Luka 24 - New Testament in Swahili (Zanzibar) Revised Edition 1921

¹ HATTA siku ya kwanza ya juma, ikianza kupambazuka, wakaenda kaburini wakiyaleta yale manukato waliyoyaweka tayari, na wengine pamoja nao.

² Wakalikuta lile jiwe limefingirishwa mbali ya kaburi.

³ Wakaingia, wasiuone mwili wa Bwana Yesu.

⁴ Ikawa wangali wakishangaa kwa haya, kumbe! watu wawili wakisimama karibu yao, wamevaa nguo za kumetameta.

⁵ Nao wakiingiwa na khofu na kuinama kifudifudi hatta inchi, wakawaambia, Kwa nini mnamtafuta aliye hayi katika wafu? Hayupo hapa, bali amefufuka.

⁶ Kumbukeni jinsi alivyosema nanyi alipokuwa hajatoka Galilaya, akinena,

⁷ ya kwamba imempasa Mwana wa Adamu kutiwa katika mikono ya watu wenye dhambi, na kusulibiwa, na kufufuka siku ya tafu.

⁸ Wakakumbuka maneno yake,

⁹ wakarejea kutoka kaburi, wakawaarifu wale edashara na wale wengine wote pia mambo hayo yote.

¹⁰ Na hao waliowaambia mitume mambo haya ni Mariamu Magdalene, na Yoanna, na Mariamu mama yake Yakobo na wengine waliokuwa pamoja nao.

¹¹ Maneno yao yakaonekana kuwa ni upuzi kwao, wala hawakuwasadiki.

¹² Lakini Petro akaondoka, akaenda mbio kaburini, akainama, akachungulia ndani, akaviona vile vitambaa vimewekwa peke yake, akarudi kwake, akistaajabu kwa yale yaliyotokea.

¹³ Siku ileile wawili wao walikuwa wakienda hatta kijiji, jina lake Emmao, kilichokuwa mbali ya Yerusalemi yapata stadio sittini.

¹⁴ Nao wakawa wakizumgumza haya yote yaliyotukia.

¹⁵ Ikawa katika kuzumgumza kwao na kuulizana, Yesu mwenyewe akakaribia, akafuatana nao.

¹⁶ Macho yao yakafumbwa, wasipate kumtambua.

¹⁷ Akawaambia, Maneno gani haya mnayobishana katika kutembea kwenu? na tena nyuso zenu zimekunjamana.

¹⁸ Akajibu mmoja wao, jina lake Kleopa, akamwambia, Je! wewe peke yako u mgeni katika Yerusalemi, usiyajue yaliyokuwa ndani yake siku hizi?

¹⁹ Akawaambia, Mambo gani? Wakamwambia, Mambo ya Yesu Mnazareti, aliyekuwa mtu nabii mwenye nguvu kwa tendo na kwa neno mbele za Mungu na watu wote;

²⁰ na jinsi makuhani wakuu na wakubwa wetu walivyomtoa kwa hukumu ya kufa, wakamsulibisha;

²¹ nasi twalitaraja ya kuwa yeye ndiye atakaekomboa Israeli. Hatta pamoja na haya yote, leo ni siku ya tatu tangu yalipokuwa haya.

²² Kuna tena wanawake wengine wa kwetu waliotustusha, wakiamkia mapema kwenda kaburini:

²³ wasioukuta mwili wake, wakaja, wakasema ya kwamba wametokewa na malaika, waliowaambia yu hayi.

²⁴ Na wengine waliokuwa pamoja nasi wakaenda kaburini, wakaona vivyo hivyo kama wanawake walivyosema; illa yeye hawakumwona.

²⁵ Nae akawaambia, Enyi wapumbavu, na wenye mioyo mizito katika kuyaamini yote waliyoyasema manabii!

²⁶ Haikumpasa Kristo kupata mateso haya, ndipo aingie enzini mwake?

²⁷ Akaanza toka Musa na manabii, akawafasiria katika maandiko yote mambo yaliyomkhusu yeye.

²⁸ Wakakikaribia kijiji walikokuwa wakienda; nae akajifanya kama anataka kwenda mbele.

²⁹ Wakamshurutisha, wakisema, Kaa pamoja nasi, kwa maana kumekuchwa, na mchana unakwisha sasa. Akaingia kukaa nao.

³⁰ Ikawa, akiketi pamoja nao, akautwaa mkate, akaubariki, akaumega, akawagawia.

³¹ Yakafumbuliwa macho yao, wakamtambua, akatoweka asionekane nao.

³² Wakaambiana, Je! Mioyo yetu haikuwa ikiwaka ndani yetu, alipokuwa akisema nasi njiani, akitufunulia maandiko?

³³ Wakaondoka saa ileile, wakarudi Yerusalemi, wakawakuta wale edashara wamekusanyika, nao waliokuwa pamoja nao,

³⁴ wakisema, Hakika Bwana amefufuka, amemtokea Simon.

³⁵ Nao wakawahadithia yale ya njiani, na jinsi alivyotambulikana nao kwa kumega mkate.

³⁶ Walipokuwa wakisema hivyo, Yesu mwenyewe akasimama kati yao, akiwaambia, Amani kwenu.

³⁷ Wakafadhaika, wakaingiwa na khofu, wakidhani ya kuwa wanaona pepo.

³⁸ Akawaambia, Mbona mmefadhaika? na kwa nini mashaka yanatokea mioyoni mwenu.

³⁹ Tazameni mikono yangu, na miguu yangu, ya kuwa ni mimi mwenyewe. Nipapaseni, mkatazame; kwa maana pepo hana mwili na mifupa, kama mnionavyo mimi kuwa nayo.

⁴⁰ Na baada ya kusema haya akawaonyesha mikono yake na miguu yake.

⁴¹ Bassi, wakiwa bado kuamini kwa furaha, wakitaajabu, akawaambia, Mna kitu cha kula hapa?

⁴² Wakampa kipande cha samaki kilichookwa na asali kidogo.

⁴³ Akakitwaa, akala mbele yao.

⁴⁴ Akawaambia, Haya ndiyo maneno yangu niliyowaambieni, nilipokuwa kwenu, ya kuwa hayana buddi kutimizwa yote niliyoandikiwa katika torati ya Musa, na katika manabii, na katika zaburi.

⁴⁵ Ndipo akaamsha akili zao, wapate kuyatambua maandiko matakatifu.

⁴⁶ Akawaambia, Ndivyo ilivyoandikwa, na ndivyo ilivyompasa Kristo kuteswa, na kufufuka siku ya tatu;

⁴⁷ na mataifa yote wakhubiriwe kwa jina lake toba na ondoleo la dhambi, kuanzia Yerusalemi.

⁴⁸ Nanyi mashahidi wa mambo haya.

⁴⁹ Angalieni, bassi, naituma ahadi ya Baba yangu kwenu: lakini kaeni katika mji huu Yerusalemi, hatta mtakapovikwa nguvu zitokazo juu.

⁵⁰ Akawaongoza nje mpaka Bethania: akainua mikono yake, akawabariki.

⁵¹ Ikawa katika kuwabariki, akajitenga nao, akachukuliwa juu mbinguni.

⁵² Nao wakamsujudia, wakarudi Yerusalemi na furaha kuu:

⁵³ wakawa daima ndani ya hekalu, wakimsifu Mungu na kumhimidi. Amin.