Luka 23 - New Testament in Swahili (Zanzibar) Revised Edition 1921

¹ WAKAONDOKA jamii yote, wakamleta kwa Pilato.

² Wakaanza kumshitaki, wakisema, Tumemwona mtu huyu amipotosha taifa letu, anawakataza watu wasimpe Kaisari kodi, akisema ya kwamba yeye mwenyewe yu Kristo, mfalme.

³ Pilato akamwuliza, akisema, Wewe ndiwe mfalme wa Wayahudi? Akajibu, akamwambia, Unasema wewe.

⁴ Pilato akawaambia makuhani wakuu na makutano, Mimi sioni khatiya yo yote katika mtu huyu.

⁵ Nao wakamshurutisha, wakisema, Awataharakisha watu, akifundisha katika Yahudi yote, akianzia Galilaya hatta hapa.

⁶ Pilato aliposikia neno hili Galilaya, akauliza, Mtu huyu ni Mgalilaya?

⁷ Alipojua ni chini ya mamlaka ya Herode, akampeleka kwa Herode; nae alikuwa katika Yerusalemi siku zile.

⁸ Na Herode alipomwona Yesu, akafurahiwa sana: kwa kuwa tangu zamani alikuwa akitaka kumwona, kwa sababu amesikia mambo yake; akataraja kuona ishara inafanyika nae.

⁹ Akamwuliza kwa maneno mengi, yeye asimjibu lo lote.

¹⁰ Wakasimama makuliani wakuu na waandishi, wakimshitaki kwa nguvu.

¹¹ Bassi Herode akamtweza pamoja na askari zake akamdhihaki, akamvika mavazi mazurimazuri, akamrudisha kwa Pilato.

¹² Ndipo Herode na Pilato wakapatana, siku ileile; kwa maana kwanza walikuwa na uadui wao kwa wao.

¹³ Pilato akawaita pamoja makuhani wakuu, na wakubwa, na watu, akawaambia,

¹⁴ Mmeniletea mtu huyu, kana kwamba anapotosha watu; nami hassi nilipomhukumu mbele yenu, sikuona khatiya katika mtu huyu katika yale mliyomshitaki;

¹⁵ wala Herode nae; kwa maana naliwapelekeni kwake, wala hapana neno la kustahili kufa lililotendwa nae.

¹⁶ Bassi nikiisha kumrudi, nitamfungua.

¹⁷ Maana ilimlazimu kuwafungulia mmoja wakati wa siku kuu.

¹⁸ Wakapiga kelele wote pamoja, wakisema, Mchukue huyu, tufungulie Barabba.

¹⁹ Nae ni mtu aliyetiwa gerezani kwa sababu ya fitina iliyofanyika mjini, na kwa uuaji.

²⁰ Bassi marra ya pili Pilato akasema nao, akitaka kumfungua Yesu.

²¹ Nao wakalia, wakisema, Msulibishe, msulibishe.

²² Nae akawaambia marra ya tatu, Kwani? ubaya gani alioutenda huyu? sikuona hatta neno kwake la kustahili kufa; bassi nikiisha kumrudi nitamfungua.

²³ Lakini wakakaza kusema kwa santi kuu, wakitaka asulibiwe; zikashinda sauti zao na za makuhani wakuu.

²⁴ Pilato akakata maneno yafanyike waliyoyataka.

²⁵ Akamfungua yeye aliyetiwa gerezani kwa fitina na uuaji, waliyemtaka: akatoa Yesu kwa mapenzi yao.

²⁶ Walipokuwa wakimchukua, wakamshika Mkurene Simon, aliyekuwa akitoka shamba, wakamtwika yeye msalaba, auchukue nyuma yake Yesu.

²⁷ Wakamfuata makutano mengi ya watu, na ya wanawake, waliojipigapiga, wakaomboleza.

²⁸ Yesu akawageukia, akasema, Binti za Yerusalemi, msinililie mimi, bali jililieni nafsi zenu na watoto wenu.

²⁹ Kwa maana siku zinakuja watakaposema, Wa kheri walio tassa, na matumbo yasiyozaa, na maziwa yasiyonyonyesha.

³⁰ Ndipo watakapoanza kuiambia milima, Tuangukieni, na vilima, Tusetirini.

³¹ Kwa kuwa wakifanya haya wakati wa mti ulio mbichi, wakati wa ule ulio mkavu yatakuwaje?

³² Wakachukuliwa wawili tena, wakhalifu, wauawe pamoja nae.

³³ Hatta walipofika pahali paitwapo Kichwa, ndiko walikomsulibisha, na wale wakhalifu, mmoja mkono wa kuume, na mmoja mkono wa kushoto.

³⁴ Yesu akasema, Baba, uwasamehe, kwa maana hawajui watendalo. Wakagawanya nguo zake, wakipiga kura.

³⁵ Watu wakasimama, wakitazama. Nao wakuu wakamfanyizia mzaha, wakisema, Aliokoa wengine; na ajiokoe nafsi yake, kama huyu ndiye Kristo wa Mungu, mtenle wake.

³⁶ Askari wakamdhihaki, wakimjia, wakimpa siki, na kusema,

³⁷ Kama wewe ndiwe mfalme wa Wayahudi, njiokoe nafsi yako.

³⁸ Palikuwa na anwani juu yake kwa harufi za kiyunani na kirumi na kiebrania, HUYU NDIYE MFALME WA WAYAHUDI.

³⁹ Mmoja wa wale wakhalifu waliotundikwa akamtukana, akisema, Si wewe uliye Kristo? Jiokoe nafsi yako na sisi.

⁴⁰ Wa pili akajibu, akamkemea akasema, Humwogopi wewe hatta Mungu, ukiwa katika hukumu ile ile?

⁴¹ Na sisi kweli ina haki; kwa maana sisi tunalipwa ijara ya haki ya matendo yetu: bali huyu hakutenda neno lisilofaa.

⁴² Akamwambia Yesu, Bwana, unikumbuke ujapo katika ufalme wako.

⁴³ Yesu akamwambia, Amin, nakuambia, leo utakuwa pamoja nami Peponi.

⁴⁴ Ikapata kama saa a sita, pakawa giza juu ya inchi yote hatta saa a tissa,

⁴⁵ jua likipunguka: pazia ya hekalu ikapasuka katikati.

⁴⁶ Yesu akalia kwa sauti kuu, akasema, Baba, mikononi mwako naiweka roho yangu: na alipokwisha kusema haya akatoa roho.

⁴⁷ Akida alipoona lililokuwa, akamtukuza Mungu, akisema, Kwa kweli mtu huyu alikuwa mwenye haki.

⁴⁸ Na makutano wote waliokusanyika kutazama haya, walipotazama yaliyofanyika, wakarudi, wakijipiga vifua.

⁴⁹ Marafiki zake wote wakasimama kwa mbali, nao wanawake waliofuatana nae toka Galilaya, wakiangalia haya,

⁵⁰ Akatoka mtu, jina lake Yusuf, nae ni mtu wa baraza yao, mtu mwema, mwenye haki

⁵¹ (mtu huyu hakuwa akikubali shauri lao wala tendo lao), mwenyeji wa Arimathaya, mji wa Wayahudi, nae mwenyewe akiutazamia ufalme wa Mungu.

⁵² Bassi mtu huyu akamwendea Pilato akaomba apewe mwili wa Yesu.

⁵³ Akaushusha, akauzinga nguo za katani, akauweka katika kaburi lililochongwa mwambani; hajawekwa mtu aliye yote ndani yake kamwe.

⁵⁴ Ilikuwa siku ya Maandalio, sabato ikawadia.

⁵⁵ Wanawake wakafuatana nao, wale waliokuja pamoja nae kutoka Galilaya, wakalitazama kaburi na jinsi ulivyowekwa mwili wake. Wakarudi wakafanya tayari manukato na marhamu.

⁵⁶ Na siku ya sabato wakastarehe kama ilivyoamriwa.