Luka 4 - New Testament in Swahili (Zanzibar) Revised Edition 1921

¹ NA Yesu, akijaa Roho Mtakatifu, akarudi kutoka Yordani: akaongozwa na Roho kwenda jangwani, akijaribiwa na Shetani muda wa siku arubaini.

² Na siku zile hakula kitu; hatta zilipotimia, akaona njaa.

³ Shetani akamwambia, Ukiwa ndiwe Mwana wa Mungu, liambie jiwe hili liwe mkate.

⁴ Yesu akamjibu, Imeandikwa, Mtu hataishi kwa mkate tu, hali kwa killa neno la Mungu.

⁵ Shetani akampandisha juu ya mlima mrefu, akamwonyesha milki zote za ulimwengu kwa dakika moja.

⁶ Shetani akamwambia, Nitakupa mamlaka haya yote, na fakhari yake: kwa kuwa nimekabidhiwa, nami nampa ye yote nimtakae:

⁷ bassi, wewe ukisujudu mbele yangu, yote yatakuwa yako.

⁸ Yesu akamwambia, Nenda zako nyuma yangu, Shetani: maana imeandikwa, Utamsujudia Bwana Mungu wako, nae peke yake utamwabudu.

⁹ Akamwongoza hatta Yerusalemi, akamweka juu ya ukumbi wa hekalu, akamwambia, Ukiwa ndiwe Mwana wa Mungu, jitupe chini, toka huku:

¹⁰ maana imeandikwa, Atakuagizia malaika zake wakulinde,

¹¹ na, Mikononi mwao watakuchukua, Usije ukajikwaa mguu wako kalika jiwe.

¹² Yesu akajibu akamwambia, Imenenwa, Usimjaribu Bwana Mungu wako.

¹³ Hatta alipomaliza killa jaribu Shetani akaondoka kwake kwa muda.

¹⁴ Yesu akarudi kwa nguvu za Roho hatta Galilaya, khabari zake zikaenea katika inchi yote iliyo kando kando.

¹⁵ Nae alikuwa akifundisha katika masunagogi yao, akitukuzwa na watu wote.

¹⁶ Akaenda Nazareti, mahali alipokuwa amelelewa: akaingia katika sunagogi siku ya sabato, kama ilivyokuwa desturi yake, akasimama illi asome.

¹⁷ Akapewa chuo cha nabii Isaya: bassi alipokwisha kukifunua chuo hicho, akapaona pahali palipoandikwa,

¹⁸ Roho ya Bwana ni juu yangu, Kwa sababu amenitia mafuia kuwakhubiri maskini khabari njema. Amenituma kuwaponya waliopondeka moyo, Kuwatangazia wafungwa kufunguliwa, na vipofu kupata kuona tena, Kuwaacha wa huru waliosetwa,

¹⁹ Kutangaza mwaka wa Bwana uliokubaliwa.

²⁰ Akakifunga chuo, akampa mkhudumu, akaketi: watu wote waliokuwa katika sunagogi wakamkazia macho.

²¹ Akaanza kuwaambia, Leo andiko hili limetimia masikioni mwenu.

²² Wakamshuhudia wote, wakayastaajabia maneno ya neema yaliyotoka kinywani mwake: wakanena, Huyu siye Mwana wa Yusuf?

²³ Akawaambia, Hapana shaka mtaniambia methali hii, Tabibu, jiponye nafsi yako: mambo yote tuliyosikia yametendeka Kapernaum, yatende na hapa pia katika inchi yako mwenyewe.

²⁴ Akawaambia, Amin, nawaambieni, Hapana nabii apatae kukubaliwa katika inchi yake mwenyewe.

²⁵ Lakini kwa kweli nawaambieni, Palikuwa wajane wengi katika Israeli zamani za Eliya, wakati mbingu zilipofungwa miaka mitatu na miezi sita; njaa kuu ikaingia inchi yote:

²⁶ wala hakutumwa Eliya kwa mmojawapo wao, illa kwa mjane mmoja wa Sarepta, mji wa Sidon.

²⁷ Tena palikuwa wengi wenye ukoma katika Israeli zamani za nabii Elisha: wala hapana aliyetakasika illa Naaman, mtu wa Sham.

²⁸ Wakajazwa hasira wote katika sunagogi walipoyasikia haya.

²⁹ Wakaondoka wakamtoa nje ya mji, wakamchukua hatta ukingo wa kilima kile kilichojengwa mji wao, wapate kumporomosha:

³⁰ lakini yeye akapita katikati yao akaenda zake.

³¹ Akashukia Kapernaum, mji wa Galilaya, akawa akifundisha siku ya sabato:

³² wakashangaa mno kwa mafundisho yake, kwa sababu neno lake lilikuwa na uweza.

³³ Na palikuwapo katika sunagogi yao mtu mwenye roho ya pepo mchafu: akapaaza sauti kwa nguvu, akinena,

³⁴ Ah, tuna nini nawe Yesu Mnazareti? umekuja kutuangamiza? Nakutambua wewe, Mtakatifu wa Mungu.

³⁵ Yesu akamkemea, akinena, Fumba kinywa, mtoke. Yule pepo akamwangusha katikati, akamtoka, asimdhuru.

³⁶ Ushangao ukawashika wote, wakaambiana wao kwa wao, wakinena, Neno gani hili, maana kwa mamlaka na uweza awaamuru pepo wachafu, nao watoka?

³⁷ Khabari zake zikaenea katika inchi zilizo kando kando killa pahala.

³⁸ Akatoka katika sunagogi, akaingia nyumba ya Simon. Bassi mkwewe Simon alikuwa ameshikwa na homa kali, wakamwomba kwa ajili yake.

³⁹ Akasimama karibu nae akaikemea ile homa, ikamwacha; marra akaondoka akawakhudumu.

⁴⁰ Hatta jua lilipokuwa likichwa watu wote waliokuwa na wagonjwa wenye maradhi mbali mbali wakawaleta kwake: nae akaweka mikono yake juu ya killa mmoja, akawaponya.

⁴¹ Pepo wakawatoka wengi wakipaaza sauti zao wakisema, Wewe u Kristo, Mwana wa Mungu. Akawakemea, asiwaache kunena, kwa sababu walijua ya kuwa yeye ndiye Kristo.

⁴² Hatta ulipokuwa mchana akatoka akaenda mahali pasipokuwa na watu: makutano wakamtafutatafuta, wakamfikilia, wakataka kumzuia asiondoke kwao.

⁴³ Akawaambia, Imenipasa kukhubiri khabari njema ya ufalme wa Mungu katika miji mingine pia: maana kwa hiyo nalitumwa.

⁴⁴ Akawa akikhubiri katika sunagogi za Galilaya.