Mathayo 14 - New Testament in Swahili (Zanzibar) Revised Edition 1921

¹ WAKATI ule Herode tetrarka alisikia khabari za Yesu,

² akawaambia watumishi wake, Huyu ndiye Yohana Mbatizaji; amefufuka katika wafu; na kwa sababu hii nguvu hizo zinatenda kazi ndani yake.

³ Maana Herode alikuwa amemkamata Yohana, akamfunga, akamtia gerezani, kwa ajili ya Herodias, mke wa Filipo ndugu yake.

⁴ Kwa sababu Yohana alimwambia, Ni haramu kwako kukaa uae.

⁵ Na alipotaka kumwua, aliwaogopa watu, maana walimwona kuwa nabii.

⁶ Hatta panapo siku kuu ya kuzaliwa kwake Herode, binti Herodias alicheza kati ya watu, akampendeza Herode.

⁷ Hatta akakiri kwa kiapo atampa lo lote atakaloliomba.

⁸ Nae, akishawishwa na mama yake, akasema, Nipe hapa katika kombe kichwa cha Yohana Mbatizaji.

⁹ Mfalme akasikitika; lakini kwa ajili ya nyapo zake, na kwa ajili ya wale walioketi chakulani pamoja nae, akaamuru apewe;

¹⁰ akatuma mtu, akamkata kichwa Yohana mle gerezani.

¹¹ Kichwa chake kikaletwa katika kombe, akapewa yule kijana: akakichukua kwa mama yake.

¹² Wanafunzi wake wakaenda, wakauchukua mwili wake, wakauzika; wakaenda wakampasha Yesu khabari.

¹³ Yesu aliposikia, akatoka huku katika chombo, akaenda mahali pasipo watu, kwa faragha. Na makutano waliposikia, wakamfuata kwa miguu toka miji yao.

¹⁴ Yesu akatoka, akaona makutano mengi, akawahurumia, akawaponya wagonjwa wao.

¹⁵ Hatta ilipokuwa jioni, wanafunzi wake wakamwendea, wakanena, Mahali hapa nyika tupu, na saa imekwisha pita; waage makutano, waende zao vijijini, wakajinunulie vyakula.

¹⁶ Yesu akawaambia, Hawana haja kwenda zao, wapeni ninyi kula.

¹⁷ Wakamwambia, Hatuna kitu hapa illa mikate mitano na samaki mbili.

¹⁸ Akasema, Nileteeni vitu vile hapa.

¹⁹ Akawaagiza makutano waketi katika majani; akaitwaa ile mikate mitano na zile samaki mbili, akatazama juu mbinguni, akabariki, akamega, akawapa wanafunzi ile mikate, wanafunzi wakawapa makutano.

²⁰ Wakala wote wakashiba: wakayaokota masazo ya vipande vya mikate, vikapu thenashara, vimejaa.

²¹ Nao waliokula walikuwa wanaume wapata elfu tano, bila wanawake na watoto.

²² Marra Yesu akawalazimisha wamifunzi wake wapande chomboni na kutangulia mbele yake kwenda ngʼambu, wakati yeye alipokuwa akiwaaga makutano.

²³ Alipokwisha kuwaaga makutano, akapanda mlimani kwa faragha, kwenda kusali. Na ilipokuwa jioni, alikuwako huko peke yake.

²⁴ Na kile chombo kimekwisha kufika katikati ya bahari, kinataabika sana na mawimbi; maana upepo ulikuwa wa mbisho.

²⁵ Hatta zamu ya nne ya usiku Yesu akawaendea, akitembea juu ya bahari.

²⁶ Wanafunzi walipomwona akitembea juu ya bahari, wakafadhaika, wakinena. Ni kivuli; wakapiga yowe kwa khofu.

²⁷ Marra Yesu akasema nao, akinena, Jipeni moyo; ni mimi; msiogope.

²⁸ Petro akamjibu, akasema, Bwana, ikiwa ni wewe, niamuru nije kwako juu ya maji.

²⁹ Akasema, Njoo. Petro akashuka chomboni, akatembea juu ya maji, illi kumwendea Yesu.

³⁰ Lakini alipoona upepo wa nguvu, akaogopa: akaanza kuzama, akapiga yowe, akinena, Bwana, niokoe.

³¹ Marra Yesu akanyosha mkono wake, akamshika, akamwambia, Ewe mwenye imani haba, mbona uliona shaka?

³² Walipopanda chomboni, upepo ukakoma.

³³ Nao waliokuwa ndani ya chombo wakamwendea, wakamsujudia, wakinena, Hakika wewe u Mwana wa Mungu.

³⁴ Na walipokwisha kuvuka, wakafika inchi ya Genesareti.

³⁵ Na watu wa mahali pale walipomtambua, wakatuma watu kwenda inchi zile zote zilizo kandokando, wakamletea wote waliokuwa hawawezi;

³⁶ wakamsihi waguse hatta pindo la vazi lake; na wote waliogusa wakaponywa kabisa.