Mathayo 24 - New Testament in Swahili (Zanzibar) Revised Edition 1921

¹ YESU akaenda zake, akatoka hekaluni; wanafunzi wake wakamwendea illi kumwonyesha majengo ya hekalu.

² Yesu akajibu akawaambia, Hamyaoni haya yote? Amin, nawaambieni, Halitasalia hapa jiwe juu ya jiwe ambalo halitahomolewa.

³ Hatta alipokuwa ameketi katika mlima wa Mizeituni, wanafunzi wake wakamwendea kwa faragha, wakinena, Tuambie, haya yatakuwa lini? Na nini dalili ya kuja kwako, na ya mwisho wa dunia?

⁴ Yesu akajibu, akawaambia, Angalieni, mtu asiwadanganyeni.

⁵ Kwa maana wengi watakuja kwa jina langu, wakinena, Mimi ni Kristo; na watadanganya wengi.

⁶ Na mtasikia khabari za vita na uvumi wa vita: angalieni, msitishwe: maana haya hayana buddi kuwa; lakini mwisho wenyewe hado.

⁷ Maana taifa litaondoka kupigana na taifa, na ufalme kupigana na ufalme; kutakuwako na njaa, na maradhi, na matetemeko ya inchi pahali pahali.

⁸ Haya yote ni mwanzo wa utungu.

⁹ Wakati huo watawasaliti ninyi mpate kuteswa, na watawaua; na mtakuwa watu wa kuchukiwa na mataifa vote kwa ajili ya jina langu.

¹⁰ Ndipo wengi watajikwaa, na watasalitiana, na kuchukiana.

¹¹ Na manabii wengi wa uwongo wataondoka, watadanganya wengi.

¹² Na kwa sababu ya kuongezeka maasi, pendo la watu wengi litapoa.

¹³ Lakini astahimiliye hatta mwisho, ndiye atakaeokoka.

¹⁴ Na injili hii ya ufalme itakhubiriwa katika ulimwengu wote, kuwa ushuhuda kwa mataifa yote; ndipo ule mwisho utakapokuja.

¹⁵ Bassi mlionapo chukizo la uharibifu, lile lililonenwa na nabii Danieli, limesimama mahali patakatifu (asomae afahamu),

¹⁶ ndipo walio katika Yahudi wakimbilie milimani;

¹⁷ nae aliye juu ya nyumba asishuke avichukue vitu vilivyomo nyumbani mwake;

¹⁸ nae aliye mashamba asirudi nyuma azichukue nguo zake.

¹⁹ Ole wao wenye mimba na wanyonyeshao siku zile!

²⁰ Ombeni kukimbia kwenu kusiwe wakati wa baridi, wala siku ya sabato.

²¹ Maana wakati ule itakuwapo shidda kubwa, jinsi isivyopata kuwa tangu mwanzo wa ulimweugu hatta leo, wala haitakuwa kamwe.

²² Na kama siku zile zisingalikatizwa, asingeokoka mtu ye yote; lakini kwa ajili ya wateule zitakatizwa siku zile.

²³ Wakati huo mtu akiwaambieni, Tazama, Kristo yupo hapa, au yuko huko, msisadiki.

²⁴ Kwa maana wataondoka Makristo ya uwongo, na manabii ya uwongo, nao watafanyiza ishara kubwa ua mataajabu; wapate kuwadanganya, kama yumkini, hatta wateule.

²⁵ Angalieni, nimetangulia kuwaambieni.

²⁶ Bassi wakiwaamhieni, Yuko jangwani, msitoke; yumo nyumbani, msisadiki.

²⁷ Kwa maana kama vile umeme utokavyo mashariki ukaonekana hatta magharibi; hivyo ndivyo kutakavyokuwa kuja kwake Mwana wa Adamu.

²⁸ Maana po potemzoga utakapokuwapo, ndipo tai watakapokusanyika.

²⁹ Marra baada ya shidda ya siku zile, jua litatiwa giza, na mwezi hautatoa mwanga wake, na nyota zitaanguka mbinguni, na nguvu za mbingu zitatikisika:

³⁰ ndipo itakapoonekana ishara yake Mwana wa Adamu mbinguni: ndipo mataifa yote ya ulimwengu wataomboleza, nao watamwona Mwana wa Adamu akija juu ya mawingu ya mbingu kwa nguvu pamoja na utukufu mwingi.

³¹ Nae atawatuma malaika zake pamoja na sauti kuu ya panda, nao watawakusanya wateule wake toka pepo nne, toka upande mmoja wa mwisho wa mbinguni mpaka upande wa pili.

³² Kwa mtini jifunzeni mfano: tawi lake likiisha kuwa laini na kuchanua majani, mwafahamu ya kuwa wakati wa hari ni karibu;

³³ vivyo hivyo na ninyi, myaonapo haya yote, fahamuni ya kuwa yu karibu, tena milangoni.

³⁴ Amin, nawaambieni, Hakitapita kizazi hiki, hatta yatakapokuwa haya yote.

³⁵ Mbingu na inchi zitapita; bali maneno yangu hayatapita kamwe.

³⁶ Na khabari ya siku ile na saa ile hakuna ajuae, hatta malaika walio mbinguni, illa, Baba yangu peke yake.

³⁷ Lakini kama vile ilivyokuwa siku za Nuhu, ndivyo na kutakavyokuwa kuja kwake Mwana wa Adamu.

³⁸ Kwa maana kama vile siku ziie zilizokuwa kabla ya gharika watu walivyokuwa wakila, wakinywa, wakioa, wakioza, hatta siku ile aliyoingia Nuhu katika safina,

³⁹ wasitambue, hatta gharika ikaja, ikawachukua wote, ndivyo na kutakavyokuwa kuja kwake Mwana wa Adamu.

⁴⁰ Wakati huo watu wawili watakuwa mashamba; mmoja atwaliwa, mmoja aachwa;

⁴¹ wanawake wawili watakuwa wakisaga; mmoja atwaliwa, mmoja aachwa.

⁴² Kesheni bassi: kwa maana hamwijui saa atakayokuja Bwana wenu.

⁴³ Lakini fahamuni neno hili; kama mwenye nyumba angalijua ile zamu mwivi atakayokuja, angalikesha, wala asingaliacha nyumba yake kuvunjwa.

⁴⁴ Kwa sababu hii na ninyi mwe tayari; kwa sababu saa msiyodhani Mwana wa Adamu yuaja.

⁴⁵ Nani bassi aliye mtumishi yule amini mwenye haki, ambae bwana wake alimweka juu ya nyumba yake, awape chakula kwa saa yake?

⁴⁶ Yu kheri mtumishi yule, ambae bwana wake ajapo atamkuta akifanya hivi.

⁴⁷ Amin, nawaambieni, atamweka juu ya mali zake zote.

⁴⁸ Bali mtumishi yule mbaya akisema moyoni mwake, Bwana wangu anakawia;

⁴⁹ nae akianza kuwapiga wajoli wake, na kula na kunywa pamoja na walevi:

⁵⁰ bwana wa mtumishi yule atakuja siku asiyotazamia, na saa asiyotambua,

⁵¹ atamkata vipande viwili, ataweka sehemu yake pamoja na wanafiki: ndiko kutakuwa kilio na kusaga meno.