Mathayo 15 - New Testament in Swahili (Zanzibar) Revised Edition 1921

¹ NDIPO waandishi na Mafarisayo toka Yerusalemi wakamwendea Yesu wakinena,

² Mbona wanafunizi wako huyakhalifu mapokeo ya wazee, kwa maana hawanawi mikono walapo chakula.

³ Akajibu, akawaambia, Mbona na ninyi huikhalifu amri ya Mungu kwa mapokeo yenu?

⁴ Kwa kuwa Mungu aliamuru, akisema, Mheshimu baba yako na mama yako; na, Amtukanae baba yake au mama yake na afe.

⁵ Bali ninyi hunena, Afakaemwambia baba yake au mama yake, Cho chote kikupasacho kufaidiwa nami ni sadaka, asimheshimu baba yake au mama yake, huwa bassi.

⁶ Mkalitangua neno la Mungu kwa mapokeo yemi.

⁷ Enyi wanafiki, ni vyema alivyotabiri Isaya katika khabari zenu, akinena,

⁸ Watu hawa hunikaribia kwa vinywa vyao, Na kwa midomo yao huniheshimu; Bali mioyo yao iko mbali yangu.

⁹ Nao waniabudu ibada ya burre. Wakifundisha mafundisho yaliyo maagizo ya wana Adamu.

¹⁰ Akawaita makutano akawaambia, Sikieni, mfahamu:

¹¹ Sicho kiingiacho kinywani kimtiacho najis mwana Adamu; bali kitokacho kinywani ndicho kimtiacho najis mwana Adamu.

¹² Ndipo wanafunzi wake wakamwendea, wakamwambia, Wajua ya kuwa Mafarisayo walipolisikia neno lile walichukizwa?

¹³ Akajibu, akasema, Killa pando asilolipanda Baba yangu wa mbinguni, litangʼolewa.

¹⁴ Waacheni hawo; ni vipofu, viongozi wa vipofu. Na kipofu akimwongoza kipofu mwenzake, watatumhukia shimoni wote wawili.

¹⁵ Petro akajibu, akamwambia, Tueleze mfano huo. Yesu akasema,

¹⁶ Hatta na ninyi mngali hamna akili?

¹⁷ Hamjafahamu bado ya kuwa killa kiingiacho kinywani hupita tumboni, kikatupwa chooni?

¹⁸ Bali vitokavyo kinywani vyatoka moyoni; navyo ndivyo vimtiavyo najis mwana Adamu.

¹⁹ Kwa maana moyoni hutoka mawazo mabaya, mauaji, mazini, asharati, uizi, ushuhuda wa uwongo, na matukano;

²⁰ hayo ndiyo yamtiayo najis mwana Adamu; lakini kula kabla hajanawa mikono hakumtii mwana Adamu najis.

²¹ Yesu akatoka huko, akaenda pande za Turo na Sidon.

²² Na mwanamke Mkauanaya wa mipaka ile akatokea, akampaazia sauti, akinena, Unirehemu. Bwana, Mwana wa Daud; binti yangu amepagawa sana na pepo.

²³ Nae hakumjibu neno. Wanafunzi wake wakamwendea, wakamwomba, wakinena. Mwache aende zake; kwa maana anapiga kelele nyuma yetu.

²⁴ Nae akajibu, akasema, Sikupelekwa illa kwa kondoo zilizopotea za nyumba ya Israeli.

²⁵ Nae akaja akamsujudia, akinena. Bwana, nisaidie.

²⁶ Akajibu akasema, Si vema kukitwaa chakula cha watoto na kuwatupia mbwa.

²⁷ Akasema, Ndio, Bwana, illakini hatta mbwa hula makombo yaangukayo mezani pa bwana zao.

²⁸ Ndipo Yesu akajibu, akamwambia, Ee mwanamke, imani yako kubwa; pata utakavyo. Akapona binti yake tangu saa ile.

²⁹ Yesu akapita huko, akafika kando ya bahari ya Galilaya; akapanda mlimani, akaketi huko.

³⁰ Wakamwendea makutano mengi walio na viwete, vipofu, bubu, vilema, na wengine wengi pamoja nao, wakawaweka miguuni pa Yesu; akawaponya;

³¹ hatta makutano wakastaajabu, walipowaona bubu wanasema, vilema wanakuwa wazima, viwete wanakwenda, na vipofu wanaona; wakamtukuza Mungu wa Israeli.

³² Yesu akawaita wanafunzi wake, akasema, Nawahurumia makutano, kwa kuwa yapata siku tatu wamekaa pamoja nami, hawana kitu cha kula: na kuwaaga wakifunga sitaki, wasije wakazimia njiani.

³³ Wanafunzi wake wakamwambia, Tupate wapi mikate mingi hapa nyikani, hatta kushibisha makutano mengi namna hii?

³⁴ Yesu akawaambia, Mikate mingapi mnayo? Wakasema, Saba, na visamaki vichache.

³⁵ Akawaagiza makutano waketi chini:

³⁶ akaitwaa ile mikate saba na vile visamaki, akashukuru, akavimega, akawapa wanafunzi wake, nao wanafunzi wakawapa makutano.

³⁷ Wakala wote wakashiba: wakayaokota masazo ya vipande vya mikate, makanda saba, yamejaa.

³⁸ Nao waliokula walikuwa wanaume elfu nne, bila wanawake na watoto.

³⁹ Akawaaga makutano, akapanda chomboni, akaenda pande za Magdala.