Marko 3 - New Testament in Swahili (Zanzibar) Revised Edition 1921

¹ AKAINGIA tena katika sunagogi: na palikuwako huko mtu mwenye mkono umepooza:

² wakamvizia kuona kwamba atampotiya siku ya sabato: wapate kumshitaki.

³ Akamwambia yule mtu mwenye mkono uliopooza, Simama katikati.

⁴ Akawaambia, Ni halali siku ya sabato kutenda mema, au kutenda mabaya? kuokoa roho au kuua? Wakanyamaza.

⁵ Akawakazia macho pande zote kwa ghadhabu, akiona huzuni kwa ajili ya ugumu wa mioyo yao, akamwambia yule mtu. Nyosha mkono wako. Akaunyosha: mkono wake ukapona ukawa mzima kama wa pili:

⁶ marra wakaloka wale Mafarisayo, wakamfanyia shauri pamoja na Maherodiano jinsi ya kumwangamiza.

⁷ Yesu akajitenga, yeye na wanafunzi wake, akaenda baharini. Watu wengi sana wakamfuata toka Galilaya, na toka Yahudi, na toka Yerusalemi,

⁸ na toka Idumaya, na ngʼambu ya Yardani, na pande za Turo na Sidon, mkutano mkuu, waliposikia khabari za mambo yote aliyokuwa akiyatenda; wakamwendea.

⁹ Akawaambia wanafunzi wake ya kama chombo kidogo kikae karibu nae, kwa sababu ya makutano, wasije wakamsonga.

¹⁰ Maana aliponya wengi, hatta wote waliokuwa na misiba wakamrukia wapate kumgusa.

¹¹ Na pepo wachafu, killa walipomwona, wahanguka mbele yake, wakalia wakinena, Wewe ndiwe Mwana wa Mungu.

¹² Akawagombeza sana, wasimdhihirishe.

¹³ Akapanda mlimani, akawaita aliowataka mwenyewe; wakamwendea.

¹⁴ Akaweka thenashara, wapate kuwa pamoja nae, na kusudi awatume kukhubiri,

¹⁵ na wawe na mamlaka ya kufukuza pepo.

¹⁶ Na Simon akampa jina, Petro;

¹⁷ na Yakobo, mwana wa Zebedayo, na Yohana ndugu yake Yakobo, akawapa jina, Boanerge, maana yake, wana wa ngurumo,

¹⁸ na Andrea, na Filipo, na Bartolomayo, na Mattayo, na Tomaso, na Yakobo wa Alfayo, na Thaddayo na Simon Mkanani,

¹⁹ na Yuda Iskariote, ndiye aliyemsaliti.

²⁰ Kiisha wakaingia nyumbani; makutano wakakusanyika tena, wao wenyewe wasiweze kula hatta mkate.

²¹ Jamaa zake walipopata khabari wakatoka kwenda kumkamata: maana walinena, Amerukwa na akili.

²² Waandishi walioshuka kutoka Yahudi wakanena, Ana Beelzebul, na kwa uwezo wa mkuu wa pepo awafukuza pepo.

²³ Akawaita, akawaambia kwa mifano, Awezaje Shetani kumfukuza Shetani?

²⁴ Na ufalme nkilitinika juu ya nafsi yake ufalme ule hauwezi kusimama;

²⁵ na nyumba ikifitinika juu ya nafsi yake, nyumba ile haiwezi kusimama.

²⁶ Na kama Shetani ameondoka juu ya nafsi yake akafitinika, hawezi kusimama, bali ana kikomo.

²⁷ Hawezi mtu kuingia ndani ya nyumba ya mtu mwenye nguvu, na kuteka vyombo vyake, asipomfunga kwanza yule mwenye nguvu; ndipo atakapoiteka nyumba yake.

²⁸ Amin, nawaambieni, Dbambi zote watasamehewa wana Adamu, na kufuru zao watakazokufuru zote;

²⁹ bali mtu atakaemkufuru Roho Mtakatifu hana masamaha hatta milele; bali atakuwa ana dhambi ya milele;

³⁰ kwa vile walivyonena, Ana pepo mchafu.

³¹ Wakaja mama yake na ndugu zake; wakasimama nje, wakamtuma mtu kumwita.

³² Na makutano walikuwa wameketi, wakimzunguka; wakamwambia, Mama yako, na ndugu zako wako nje, wanakutafuta.

³³ Akawajibu, akinena, Mama yangu na ndugu zangu ni nani?

³⁴ Akawatazama wale walioketi wakimzunguka pande zote, akanena, Tazama, Mama yangu na ndugu zangu.

³⁵ Kwa maana mtu ye yote atakaeyafanya mapenzi ya Mungu, huyu ndive ndugu yangu, na umbu langu, na mama yangu.