Luka 20 - New Testament in Swahili (Zanzibar) Revised Edition 1921

¹ IKAWA siku moja, alipokuwa akiwafundisha watu hekaluni na kuikhubiri Injili, makuhani wakuu na waandishi, na pamoja nao wazee, wakamtokea ghafula,

² wakasema nae, wakinena, Kwa mamlaka gani unatenda haya? Na ni nani aliyekupa mamlaka hii?

³ Akajibu, akawaambia, Nami nitawauliza ninyi neno moja, kaniambieni.

⁴ Ubatizo wa Yohana, ulitoka mbinguni au kwa wana Adamu?

⁵ Wakasemezana wao kwa wao, wakinena, Kama tukisema, Toka mbinguni, atasema, Mbona hamkumwamini bassi?

⁶ Bali tukisema, Kwa wana Adamu, watu wote watatupiga mawe: kwa sababu wamesadiki ya kuwa Yohana ni nabii.

⁷ Wakajibu kwamba, Hatujui atokako.

⁸ Yesu akawaambia, Wala mimi siwaambii ninyi ni kwa mamlaka gani ninatenda haya.

⁹ Akaanza kuwaambia watu mfano huu: Mtu alipanda mizabibu, akapangisha wakulima, akaenda inchi nyingine kwa muda wa siku nyingi.

¹⁰ Na wakati wa mavuno akatuma mtumishi kwa wale wakulima illi wampe baadhi ya matunda ya mizabibu, wakulima wakampiga, wakamtoa hana kitu.

¹¹ Akaongeza akampeleka mtumishi mwingine, wakampiga huyu wakamfedhehesha, wakamtoa hana kitu.

¹² Akaongeza akampeleka wa tatu, wakamtia jeraha, wakamfukuza.

¹³ Yule Bwana wa mizabibu akasema, Nifanyeje? Nitampeleka mwana wangu, mpendwa wangu, labuda wakimwona yeye watamheshimu.

¹⁴ Lakini wale wakulima, walipomwona, wakafanya shauri wao kwa wao, wakinena, Huyu ndiye mrithi; na tumwue bassi, urithi upate kuwa wetu.

¹⁵ Wakamtupa nje ya shamba la mizabibu wakamwua. Bassi yule bwana wa shamba la mizabibu atawatendani?

¹⁶ Atakuja na kuwaangamiza wale wakulima, na lile shamba la mizabibu atawapa wengine.

¹⁷ Waliposikia wakasema, Mungu na apishe mbali. Akawakazia macho, akasema, Maana yake nini, bassi, neno hili lililoandikwa, Jiwe walilolikataa waashi Hili limekuwa jiwe kuu la pembeni?

¹⁸ Killa mtu aangukae juu ya jiwe hilo atavunjikavunjika, nae ambae litamwangukia litamsagasaga.

¹⁹ Makuhani wakuu na waandishi wakatafuta kumkamata saa hiyo hiyo, wakawaogopa watu: maana walitambua ya kuwa ule mfano amewanena wao.

²⁰ Wakamvizia wakatuma wapelelezi, nao wakajifanya kuwa wenye haki, illi wamnase kwa neno lake, kusudi wamtie katika enzi na mamlaka ya liwali.

²¹ Wakamwuliza, wakinena, Mwalimu, twajua ya kuwa wanena yaliyo kweli na kuyafundisha, wala hujali cheo cha mtu, bali katika kweli waifundisha njia ya Mungu:

²² Je! ni halali kumpa Kaisari kodi au sivyo?

²³ Lakini akatambua ujanja wao, akawaambia,

²⁴ Nionyesheni dinari: ina sura ya nani? ina anwaui ya nani? Wakasema, ya Kaisari.

²⁵ Akawaambia, Bassi, mpeni Kaisari yaliyo ya Kaisari, na Mungu yaliyo ya Mungu.

²⁶ Wala hawakuweza kumshika kwa neno lake mbele ya watu: wakastaajabia jawabu lake, wakanyamaza.

²⁷ Kiisha baadhi ya Masadukayo wakamwendea, watu wanenao ya kwamba hakuna kiyama: wakamwuliza, wakinena,

²⁸ Mwalimu, Musa alituandikia ya kama ndugu ya mtu akifa, nae ana mke, na mtu huyo akifa hana mtoto, ni lazima ndugu yake amtwae yule mke, akampatie ndugu yake mzao.

²⁹ Bassi, palikuwa na ndugu saba: wa kwanza akatwaa mke akafa, hana mtoto,

³⁰ wa pili akamtwaa yule mke, akafa nae, hana mtoto.

³¹ Hatta wa tatu akamtwaa, na kadhalika hawa saba hawakuacha watoto, wakafa.

³² Mwisho wa hawo wote yule mwanamke akafa nae.

³³ Bassi katika kiyama, atakuwa mke wa nani katika hawo? maana wale saba walikuwa nae.

³⁴ Yesu akajibu akawaambia, Wana wa ulimwengu huu huoa, na kuozwa,

³⁵ bali wao watakaohesabiwa wamestahili kuupata ulimwengu ule, na ufufuo wa wafu, hawaoi wala hawaozwi,

³⁶ kwa kuwa hawawezi kufa tena, maana huwa sawasawa na malaika; tena ni wana wa Mungu kwa kuwa wana wa ule ufufuo.

³⁷ Walakini ya kuwa wafu wafufuka, Musa nae alionyesha katika sura ya Kijiti, hapo amtajapo Bwana kuwa ni Mungu wa Ibrahimu, na Mungu wa Isaak, na Mungu wa Yakobo.

³⁸ Bassi, yeye siye Muugu wa wafu, bali Mungu wa wahayi, maana wote ni wahayi kwake.

³⁹ Baadhi ya waandishi wakajibu wakasema, Mwalimu, umesema vema.

⁴⁰ Wala hakuthubutu mtu kumwuliza neno baada ya haya.

⁴¹ Akawaambia, Kwa maana gani hunena ya kwamba Kristo yu mwana wa Daud?

⁴² Na Daud mwenyewe asema katika chuo cha Zaburi, Bwana alimwambia Bwana wangu, Keti mkono wangu wa kuume,

⁴³ Hatta niwafanyapo adui zako kuwa chini ya miguu yako.

⁴⁴ Daud, bassi, amwita Bwana, na amekuwaje Mwana wake?

⁴⁵ Hatta watu wote walipokuwa wakimsikiliza, akawaambia wanafunzi wake,

⁴⁶ Jihadharini na waandishi wapendao kutembea wamevaa mavazi marefu, na kusalimiwa masokoni, na kuketi mbele katika sunagogi, na mahali palipo mbele katika karamu.

⁴⁷ Wanakula nyumba za wajane: na kwa unafiki husali sala ndefu. Hawo watapokea hukumu iliyo kubwa zaidi.