Luka 22 - New Testament in Swahili (Zanzibar) Revised Edition 1921

¹ IKAKARIBIA siku kuu ya mikate isiyochachwa, iitwayo Pasaka.

² Makuhani wakuu na waandishi wakatafuta njia ya kumwua, kwa maana walikuwa wakiwaogopa watu.

³ Shetani akamwingia Yuda, aitwae Iskariote, nae alikuwa katika hesabu ya wale thenashara.

⁴ Akaenda zake akasema na makuhani wakuu na majemadari jinsi ya kumtia katika mikono yao.

⁵ Wakafurahi, wakapatana kumpa fedha.

⁶ Akaahidi, akatafuta nafasi kumsaliti kwao pasipo kuwapo makutano.

⁷ Ikawadia siku ya mikate isiyochachwa, ilipopasa kuchinja pasaka.

⁸ Akapeleka Petro na Yohana, akisema, Enendeni, mkatuandikie pasaka, illi tuile.

⁹ Wakamwambia, Wapi utakapo tuiandalie?

¹⁰ Akawaambia, Tazama, mtakapoingia mjini, atakutana nanyi mtu mume achukuae mtungi wa maji: mfuateni mpaka nyumba atakayoingia.

¹¹ Na mtamwambia mwenye nyumba, Mwalimu akuambia, Ki wapi chumba cha wageni, nipate kula Pasaka humo pamoja na wanafunzi wangu?

¹² Na mtu yule atawaonyesha orofa kubwa iliyopambwa; huko andalieni.

¹³ Wakaenda wakaona kama alivyowaambia, wakaiandalia Pasaka.

¹⁴ Bassi saa ilipowadia, akaketi, na mitume pamoja nae.

¹⁵ Akawaambia, Nimetamani sana kula pasaka hii pamoja nanyi, kabla va kuteswa:

¹⁶ kwa maana nawaambieni, Sitaila kabisa hatta itakapotimizwa katika ufalme wa Mungu.

¹⁷ Akakipokea kikombe, akashukuru, akasema: Twaeni hiki mkagawanye ninyi kwa ninyi;

¹⁸ Maana nawaambieni, Sitakunywa tangu sasa mazao ya mzabibu hatta ufalme wa Mungu utakapokuja.

¹⁹ Akatwaa mkate, akashukuru, akaumega, akawapa, akisema, Huu ni mwili wangu unaotolewa kwa ajili yenu; fanyeni hivi kwa ukumbusho wangu.

²⁰ Nacho kikombe vivyo hivyo baada ya kula, akinena, Kikombe hiki ni agano jipya katika damu yangu, inayomwagika kwa ajili yenu.

²¹ Illa angalieni, mkono wake anisalitiye u pamoja nami mezani.

²² Kwa maana Mwana wa Adamu aenda zake kama ilivyoamriwa; lakini ole wake mtu yule ambae anasalitiwa nae!

²³ Nao wakaanza kuulizana wao kwa wao, ni nani katika wao atakaetenda neno hili.

²⁴ Kulikuwa na mashindano kwao, ni nani anaehesabiwa kuwa mkubwa.

²⁵ Akawaambia, Wafalme wa Mataifa huwatawala, na wenye mamlaka juu yao huitwa wafadhili.

²⁶ Lakini kwenu ninyi sivyo; bali aliye mkubwa wenu awe kama aliye mdogo; nafe atanguliae kama akhudumuye.

²⁷ Maana nani mkubwa, aketiye chakulani, ama akhudumuye?

²⁸ Siye aketiye chakulani? Lakini mimi kati mwenu kama akhudumuye.

²⁹ Nanyi ndinyi mliodumu pamoja nami katika majaribu yangu. Nami nawawekea ninyi ufalme, kama alivyoniwekea Baba yangu;

³⁰ mpate kula na kunywa mezani pangu katika ufalme wangu, na kuketi katika viti vya enzi, mkiwahukumu kabila thenashara za Israeli.

³¹ Bwana akasema, Simon, Simon, tazama, Shetani amewataka ninyi awapepete kama nganu:

³² lakini nimekuombea, illi imani yako isipunguke; nawe uongokapo, wathubutishe ndugu zako.

³³ Akamwambia, Bwana, pamoja nawe mimi ni tayari kwenda gerezani na kufa.

³⁴ Akasema, Nakuambia, Petro, jogoo hatawika leo, kabla hujanikana marra tatu kwamba hunijui.

³⁵ Akawaambia, Nilipowatuma bila mifuko na mkoba na viatu, mlipunguka kitu? Wakasema, Hapana.

³⁶ Akawaambia, Bali sasa mwenye kifuko akitwae, na mkoba vivyo hivyo; nae asiye na upanga, auze joho yake, akanunue mmoja.

³⁷ Kwa maana nawaambieni, Hili lililoandikwa halina buddi kutimizwa kwangu, Alihesabiwa pamoja na maasi; kwa maana linipasalo lina mwisho.

³⁸ Wakasema, Bwana, tazama, panga mbili hizi. Akawaambia, Zatosha.

³⁹ Akatoka, akaenda zake hatta mlima wa mizeituni, kama ilivyo kawaida yake: wanafunzi wake wakamfuata.

⁴⁰ Alipofika pahali pale, akawaambia, Ombeni, msiingie majaribuni.

⁴¹ Akiisha akajitenga nao kadiri ya mtupo wa jiwe, akapiga magoti, akaomba, akisema,

⁴² Baba, ukipenda, uniondolee kikombe hiki: lakini si kama nitakavyo mimi, illa utakavyo wewe vifanyike.

⁴³ Akamtokea malaika toka mbinguni akimtia nguvu.

⁴⁴ Nae kwa kuwa alikuwa na huzuni sana, akazidi kuomba kwa bidii. Hari yake ikawa kama matone ya damu yakidondoka hatta inchi.

⁴⁵ Alipoondoka katika kuomba, akawajia wanafunzi wake, akawakuta wamelala kwa huzuni, akawaambia,

⁴⁶ Mbona mnielala? Ondokeni, mkaombe, msipate kuingia majaribuni.

⁴⁷ Nae alipokuwa akisema, tazama, makutano, nae aitwae Yuda, mmoja wa wathenashara, akitangulia mbele yao, akamkaribia Yesu kumbusu.

⁴⁸ Yesu akamwambia, Yuda, wamsaliti Mwana wa Adamu kwa kumbusu?

⁴⁹ Nao waliokuwa pamoja nae walipoona yatakayokuwa, wakasema, Bwana, na tupige kwa upanga?

⁵⁰ Mmoja wao akampiga mtumishi wa kuhani mkuu, akamkata sikio la kuume.

⁵¹ Yesu akajibu, akasema, Acheni kadiri hii. Akamgusa sikio, akamponya.

⁵² Yesu akawaambia waliomjia, makuhani wakuu, na majemadari wa hekalu, na wazee, Kama juu ya mnyanyangʼanyi mmetoka kwa panga na marungu?

⁵³ Killa siku nilipokuwa pamoja nanyi hekaluni hamkuninyoshea mikono; lakini saa yenu hii, na mamlaka ya giza.

⁵⁴ Wakamkamata, wakamchukua, wakamleta nyumbani kwa kuhani mkuu; na Petro akafuata mbali.

⁵⁵ Hatta walipowasha moto kati yasebule wakaketi pamoja, akaketi Petro kati yao.

⁵⁶ Bassi, mjakazi mmoja akamwona ameketi mwangani, akamkazia macho akisema, Huyu nae alikuwa pamoja nae.

⁵⁷ Akakana, akisema, Mwanamke, simjui.

⁵⁸ Na punde baadae mwingine akamwona, akasema, Na wewe u mmoja wao. Petro akasema, Ewe mtu, sio mimi.

⁵⁹ Hatta khalafu, kaciiri ya saa moja, mtu mwingine akahakikisha, akisema, Hakika na huyu alikuwa pamoja nae: kwa maana ni Mgalilaya.

⁶⁰ Petro akasema, Ewe mtu, sijui unenalo. Papo hapo alipokuwa akisema yeye, jogoo akawika.

⁶¹ Bwana akageuka, akamtazamisha Petro: Petro akalikumbuka neno la Bwana, jinsi alivyomwambia, Kabla hajawika jogoo leo, utanikana marra tatu.

⁶² Akatoka nje, akalia kwa uchungu.

⁶³ Na wale watu waliomshika Yesu, wakamdhihaki, wakampiga.

⁶⁴ Wakamfunika macho, wakamwuliza, wakisema, Fanya unabii, ni nani aliyekupiga?

⁶⁵ Wakamnena na mengine mengi kwa kufuru.

⁶⁶ Hatta ulipokuwa mchana wakakusanyika jamii ya wazee wa watu, na makuhani wakuu, na waandishi, wakamleta kwa haraza yao, wakisema,

⁶⁷ Kama wewe u Kristo, tuambie. Akawaambia, Nijapowaambieni, hamtaamini kabisa:

⁶⁸ nami nikiwaulizeni, hamtanijibu wala kuniachilia.

⁶⁹ Lakini tangu sasa Mwana wa Adamu atakuwa ameketi mkono wa kuume wa ukuu wa Mungu.

⁷⁰ Wakasema wote, Bassi, wewe ndiwe Mwana wa Mungu? Akawaambia, Ninyi mnasema kama mimi ndiye.

⁷¹ Wakasema, Bassi, mbona tunahitaji ushuhuda? Kwa maana sisi wenyewe tumesikia kwa kinywa chake.