Luka 21 - New Testament in Swahili (Zanzibar) Revised Edition 1921

¹ AKAINUA macho yake akawaona watu wakitia sadaka zao katika sanduku ya hazina, watu matajiri.

² Akamwona na mjane mmoja maskini, akitia robo pesa mbili.

³ Akasema, Amin, nawaambieni, Huyu mjane maskini ametia vingi kuliko wote:

⁴ kwa maana hawa wote wametia katika sadaka za Mungu baadhi ya mali iliyowazidi, bali huyu katika mahitaji yake ametia vitu vyote alivyokuwa navyo.

⁵ Hatta watu kadha wa kadha walipokuwa wakinena khabari za hekalu, ya kama lilipambwa kwa mawe mazuri, na sadaka za watu, akasema,

⁶ Haya mnayoyatazama, siku zitakuja, halitasalia jiwe juu ya jiwe ambalo halitabomolewa.

⁷ Wakuimwuliza, wakisema, Mwalimu, haya yatakuwa lini, bassi? Na nini dalili ya kuwa haya yote ni karibu ya kutimia?

⁸ Akasema, Jibadharini, msidanganyike; kwa sababu wengi watakuja kwa jina langu, wakinena, Mimi ndiye, na, Majira yamekaribia. Bassi, msiwafuate hawo.

⁹ Nanyi mtakaposikia khabari za vita na fitina msitishwe: maana haya hayana buddi kutukia kwanza, lakini mwisho wenyewe hauji marra moja.

¹⁰ Kiisha akawaambia, Taifa litaondoka kupigana na taifa, na ufalme kupigana na ufalme:

¹¹ kutakuwa na matetemeko makubwa ya inchi mahali mahali, na njaa, na tauni. Kutakuwa na mambo ya kutisha, na ishara kuu kutoka mbinguni.

¹² Lakini kabla ya haya yote watawakamateni na kuwaudhini, watawapelekeni mbele ya sunagogi na gerezani, mkichukuliwa mbele ya wafalme na maliwali kwa ajili ya jina langu.

¹³ Lakini haya yatapata kuwa ushuhuda wenu.

¹⁴ Azimuni bassi mioyoni mwenu, msitafakari mbele mtakavyojibu.

¹⁵ Kwa maana mimi nitawapeni kinywa na hekima, ambayo watesi wenu hawataweza kuikana wala kushindana nayo.

¹⁶ Nanyi mtasalitiwa na wazazi wenu, na ndugu zenu, na jamaa zenu, na rafiki zenu, nao watawafisha wengine wenu.

¹⁷ Mtachukizwa na watu wote kwa ajili ya jina langu.

¹⁸ Na unywele wa vichwa vyenu hautapotea kamwe.

¹⁹ Kwa subira yenu mtazipata robo zenu.

²⁰ Lakini, mtakapoona Yerusalemi unazungukwa na majeshi, ndipo jueni ya kuwa uharibifu wake umekaribia.

²¹ Ndipo walio katika Yahudi wakimbilie milimani, na walio katikati yake watoke waende zao, na walio shambani wasiuingie.

²² Kwa sababu hizi ni siku ya mapatilizo, yote yaliyoandikwa yapate kutimizwa.

²³ Ole wao wenye mimba na wanyonyeshao siku zile! kwa maana itakuwa shidda kuu juu ya inchi, na ghadhabu juu ya watu hawa.

²⁴ Nao wataanguka kwa ukali wa upanga, watachukuliwa mateka mpaka mataifa yote: nao Yerusalemi utakanyagwa na mataifa, hatta majira ya mataifa yatakapotimia.

²⁵ Na kutakuwa ishara katika jua na mwezi na nyota: na katika inchi dhiiki ya mataifa, wakishangaa kwa uvumi wa bahari na msukosuko wake;

²⁶ watu wakizimia kwa khofu, na kwa kutazamia yanayoujia ulimwengu; kwa maana nguvu za mbingu zitatikisika.

²⁷ Ndipo watakapomwona Mwana wa Adamu akija katika wingu kwa nguvu na utukufu mwingi.

²⁸ Bassi hayo yaanzapo kuwa, tazameni juu, mkainue vichwa vyenu kwa kuwa ukombozi wenu unakaribia.

²⁹ Akawaambia mfano; Utazameni mtini na miti yote;

³⁰ iishapo kuchupua, mwaona na kutambua nafsini mwenu ya kwamba mavuno yameisha kuwa karibu.

³¹ Nanyi vivyo hivyo mwonapo hayo yanakuwa, tambueni ya kuwa ufalme wa Mungu u karibu.

³² Amin, nawaanibieni, Kizazi hiki hakitapita kamwe hatta haya yote yatimizwe.

³³ Mbingu na inchi zitapita; bali maneno yangu hayatapita kamwe.

³⁴ Bassi, jiangalieni, mioyo yenu isije ikalemewa na ulafi na ulevi, na masumbufu ya maisha haya,

³⁵ siku ile ikawajieni kwa ghafula, kama mtego, maana hivyo ndivyo itakavyowajia watu wote wakaao juu ya uso wa dunia yote.

³⁶ Kwa hiyo kesheni killa wakati, mkiomba mpate kuhesabiwa kuwa mmestahili kuponea haya yote yatakayokuwa, na kusimama mahali penu mbele ya Mwana wa Adamu.

³⁷ Bassi killa siku alikuwa akifundisha hekaluni wakati wa mchana; na wakati wa usiku akitoka, na kulala katika mlima uitwao mlima wa mizeituni.

³⁸ Watu wote wakaamka mapema wakamwendea alfajiri mle hekaluni illi kumsikiliza.