Marko 7 - New Testament in Swahili (Zanzibar) Revised Edition 1921

¹ KIISHA Mafarisayo na baadhi ya waandishi waliotoka Yerusalemi wakakusanyika mbele yake,

² wakaona baadhi ya wanafunzi wake wakila vyakula kwa mikono najis, yaani, yasiyonawiwa, wakawalaumu.

³ Kwa maana Mafarisayo na Wayahudi wote wasiponawa mikono kwanza, hawali, wakishika hadithi za wazee wao:

⁴ tena wakitoka sokoni, wasipotawadha, hawali; na yako mambo mengine waliyopokea kuyushika kama vile kuosha vikombe, na midumu, na vyombo vya shaba na meza.

⁵ Bassi wale Mafarisayo na waandishi wakamwuliza, Mbona wanafunzi wako hawaendi kwa kuzifuata hadithi za wazee, bali hula chakula kwa mikono najis?

⁶ Akawaambia, Isaya aliwakhubiri vema ninyi wanaliki, kama ilivyoandikwa, Watu hawa hunibeshimu kwa midomo, Bali mioyo yao iko mbali nami;

⁷ Lakini waniabudu ibada ya burre, Wakifundisha mafundisho yaliyo maagizo ya wana Adamu.

⁸ Kwa maana mmeiacha amri ya Mungu, na kuzishika hadithi za wana Adamu, kuosha midumu na vikombe: na mengine mengi ya namna hii mwayafanya.

⁹ Akawaambia, Mwaikataa vema amri ya Mungu mpate kushika hadithi zenu.

¹⁰ Maana Musa alisema, Waheshimu baba yako na mama yako, na, Amtukanae baba yake au mama yake na afe.

¹¹ Bali ninyi hunena, Mtu akimwambia baba yake au mama yake, Ni Korban (yaani kimewekwa wakfu) kitu changu cho chote kikupasacho kufaidiwa nacho:

¹² wala hamrukhusu baada ya hayo kumtendea neno baba yake wala mama yake;

¹³ mkilitangua neno la Mungu kwa hadithi yenu mliyohadithia; tena mwafanya mambo mengi yaliyo sawasawa na hayo.

¹⁴ Akawaita makutano tena, akawaambia, Nisikieni nyote, fahamuni.

¹⁵ Hapana kitu kilicho nje ya mtu ambacho kikimwingia chaweza kumtia najis, bali vimtokayo, ndivyo vimtiavyo najis yule mtu.

¹⁶ Mtu akiwa na masikio ya kusikilia, na asikie.

¹⁷ Hatta alipoingia nyumbani, amewaacha makutano, wanafunzi wake wakamwuliza khabari za ule mfano.

¹⁸ Akawaambia, Hivi na ninyi hamna akili? Hamfahamu ya kuwa killa kitu kilicho nje ya mtu, kikimwingia, hakiwezi kumtia najis;

¹⁹ kwa sababu hakimwingii moyoni, illa tumboni tu; kiisha chatoka kwenda chooni? Kwa kusema hivi alivitakasa vyakula vyote.

²⁰ Akanena, Kimtokacho mtu ndicho kimtiacho najis.

²¹ Kwa maana ndani ya mioyo ya watu hutoka mawazo mabaya, zina, asharati,

²² wizi, uuaji, tamaa mbaya, hila, jeuri, kijicho, matukano, kiburi, upumbafu.

²³ Haya yote yaliyo maovu yatoka ndani, nayo yamtia mtu najis.

²⁴ Akaondoka huko, akaenda zake hatta mipaka ya Turo na Sidon. Akaingia katika nyumba, akataka isijulikane na mtu; lakini hakuweza kustirika.

²⁵ Kwa sababu mwanamke, ambae binti yake yuna pepo mchafu, alisikia khabari zake, akaja akamwangukia miguu.

²⁶ (Na vule mwanamke ni Myunani, kabila yake Msurofenissa). Akamwomba amfukuze pepo katika binti yake.

²⁷ Akamwambia, Waache watoto washibe kwanza: maana si vema kukitwaa chakula cha watoto, na kuwatupia mbwa.

²⁸ Nae akajibu, akamwambia, Naam, Bwana, lakini hatta mbwa chini ya meza hula makombo ya watoto.

²⁹ Akamwambia, Kwa sababu ya neno hilo, nenda zako; pepo amemtoka binti yako.

³⁰ Akaenda zake nyumbani kwake, akamkuta yule kijana amelazwa kitandani, na yule pepo amekwisha kumtoka.

³¹ Akatoka tena katika mipaka ya Turo akapita katikati ya Sidon, akaenda hatta bahari ya Galilaya, kati ya mipaka ya Dekapoli.

³² Wakamletea kiziwi, nae ana kigugumizi, wakamsihi aweke mikono yake juu yake.

³³ Akamtenga na makutano kwa faragha, akatia vidole vyake masikioni mwake, akatema mate, akamgusa nlimi,

³⁴ akatazama juu mbinguni, akaugua, akamwambia, Effatha, maana yake, Funguka!

³⁵ Marra masikio yake yakafunguka, kifungo cha ulimi wake kikalegea, akasema vizuri.

³⁶ Akawaagiza wasimwambie mtu; lakini kwa kadiri alivyozidi kuwaagiza, ndivyo walivyozidi kutangaza khabari, wakashangaa mno kupita kiasi, wakinena,

³⁷ Ametenda yote vizuri; viziwi awafanya wasikie, na bubu waseme.