Marko 15 - New Testament in Swahili (Zanzibar) Revised Edition 1921

¹ MARRA ilipokuwa assubuhi makuhani wakuu wakafanya shauri pamoja na wazee na waandishi na haraza zima, wakamfunga Yesu, wakamchukua, wakamleta kwa Pilato.

² Pilato akamwuliza, Wewe ndiwe mfalme wa Wayahudi? Akajihu, akamwambia, wewe unasema.

³ Makuhani wakamshitaki mengi.

⁴ Pilato akamwuliza tena akinena, Hujibu neno? Tazama mambo mangapi wanayokushitaki!

⁵ Wala Yesu hakujibu neno tena, hatta Pilato akataajabu.

⁶ Bassi katika siku kuu huwafungulia mfungwa mmoja, wamtakae.

⁷ Palikuwa na mtu aitwae Barabba, amefungwa pamoja na watu waliofanya fitina na kufanya uuaji katika fitina.

⁸ Makutano wakapaaza sauti zao, wakaanza kuomba vile kama alivvozoea kuwatendea.

⁹ Pilato akawajibu, akisema, Mnataka niwafungulie mfalme wa Wayahudi?

¹⁰ Kwa maana alifahamu ya kuwa makuhani wakuu wamemtoa kwa husuda.

¹¹ Makuhani wakuu wakawataharakisha makutano, illi apende kuwafungulia Barabba.

¹² Pilato akajibu tena akawaambia, Bassi wataka nimtendeni huyu mnenae kuwa Mfalme wa Wayahudi?

¹³ Wakapiga kelele tena, Msulibishe.

¹⁴ Pilato akawaambia, Kwani, ubaya gani alioutenda? Wakazidi sana kupiga kelele, Msulihishe.

¹⁵ Pilato akapenda kuwafanyia radhi makutano, akawafungulia Barabba: akamtoa Yesu, baada ya kumpiga mijeledi, asulibiwe.

¹⁶ Askari wakamchukua ndani ya sebule, ndiyo Praitorio, wakakusanya pamoja kikosi kizima.

¹⁷ Wakamvika vazi jekundu, wakasokota taji ya miiba, wakamtia kichwani;

¹⁸ wakaanza kumsalimu, Salamu Mfalme wa Wayahudi!

¹⁹ Wakampiga kichwa kwa unyasi, wakamtemea mate, wakapiga magoti, wakamsujudu.

²⁰ Hatta wakiisha kumdhihaki, wakamvua lile vazi jekundu, wakamvika nguo zake mwenyewe; wakamchukua nje wamsulibishe.

²¹ Wakamtumikisha mtu aliyekuwa akipita, Simon Mkurene, akitoka mashamba, baba wa Iskander na Rufo, auchukue msalaba wake.

²² Wakamleta mahali palipokwitwa Golgotha, tafsiri yake, mahali pa kichwa.

²³ Wakampa mvinyo iliyotiwa manemane anywe, nae hakupokea.

²⁴ Wakamsulibi, wakagawanya nguo zake wakizipigia kura killa mtu atwae nini.

²⁵ Ikawa saa tatu wakamsulibi.

²⁶ Anwani ya mshitaka wake iliandikwa juu, MFALME WA WAYAHUDU.

²⁷ Na pamoja nae walisulibi wanyangʼanyi wawili, mmoja mkono wake wa kuume na mmoja mkono wake wa kushoto.

²⁸ Bassi andiko likatimizwa linenalo, Alihesabiwa pamoja na maasi.

²⁹ Nao waliopita wakamtukana, wakitikisatikisa vichwa vyao, wakisema, Ah! wewe mwenye kulivunja hekalu na kulijenga kwa siku tatu,

³⁰ jiponye nafsi yako, shuka msalabani.

³¹ Kadhalika na makuhani wakuu wakamdhihaki wao kwa wao, pamoja na waandishi, wakisema, Aliwaponya wengine; hawezi kujiponya nafsi yake.

³² Kristo, mfalme wa Israeli, na ashuke sasa msalabani tupate kuona na kuamini. Nao waliosulibiwa pamoja nae wakamlaumu,

³³ Ilipokuwa saa sita, pakawa na giza juu ya inchi yote, hatta saa tissa.

³⁴ Na saa tissa Yesu akapiga kelele kwa sauti kuu, Eloi, Eloi, lama sabakthani? tafsiri yake, Mungu wangu, Mungu wangu, mbona umeniacha?

³⁵ Na baadhi yao waliohudhuria, wakisikia, wakasema, Anamwita Eliya.

³⁶ Mtu akapiga mbio, akajaza sifongo siki, akaitia jim ya unyasi, akamnywesha, akisema, Acheni; na tuone kwamba Eliya anakuja kumshusha.

³⁷ Yesu akatoa sauti kuu, akakata roho.

³⁸ Pazia la patakatifu likapasuka vipande viwili toka juu hatta chini.

³⁹ Bassi yule akida, aliyesimama akimwelekea, alipoona ya kuwa alikata roho jinsi hii, akasema, Hakika mtu huyu alikuwa, Mwana wa Mungu.

⁴⁰ Palikuwako na wanawake wakitazama kwa mbali; katika hawa alikuwa Mariamu Magdalene, na Mariamu mama wa Yakobo mdogo na wa Yose, na Salome:

⁴¹ hawa ndio waliomfuata alipokuwa Galilaya, na kumkhudumia; na wengine wengi waliopanda pamoja nae hatta Yerusalemi.

⁴² Hatta ikiisba kuwa jioni, kwa sababu ni Maandalio, ndiyo siku iliyo kabla ya sabato,

⁴³ akaenda Yusuf, mtii wa Arimathaya, mstahiki, mtu wa baraza la mashauri, nae mwenyewe anautazamia ufalme wa Mungu; akafanya ujasiri, akaingia mbele ya Pilato akauomba mwili wake Yesu.

⁴⁴ Pilato akastaajabu, kwa sababu amekwisha kufa. Akamwita yule akida, akamwuliza kwamba amekufa kitambo.

⁴⁵ Hatta alipokwisha kupata hakika, akamtunukia Yusuf maiti.

⁴⁶ Akanunua saanda, akamshusha, akamfungia ile saanda, akamweka katika kaburi lililochongwa mwambani: akafingirisha jiwe mbele ya mlango wa kaburi.

⁴⁷ Mariamu Magdalene na Mariamu wa Yose wakapatazama alipowekwa.