Luka 19 - New Testament in Swahili (Zanzibar) Revised Edition 1921

¹ AKAINGIA Yeriko akawa akipita katikati yake.

² Na tazama, mtu mmoja, jina lake alikwitwa Zakkayo, mkubwa wa watoza ushuru, nae tajiri:

³ akatafuta kumwona Yesu, ni mtu gani, asiweze lakini kwa sababu ya makutano, maana kimo chake alikuwa mfupi.

⁴ Akatangulia mbio, akapanda juu ya mkuyu apate kumwona, kwa sababu alitaka kupita njia ile.

⁵ Na Yesu, alipofika mahali pale, akatazama juu, akamwona, akamwambia, Zakkayo, shuka upesi; maana leo imenipasa kushinda nyumbani mwako.

⁶ Akashuka upesi, akamkaribisha kwa furaha.

⁷ Hatta watu walipoona wakanungʼunika wote, wakisema, ya kama, Ameingia akae kwa mtu mwenye dhambi.

⁸ Zakkayo akasimama, akamwambia Bwana, Bwana, nussu ya mali zangu ninawapa maskini; na kama nimetoza mtu kitu kwa kumsingizia uwongo ninamrudishia marra nne.

⁹ Yesu akamwambia, Leo wokofu umefika nyumbani humu, kwa kuwa huyu nae ni mwana wa Ibrahimu.

¹⁰ Kwa maana Mwana wa Adamu alikuja illi kutafuta kilichopotea na kukiokoa.

¹¹ Nao wakisikia haya akaongeza akawaambia mfano, kwa sababu alikuwa akikaribia Yerusalemi, nao walidhani ya kuwa ufalme wa Mungu utaonekana marra moja.

¹² Bassi akasema, Mtu mmoja, mungwana, alisafiri kwenda inchi ya mbali illi kujipatia ufalme na kurejea.

¹³ Akawaita watu kumi katika watumishi wake, akawapa mane za fedha kumi, akawaambia, Fanyeni biashara hatta nitakaporudi.

¹⁴ Wenyeji wake wakanichukia, wakatuma wajumbe kumfuata na kusema, Hatutaki mtu huyu atutawale.

¹⁵ Ikawa aliporejea, baada ya kuupokea ufalme, akatoa amri waitwe wale watumishi aliowapa ile fedha, apate kujua jinsi walivyofanya biashara.

¹⁶ Wa kwanza akaja akasema, Bwana, mane yako imepata mane kumi.

¹⁷ Akasema, Vema, mtumishi mwema, kwa sababu umekuwa mwaminifu kwa kitu kilicho kidogo, bassi, uwe na mamlaka juu ya miji kumi.

¹⁸ Akaja wa pili, akisema, Mane yako, Bwana, imepata mane tano.

¹⁹ Akamwambia yule nae, Na wewe uwe juu ya miji mitano.

²⁰ Akaja mwingine akasema, Bwana, tazama, mane yako hii niliyokuwa nayo, imewekwa akiba katika leso:

²¹ maana nalikuogopa, kwa sababu wewe mtu mgumu; waondoa usichoweka, wavuna usichopanda.

²² Akamwambia, Kwa kinywa chako nitakuhukumu, ee mtumishi mwovu wewe. Ulijua ya kuwa mimi mtu mgumu, naondoa nisichoweka, navuna nisichopanda;

²³ mbona, bassi, hukuweka fedha yangu kwao watoao riba, nami nikija ningaliipata pamoja na faida?

²⁴ Akawaambia waliohudhuria, Mnyangʼanyeni mane yake moja mkampe yule mwenye mane kumi.

²⁵ (Wakamwambia, Bwana, ana mane kumi).

²⁶ Maana nawaambieni, Killa aliye na kitu, atapewa, bali yeye asiye na kitu hatta kile alicho nacho atanyangʼanywa.

²⁷ Walakini wale adui zangu wasiotaka niwatawale, waleteni huku mkawachinje mhele zangu.

²⁸ Alipokwisha kusema haya, akaendelea mbele, akipanda kwenda Yerusalemi.

²⁹ Hatta alipokaribia Bethfage na Bethania karibu ya mlima wa mizeituni, akatuma wawili katika wanafunzi wake, akisema,

³⁰ Enendeni zenu hatta kile kijiji kinachowakabili ninyi, na mkiingia ndani, mtaona mwana punda amefungwa, asiyepandwa na mtu bado; mfungueni, kamleteni.

³¹ Na mtu akiwaambieni, Mbona mnamfungua? semeni hivi, Bwana ana haja nae.

³² Bassi, wale waliotumwa wakaenda, wakaona vile vile kama alivyowaambia.

³³ Na walipokuwa wakimfungua mwana punda, wenyewe wakawauliza, Mnamfunguliani huyu mwana punda?

³⁴ Wakasema, Bwana ana haja nae.

³⁵ Wakampeleka kwa Yesu, wakatandika nguo zao juu ya yule mwana punda wakampandisha Yesu.

³⁶ Nae alipokuwa akienda, wakatandaza nguo zao njiani.

³⁷ Hatta alipokuwa amekwisha kukaribia matelemko va mlima wa mizeituni, kundi lote la wanafunzi wake wakaanza kufurahi na kumhimidi Mungu kwa sauti kuu, kwa ajili ya miujiza yote waliyoiona,

³⁸ wakinena Amebarikiwa mfalme ajae kwa jina la Bwana, amani mbinguni, na utukufu palipo juu.

³⁹ Baadhi ya Mafarisayo waliokuwa katika mkutano wakamwambia, Mwalimu, wakemee wanafunzi wako.

⁴⁰ Akajibu, akasema, Nawaambieni kwamba, wakinyamaza hawa, mawe yatapiga kelele.

⁴¹ Nae alipokaribia akauona mji, akaulilia,

⁴² akasema, Laiti ungalijua siku hii yaliyo ya amani! lakini sasa yamefichwa machoni mwenu;

⁴³ Kwa maana siku zitakujilia, adui zako watakapokujengea boma; watakuzunguka, watakudhiikisha pande zote;

⁴⁴ watakuangusha chini, na watoto wako ndani yako; wasikuachie jiwe juu ya jiwe; kwa kuwa hukujua majira ya kujiliwa kwako.

⁴⁵ Akaingia hekaluni, akaanza kuwatoa wakuzao na wanunuao ndani yake; akiwaambia,

⁴⁶ Imeandikwa, Nyumba yangu itakuwa nyumba ya sala; bali ninyi mmeifanya kuwa pango la wanyangʼanyi.

⁴⁷ Akawa akifundisha killa siku hekaluni, makuhani wakuu na waandishi na wakubwa wa watu wakatafuta kumwangamiza,

⁴⁸ nao bawakuona la kutenda; maana watu wote waliambatana nae, wakimsikiliza.