Mathayo 10 - New Testament in Swahili (Zanzibar) Revised Edition 1921

¹ AKAWAITA wanafunzi wake thenashara, akawapa mamlaka juu ya pepo wachafu, wawafukuze, na kuponya magonjwa yote na dhaifu zote.

² Na majina ya mitume thenashara ni haya: Wa kwanza Simon aliyekwitwa Petro, na Andrea ndugu yake; Yakobo wa Zebedayo, na Yohana ndugu yake;

³ Filipo, na Bartolomayo, na Tomaso, na Mattayo mtoza ushuru; Yakobo wa Alfayo, na Lebbayo, aliyekwitwa Thaddayo;

⁴ Simon Kananayo, na Yuda Iskariote, ndiye aliyemsaliti.

⁵ Hawa thenashara Yesu aliwatuma, akawaagiza, akinena, Katika njia ya Mataifa msiende, wala mjini mwa Wasamaria msiingie:

⁶ afadhali shikeni njia kwa kondoo waliopotea wa nyumba ya Israeli.

⁷ Na katika kuenenda kwenu, khubirini, nikinena, Ufalme wa mbinguni umekaribia.

⁸ Ponyeni wagonjwa, takaseni wenye ukoma, fufueni wafu, fukuzeni pepo; mmepata burre, toeni burre.

⁹ Msichukue dhahabu, wala fedha, wala shaba mishipini mwenu;

¹⁰ wala mkoba wa safari, wula kanzu mbili, wala viatu, wala fimbo: maana mtenda kazi astahili posho lake.

¹¹ Na mji wo wote au kijiji cho chote mtakachoingia, tafuteni ni nani humo aliye mtu amini; kakaeni humo hatta mtakapotoka.

¹² Na mkiingia katika nyumba, isalimuni.

¹³ Na nyumba ile ikistahili, amani yenu iifikilie: la, haistahili, amani yenu iwarudieni.

¹⁴ Na mtu asipowakaribisha wala kuyasikiliza maneno yenu, mtokapo katika nyumba ile, au mji ule, kungʼuteni mavumbi ya miguuni mwenu.

¹⁵ Amin, nawaambieni, Itakuwa rakhisi inchi ya Sodoma na Gomora istahimili adhabu yao siku ya hukumu, kuliko mji ule.

¹⁶ Angalieni, mimi nawatumeni kama kondoo kati ya mbwa wa mwitu: bassi mwe na busara kama nyoka, na msio na dhara kama hua.

¹⁷ Jihadharini na wana Adamu; kwa maana watawapelekeni mbele ya baraza, na katika masunagogi yao watawapiga;

¹⁸ nanyi mtachukuliwa mbele ya maliwali na wafalme kwa ajili yangu, illi kuwa ushuhuda kwao na kwa mataifa.

¹⁹ Lakini hapo wakatapowapelekeni, msifikirifikiri jinsi mtakavyosema; maana mtapewa saa ile mtakayosema.

²⁰ Kwa kuwa si ninyi msemao, bali Roho ya Baba yenu asemae ndani yenu.

²¹ Na ndugu atamsaliti ndugu apate kufa, na baba atamsaliti mtolo; na watoto wataondoka kuwashitaki wazee wao, wawafishe.

²² Na mtakuwa mkichukiwa na watu wole kwa ajili ya jina langu: lakini adumuye hatta mwisho, ndiye atakaeokoka.

²³ Watakapowaudhi katika mji huu, kimbilieni mwingine: kwa maana ni kweli nawaambieni, Hamtaimaliza miji yote ya Israeli, hatta ajapo Mwana wa Adamu.

²⁴ Mwanafunzi hampiti mwalimu wake, wala mtumishi hampiti bwana wake.

²⁵ Yamtosha mwanafunzi kuwa kama mwalimu wake, na mtumishi kuwa kama bwana wake. Ikiwa wamemwita mwenye nyumba Beelzebul, je, si zaidi wale walio nyumbani mwake?

²⁶ Bassi, msiwaogope, kwa maana hakuna jambo lililostirika, ambalo halitafunuliwa baadae; wala lililofichwa, ambalo halitajulikana baadae.

²⁷ Niwaambialo ninyi katika giza, lisemeni kalika nuru; na msikialo kwa siri, likhubirini juu ya nyumba.

²⁸ Msiwaogope wauuao mwili, wasiweze kuiua na roho: afadhali mmwogopeni yule awezae kuangamiza mwili na roho pia katika jehannum.

²⁹ Videge viwili haviuzwi kwa pesa moja? Na hatta mmoja haanguki chini asijiojua Baba yemi:

³⁰ hatta na nywele za vichwa vyenu zimehesabiwa zote.

³¹ Msiogope bassi; hora ninyi kuliko videge vingi.

³² Bassi killa mtu atakaenikiri mbele ya watu, nami nitamkiri mbele ya Baba yangu aliye mbinguni.

³³ Bali mtu ye yote atakaenikana mbele ya watu, nami nitamkana mbele ya Baba yangu aliye mbinguni.

³⁴ Msidhani ya kuwa nalikuja kueneza amani duniani; la! sikuja kueneza amani, bali upanga.

³⁵ Kwa maana nalikuja kumfitini mtu na baba yake, na binti na mama yake, na mkwe na mkwe mtu:

³⁶ na adui wa mtu ndio wale wa nyumbani mwake.

³⁷ Apendae baba au mama kuliko mimi, hanifai; na apendae mwana au binti kuliko mimi hanifai.

³⁸ Nae asiyechukua msalaba wake na kufuata nyuma yangu, hanifai.

³⁹ Anaeipata roho yake ataiangamiza; nae anaeitoa roho yake kwa ajili yangu ataipata.

⁴⁰ Awapokeae ninyi, anipokea mimi; nae anipokeae mimi, ampokea yeye aliyenituma.

⁴¹ Ampokeae nabii kwa kuwa yu nabii, atapata thawabu ya nabii; nae ampokeae mwenye haki kwa kuwa yu mwenye haki, atapata thawabu ya mwenye haki.

⁴² Na mtu aliye yote atakaemnywesha mmojawapo wa wadogo hawa kikombe cha maji ya baridi tu, kwa kuwa yu mwanafunzi, amin, nawaambieni, haitampotea kamwe thawabu yake.