Luka 2 - New Testament in Swahili (Zanzibar) Revised Edition 1921

¹ HATTA siku zile kulitoka amri kwa Kaisari Augusto ya kama iandikwe orodha ya majina ya walimwengu wote:

² orodha hii ndiyo ya kwanza iliyoandikwa wakati Kurenio alipotawala Sham.

³ Watu wote wakashika njia kwenda kuandikwa, killa mtu mjini kwake.

⁴ Na Yusuf nae akaondoka Galilaya kutoka mji wa Nazareti, akapanda kwenda Yahudi hatta mji wa Daud, uitwao Bethlehemu, kwa kuwa yeye wa nyumba na jamaa ya Daud,

⁵ illi aandikwe pamoja na Mariamu mkewe ambae ameposwa nae; nae ana mimba.

⁶ Ikawa katika kukaa kwao huko, siku zake za kuzaa zikatimia.

⁷ Akamzaa mtoto wake wa kifungua mimba, akamfunga nguo za kitoto, akamlaza horini kwa sababu hawakuona nafasi katika nyumba ya wageni.

⁸ Katika inchi ile ile walikuwako wachungaji wakikaa makondeni usiku na kulinda kundi lao kwa zamu.

⁹ Malaika wa Bwana akawatokea, utukufu wa Bwana ukawangʼaria: wakaingiwa na khohi nyingi.

¹⁰ Malaika akawaambia, Msifanye khofu; kwa maana nawaletea ninyi khabari njema za furaha kuu, itakayokuwa kwa watu wote:

¹¹ maana leo katika mji wa Daud amezaiiwa Mwokozi kwa ajili yenu, ndiye Kristo Bwana.

¹² Na hii ni ishara kwenu: Mtamkuta mtoto amefungwa nguo za kitoto; amelazwa horini.

¹³ Ghafula hiyo walikuwapo pamoja na yule malaika wengi wa jeshi la mbinguni, wakimsifu Mungu, wakisema,

¹⁴ Utukufu una Mungu palipo juu, Na katika inchi amani, kwa watu aliowaridhia.

¹⁵ Ikawa malaika walipoondoka kwenda zao mbinguni, wale wachungaji wakaambiana, Haya na twende zetu mpaka Bethlehemu, tukaone neno hili lililofanyika, Bwana alilotujulisha.

¹⁶ Wakaenda kwa haraka, wakamkuta Mariamu na Yusuf, na mtoto amelazwa horini.

¹⁷ Walipoona wakaeneza khabari za neno waliloambiwa, la huyu mtoto.

¹⁸ Wote waliosikia wakataajabu kwa yale waliyoambiwa na wachungaji.

¹⁹ Bali Mariamu aliyahifadhi maneno haya yote akiyatafakari moyoni.

²⁰ Wachungaji wakarudi, wakimtukuza Mungu na kumhimidi kwa mambo yote waliyosikia, na waliyoona, kwa namna waliyoambiwa.

²¹ Na zilipotimia siku nane za kumtahiri, alikwitwa jina lake Yesu, lile lililotajwa na malaika kabla hajachukuliwa mimba.

²² Nazo siku za kutakasika kwao zilipotimia, kwa sharia ya Musa, wakamleta Yerusalemi, wampe Bwana;

²³ (kama ilivyoandikwa katika sharia ya Bwana, Killa mume afunguae tumbo la mama yake aitwe mtakatifu kwa Bwana;)

²⁴ wakatoe sadaka kama ilivyonenwa katika sharia ya Bwana, Hua wawili, au makinda ya njiwa mawili.

²⁵ Bassi kulikuwako mtu katika Yerusalemi, jina lake Sumeon; na yule mtu mwenye haki, mtawa, akitazamia faraja ya Israeli: na Roho Mtakatifu alikuwa pamoja nae.

²⁶ Nae alikuwa amebashiriwa na Roho Mtakatifu ya kwamba haoni mauti kabla ya kumwona Kristo wa Bwana.

²⁷ Bassi akaja hekaluni kwa roho: na wazee wake walipomleta mtoto Yesu, wamfanyie kwa desturi ya sharia,

²⁸ mwenyewe akampokea mikononi mwake, akimhimidi Mungu, akasema,

²⁹ Sasa wamrukhusu, Bwana, mtumishi wako kwa amani, Kama ulivyosema:

³⁰ Kwa kuwa macho yangu yamenona wokofu wako,

³¹ Uuliouweka tayari machoni pa watu wote;

³² Nuru ya kuwaangaza mataifa, Na kuwa utukufu wa watu wako Israeli.

³³ Yusuf na mama yake wakawa wakistaajahu kwa yale yaliyonenwa juu yake;

³⁴ Sumeon akawabariki, akamwambia Mariamu, mama yake, Hakika huyu amewekwa, waanguke, wasimame wengi katika Israeli; awe ishara inenwayo;

³⁵ hatta na wewe upanga utakupenya roho yako; illi yafumike mawazo ya mioyo mingi.

³⁶ Kulikuwa na Auna, nabii mke, binti Fanueli, wa kabila ya Asher; nae kongwe wa siku nyingi, amekuwa na mume miaka saba baada ya ujana wake;

³⁷ nae mjane wa miaka themanini na mine; asiyeondoka hekaluni, kwa kufunga na kusali akiabudu usiku na mchana.

³⁸ Akitokea yeye nae saa ileile, alimshukuru Mungu, akawapasha khabari zake watu wote waliokuwa wakitazamia ukombozi katika Yerusalemi.

³⁹ Nao walipokwisha kuyatimiza yote yaliyomo katika sharia ya Bwana, wakarudi Galilaya hatta mji wao Nazareti,

⁴⁰ Mtoto yule akakua, akaongezeka nguvu, akajazwa hekima; neema ya Mungu ikawa pamoja nae.

⁴¹ Bassi wazee wake, killa mwaka walikuwa wakienda Yerusalemi siku kuu ya Pasaka.

⁴² Hatta alipopata miaka kumi na miwili, wakapanda kwenda Yerusalemi, kama ilivyokuwa desturi ya siku kuu:

⁴³ na wakiisha kuzitimiza siku, walipokuwa wanarudi kwao, yule mtoto Yesu akabaki nyuma Yerusalemi, wala mama yake na Yusuf hawakujua;

⁴⁴ wakadhani yumo katika msafara yao, wakaenenda mwendo wa kutwa, wakawa wakimtafuta katika jamaa zao na wenzao,

⁴⁵ wasimwone, wakarejea Yerusalemi, wakimtafuta.

⁴⁶ Ikawa baada ya siku tatu, wakamwona hekaluni, ameketi kati ya waalimu, akiwasikiliza, na kuwauliza.

⁴⁷ Wote waliomsikia wakataajahu kwa akili zake na majibu yake.

⁴⁸ Nao walipomwona wakashangaa sana; mama yake akamwambia, Mwanangu, kwani ukatutenda hivi? Tazama, baba yako na mimi tulikuwa tukikutafuta kwa huzuni.

⁴⁹ Akawaambia, Kwani kunitafuta? Hamkujua ya kuwa imenipasa kuwa katika nyumba ya baba yangu?

⁵⁰ Wala hawakuelewa na neno lile alilowaanibia.

⁵¹ Akashuka pamoja nao, akafika Nazareti, akawa anawatii: mama yake akayahifadhi maneno haya yote moyoni mwake.

⁵² Yesu akazidi kuendelea katika hekima, na kimo, na neema kwa Mungu na kwa watu.