Matendo 9 - New Testament in Swahili (Zanzibar) Revised Edition 1921

¹ LAKINI Saul, akizidi kutisha na kuwaza kuwaua wanafunzi wa Bwana, akamwendea kuhani mkuu,

² akataka ampe khati za kwenda Dameski zilizoandikwa kwa masunagogi, illi akiona watu wa Njia hii, waume kwa wake, awafunge na kuwaleta Yerusalemi.

³ Hatta alipokuwa akisafiri akawa anakaribia Dameski; ghafula ikamwangaza nuru kutoka mbinguni.

⁴ Akaanguka chini, akasikia sauti ikimwambia, Saul, Saul, mbona wanifukuza?

⁵ Akasema, U nani Bwana? Akasema, Mimi ndimi Yesu unaeniudhi wewe.

⁶ Lakini simama, uingie mjini, utaambiwa yatakayokupasa kutenda.

⁷ Na watu waliosafiri pamoja nae wakasimama kimya, wakiisikia sauti, wasione mtu.

⁸ Saul akaondoka katika inchi, na macho yake yalipofumbuka, hakuona kitu: wakamshika mkono wakamleta hatta Dameski.

⁹ Akawa siku tatu haoni, wala hali, wala hanywi.

¹⁰ Bassi palikuwapo mwanafunzi Dameski, jina lake Anania. Bwana akamwambia katika njozi, Anania. Akasema, Mimi hapa, Bwana.

¹¹ Bwana akamwambia, Simama, enenda zako katika njia iitwayo Sawa, ukatafute ndani ya nyumba ya Yuda mtu jina lake Saul, wa Tarso: maana yuko anasali:

¹² nae amemwona mtu, jina lake Anania, akiingia, akiweka mikono juu yake, apate kuona tena.

¹³ Lakini Anania akajibu, Bwana, nimesikia khabari za mtu huyu kwa watu wengi, mabaya mengi aliyowatenda watakatifu wako Yerusalemi:

¹⁴ hatta hapa ana mamlaka kwa makuhani wakuu awafunge wote wakuitiao Jina lako.

¹⁵ Lakini Bwana akamwambia, Shika njia; kwa maana huyu ni chombo kiteule kwangu, alichukue Jina langu mbele ya mataifa, na wafalme, na wana wa Israeli.

¹⁶ Maana nitamwonyesba mambo mengi makuu yatakayompasa kuteswa kwa ajili ya Jina langu.

¹⁷ Anania akaenda zake, akaingia mle nyumbani; akamwekea mikono akisema, Ndugu Saul, Bwana amenipeleka, Yesu, yeye aliyekutokea katika njia uliyoijia, upate kuona tena, ukajazwe Roho Mtakatifu.

¹⁸ Marra yakaanguka machoni pake kama magamba, akapata kuona akasimama, akabatizwa;

¹⁹ akala chakula, akapata nguvu. Akawa huko siku kadhawakadha pamoja na wanafunzi walioko Dameski.

²⁰ Marra akamkhubiri Yesu katika masunagogi, kwamba yeye ni Mwana wa Mungu.

²¹ Na wote waliosikia wakashangaa, wakasema, Siye huyu aliyewateka walioliita Jina hili Yerusalemi? Na hapa amekuja kusudi hili, awafunge na kuwapeleka kwa makuhani wakuu?

²² Saul akazidi kuwa hodari, akawatia fadhaa Wayahudi waliokaa Dameski, akithubutisha ya kuwa huyu udiye Kristo.

²³ Hatta siku nyingi zilipopita, Wayahudi wakafanya shauri illi wamwue:

²⁴ lakini hila yao ikajulikana na Saul. Wakamvizia malangoni mchana na usiku wapate kumwua.

²⁵ Wanafunzi wakamtwaa usiku wakamshusha ukutani, wakimtelemsha katika kapu.

²⁶ Na Saul alipofika Yerusalemi, alijaribu kujiunga na wanafunzi, nao walikuwa wakimwogopa wote, wasisadiki ya kuwa yeye ni mwanafunzi.

²⁷ Barnaba akamtwaa, akampeleka kwa mitume, akawaeleza jinsi alivyomwona Bwana njiani, na ya kwamba alisema nae, na jinsi alivyokhubiri pasipo khofu katika Dameski kwa jina lake Yesu.

²⁸ Nae akawa pamoja nao katika Yerusalemi akiingia na kutoka.

²⁹ Akaneua kwa jina lake Yesu pasipo khofu, akinena na kushindana na Wahelenisti. Nao wakajaribu kumwua.

³⁰ Lakini ndugu walipopata khabari wakamchukua hatta Kaisaria wakampeleka Tarso.

³¹ Bassi makanisa wakapata raha katika Yahudi yote na Galilaya na Samaria, wakajengewa, wakiendelea katika kicho cha Bwana, na faraja ya Roho Mtakatifu.

³² Hatta Petro alipokuwa akizungukazunguka pande zote akawatelemkia watakatifu waliokaa Ludda.

³³ Akamwona mtu mmoja huko, jina lake Ainea mtu huyo amelala kitandani miaka minane; maana alikuwa amepooza.

³⁴ Petro akamwambia, Ainea, Yesu Kristo akuponya: ondoka, ukatandike kitanda chako.

³⁵ Marra akaondoka. Na watu wote waliokaa Ludda na Saron wakamwona, wakamgeukia Bwana.

³⁶ Na mwanafunzi mmoja alikuwako Yoppa, jina lake Tabitha, (tafsiri yake ni paa:) mwanamke huyu alikuwa amejaa matendo mema na sadaka alizozitoa.

³⁷ Ikawa siku zile akaugua, akafa: hatta walipokwisha kumwosha, wakamweka orofani.

³⁸ Na kwa kuwa Ludda ulikuwa karibu na Yoppa, nao wamesikia ya kwamha Petro yuko huko, wakatuma watu wawili kwake, kumsihi asikawie kuja kwao.

³⁹ Petro akaondoka akafuatana nao. Alipofika wakampeleka juu orofani: wajane wote wakasimama karibu nae, wakilia na kuniwonyesha zile kanzu na nguo alizozifanya Paa wakati ule alipokuwa pamoja nao.

⁴⁰ Petro akawatoa wote, akapiga magoti, akaomba, akaielekea mayiti, akanena, Tabitha, ondoka. Nae akafumbua macho yake, na alipomwona Petro akajiinua, akaketi.

⁴¹ Akampa mkono, akamwinua; hatta akiisha kuwaita wale watakatifu na wajane akamweka mbele yao, yu hayi.

⁴² Ikajulikana katika Yoppa, katika mji mzima, watu wengi wakamwamini Bwana.

⁴³ Hatta Petro akakaa siku kadha wa kadha huko Yoppa, nyumbani mwa mtu mmoja, jina lake Simon, mtengenezaji wa ngozi.