amin, nawaambieni, siwajui ninyi.

¹³ Bassi kesheni, maana hamwijui siku wala saa ajapo Mwana wa Adamu.

¹⁴ Maana ni mfano wa mtu atakae kusafiri kwenda inchi ya ugeni, aliwaita watumishi wake, akaweka kwao mali zake.

¹⁵ Akampa mmoja talanta tano, na mmoja talanta mbili, na mmoja talanta moja; killa mtu kwa kadri ya uwezo wake; marra akasafiri.

¹⁶ Bassi yule aliyepokea talanta tano akashika njia, akafanya kazi nazo, akachuma talanta nyingine tano.

¹⁷ Vilevile na yule mwenye mbili, yeye nae akachuma nyingine mbili faida.

¹⁸ Bali yule aliyepokea moja, alikwenda akafukua chini, akaiticha fedha ya bwana wake.

¹⁹ Baada ya siku nyingi yuaja bwana wa watumishi wale, akafanya hesabu nao.

²⁰ Akaja yule aliyepokea talanta tano, akaleta talanta nyingine tano, akinena, Bwana, uliweka kwangu talanta tano: tazama, talanta nyingine tano zaidi nilizopatafaida.

²¹ Bwana wake akamwambia, Vema, mtumishi mwema, na amini: ulikuwa amini kwa machache, nitakuweka juu ya mengi: ingia katika furaha ya bwana wako.

²² Akaja na yule aliyepokea talanta mbili, akasema, Bwana, uliweka kwangu talanta mbili: tazama, talanta nyingine mbili nilizopata faida.

²³ Bwana wake akamwambia, Vema, mtumishi mwema na amini: ulikuwa amini kwa machache, nitakuweka juu ya mengi: ingia katika furaha ya bwana wako.

²⁴ Akaja na yule aliyepokea talanta moja, akasema, Bwana, nalitambua ya kuwa wewe u mtu mgumu, wavuna usipopanda, wakusanya usipotawanya:

²⁵ nikaogopa, nikaenda nikaificha talanta yako chini ya inchi: tazama, unayo iliyo yako.

²⁶ Bwana wake akajibu, akamwambia, Mtumishi mbaya na mlegevu, ulijua ya kuwa navuna nisipopanda, nakusanya nisipotawanya;

²⁷ bassi, ilikupasa kuiweka fedha yangu kwao wawekao fedha ya watu; nami nikija ningalipata iliyo yangu na faida yake.

²⁸ Bassi, mnyangʼanyeni talanta yake, mpeni yule aliye nazo talanta kumi.

²⁹ Kwa maana killa aliye na mali atapewa, na kuongezewa: nae asiye nayo, hatta ile aliyo nayo atanyangʼanywa.

³⁰ Na mtumishi yule asiyefaa, mtupeni mbali katika giza ya nje; huko kutakuwa kilio na kusaga meno.

³¹ Hatta atakapokuja Mwana wa Adamu katika utukufu wake, na malaika watakatifu wote pamoja nae, ndipo atakapoketi katika kiti cha utukufu wake:

³² na mataifa yote watakusanyika mbele yake: nae atawabagua kama vile mchunga abaguavyo kondoo na mbuzi:

³³ atawaweka kondoo mkono wake wa kuume, na mbuzi mkono wake wa kushoto.

³⁴ Kisha Mfalme atawaambia wale walio mkono wake wa kuume, Njoni, mliobarikiwa wa Baba yangu, urithini ufalme mliowekewa tangu kuumbwa ulimwengu:

³⁵ kwa maana nalikuwa na njaa, mkanipa chakula; nalikuwa na kiu, mkaninywesha; nalikuwa mgeni, mkanikaribisha;

³⁶ nalikuwa uchi, mkanivika; nalikuwa mgonjwa, mkaja kunitazama; nalikuwa kifungoni, mkanijia.

³⁷ Ndipo wenye haki watakaponijibu, wakinena, Bwana, lini tulipokuona una njaa, tukakulisha, au una kiu tukakunywesha?

³⁸ Lini tulipokuona u mgeni, tukakukaribisha, au u uchi, tukakuvika?

³⁹ Lini tulipokuona u mgonjwa, an kifungoni, tukakujia?

⁴⁰ Na mfalme atajibu, akiwaambia, Amin, nawaambieni. Kadiri mlivyomtendea mmojawapo katika hawo ndugu zangu walio wadogo, mlinitendea mimi.

⁴¹ Kisha atawaambia na wale walio mkono wake wa kushoto, Ondokeni kwangu, mliolaaniwa, kwenda katika moto wa milele, aliowekewa tayari Shetani na malaika zake:

⁴² kwa maana nalikuwa na njaa, msinipe chakula; nalikuwa na kiu, msininyweshe;

⁴³ nalikuwa mgeni, msinikaribishe; nalikuwa uchi, msinivike: nalikuwa mgonjwa, na kifungoni, msije kunitazama.

⁴⁴ Ndipo hawo pia watajibu, wakinena, Bwana, lini tulipokuona wewe una njaa, au una kiu, au u mgeni, au u uchi, au u mgonjwa, au u kifungoni, tusikukhudumu?

⁴⁵ Nae atawajibu, akinena, Amin, nawaambieni, Kadiri msivyomtendea mmojawapo katika hawo walio wadogo, na mimi hamkunitendea.

⁴⁶ Na hawo watakwenda zao kuingia katika adhabu ya milele: bali wenye haki katika uzima wa milele.