Marko 5 - New Testament in Swahili (Zanzibar) Revised Edition 1921

¹ WAKAFIKA ngʼambu ya bahari hatta inchi ya Wageraseni.

² Na alipokwisha kushuka chomboni, marra akakutwa na mtu ambae ametoka makaburini, nae ana pepo mchafu, makao yake yalikuwa pale makaburini:

³ wala hakuna mtu aliyeweza kumfunga, hatta kwa minyororo:

⁴ kwa sababu alikuwa amefungwa marra nyingi kwa pingu na minyororo, akaikata ile minyororo, na kuzivunjavunja zile pingu; wala hakuna mtu aliyekuwa na nguvu za kumshinda.

⁵ Na siku zote, usiku na mchana, alikuwa makaburini na milimani, akilia na kujikata kwa mawe.

⁶ Alipomwona Yesu kwa mbali, akampiga mbio, akamsujudia;

⁷ akalia kwa sauti kuu akanena, Nina nini nawe, Yesu, Mwana wa Mungu aliye juu? Nakusihi, uniapie kwa Mungu kwamba hutaniadhibu.

⁸ Kwa sababu amemwambia, Ewe pepo mchafu, mtoke mtu huyu.

⁹ Akamwambia, Jina lako nani? Akajibu, akamwambia, Jina langu Legioni: kwa kuwa tu wengi.

¹⁰ Akamsihi sana asiwapeleke nje ya incbi ile.

¹¹ Na pale milimani palikuwa na kundi kubwa la nguruwe, walisha.

¹² Pepo wote wakamsihi, wakinena, Tupeleke katika nguruwe, tupate kuwaingia wao.

¹³ Akawapa rukhusa. Wale pepo wachafu wakatoka, wakaingia katika wale ngumwe: kundi lote likatelemka kwa kassi gengeni, wakaingia baharini; walikuwa wapata elfeen; wakafa baharini.

¹⁴ Wachungaji wa wale nguruwe wakakimbia wakaeneza khahari mjini na mashamba. Wakatoka waone khabari iliyotukia.

¹⁵ Wakamwendea Yesu, wakamwona yule mwenye pepo, ameketi, amevaa nguo, ana akili zake, nae ndiye aliyekuwa na ile legione; wakaogopa.

¹⁶ Nao walioona wakaeleza ni mambo gani yaliyompata yule mwenye pepo, na khabari za nguruwe.

¹⁷ Wakaanza kumsihi atoke katika mipaka yao.

¹⁸ Alipokuwa akipanda chomboni, yule aliyekuwa na pepo akamsihi awe pamoja nae:

¹⁹ Yesu hakumrukhusu, bali alimwambia, Enenda zako nyumbani kwako, kwa watu wa kwenu, kawakhubiri ni mambo gani makuu aliyokutendea Bwana, na jinsi alivyokurehemu.

²⁰ Akaenda zake, akaanza kukhubiri katika Dekapoli, ni mambo gani makuu Yesu aliyomtendea; watu wote wakataajabu.

²¹ Hatta Yesu alipokwisha kuvuka kurudia ngʼambu katika kile chombo, wakamkusanyikia makutano mengi: nae alikuwa kando ya bahari.

²² Kumbe! akaja mtu mmoja katika wakuu wa sunagogi, jina lake Yairo: hatta alipomwona, akaanguka miguuni pake,

²³ akimsihi sana, akinena. Binti yangu mdogo yu katika kufa: nakuomba nje, nweke mkono wako juu yake, apate kupona, nae ataishi.

²⁴ Akaenda pamoja nae: makutano mengi wakamfuata, wakimsongasonga.

²⁵ Na mwanamke mmoja mwenye kutoka damu muda wa miaka thenashara,

²⁶ na kuteswa mengi kwa mikono ya tabibu wengi, akagharimu vitu vyote alivyo navyo, kusimfae hatta kidogo, bali hali yake ilizidi kuwa mbaya,

²⁷ bassi aliposikia khabari za Yesu, alipita katika mkutano kwa nyuma, akaligusa vazi lake;

²⁸ maana alinena, Nikiyagusa mavazi yake tu, nitapona.

²⁹ Marra chemchemi ya damu yake ikakauka, akafahamu mwilini mwake kwamba amepona msiba ule.

³⁰ Marra Yesu akifahamu nafsini mwake kwamba nguvu zimemtoka, akageuka kati ya makutano, akanena, Ni nani aliyenigusa mavazi yangu?

³¹ Wanafunzi wake wakamwambia, Wawaona makutano wanavyokusongasonga, nawe wanena, Ni nani aliyenigusa?

³² Akatazama pande zote illi amwone yule aliyelitenda neno hili.

³³ Na yule mwanamke akaingiwa na khofu na kutetemeka, akijua lililompata, akaja akamwangukia, akamweleza kweli yote.

³⁴ Akamwambia, Binti imani yako imekuponya, enenda zako kwa amani, ukawe mzima, usiwe na msiba wako tena.

³⁵ Hatta alipokuwa akisema wakaja watu kutoka kwa mkuu wa sunagogi, wakinena, Binti yako amekwisha kufa: ya nini kuzidi kumsumbua mwalimu?

³⁶ Yesu, marra alipolisikia lile neno likinenwa, akamwambia mkuu wa sunagogi, Usiogope, amini tu.

³⁷ Wala hakumrukhusu mtu afuatane nae, illa Petro, na Yakobo, na Yohana ndugu yake Yakobo.

³⁸ Wakafika nyumbani kwa yule mkuu wa sunagogi, akaona ghasia, na watu wakilia, wakifanya maombolezo mengi.

³⁹ Alipokwisha kuingia, akawaambia, Mbona mnafanya ghasia na kulia? Mtoto hakufa, bali amelala tu. Wakamcheka sana.

⁴⁰ Nae alipokwisha kuwatoa nje wote, akamtwaa baba yake yule mtoto na mama yake, na wale walio pamoja nae, akaingia ndani alimokuwamo yule mtoto.

⁴¹ Akamshika mkono yule kijana, akamwambla, Talitha, kumi: tafsiri yake, Kijana, nakuambia, Ondoka.

⁴² Marra akasimama yule kijana, akaenda; maana alikuwa amepata miaka thenashara. Wakashangaa mshangao mwingi.

⁴³ Akawaagiza sana, mtu asijue khabari ile; akaamuru apewe chakula.