Luka 18 - New Testament in Swahili (Zanzibar) Revised Edition 1921

¹ AKAWAAMBIA na mfano ya kama imewapasa kumwomba Mungu siku zote wala wasikate tamaa,

² akasema, Palikuwa na kadhi katika mji fulani; hamchi Mungu wala hajali mtu.

³ Na katika mji huo palikuwa na mjane aiiyemwendeaendea, akisema, Nipatie haki yangu, ukaniokoe na adui yangu.

⁴ Nae hakukubali muda wa siku kadha wa kadha; khalafu akasema moyoni mwake, Ijapokuwa mimi simchi Mungu wala sijali mtu;

⁵ illakini kwa kuwa mjane huyu ameniudhi, nitampatia haki yake, asije akanidhoofisha kwa kunijia daima.

⁶ Bwana akasema, Sikieni asemavyo yule kadhi asiye haki.

⁷ Bassi Mungu je! hatawapatia haki wateule wake wanaomlilia mchana na usiku, nae ni mvumilivu kwao? Nawaambieni atawapatia haki upesi.

⁸ Walakini Mwana wa Adamu atakapokuja, je! ataiona imani duniani?

⁹ Yesu akawaambia mfano huu watu waliojidhani nafsi zao kuwa wenye haki, wakiwadharau wengine wote.

¹⁰ Watu wawili walipanda hekaluni kusali; mmoja Farisayo, wa pili mtoza ushuru.

¹¹ Yule Farisayo akasimama, akasali hivi kwa nafsi yake, Mungu, nakushukuru kwa sababu mimi si kama watu wengine, wanyangʼanyi, wazinzi, waia kama na huyu mtoza ushuru.

¹² Nafunga marra mbili kwa juma; nalipa zaka za mapato yangu yote.

¹³ Na yule mtoza ushuru akasimama mbali, asitake hatta kuinua macho yake mbinguni; hali akajipigapiga kifua, akisema, Mungu, uniwie radhi mimi mwenye dhambi.

¹⁴ Nawaambia ninyi, huyu alishuka nyumbani kwake amepata kibali kuliko yule: kwa maana killa ajikwezae atadhilika; nae ajidhiliye atakwezwa.

¹⁵ Bassi wakamletea hatta watoto wachanga illi awaguse; lakini wanafunzi wake walipoona wakawakaripia.

¹⁶ Bali Yesu akawaita waje kwake, akisema, Waacheni watoto waje kwangu, kwa maana watu kama hawo ufalme wa Mungu ni wao.

¹⁷ Amin, nawaambieni, Yeye yote asiyeukubali ufalme wa Mungu kama mtoto, hatauingia kamwe.

¹⁸ Na mtu mkuhwa mmoja akamwuliza, akisema, Mwalimu mwema, nifanyeni nipate kuurithi uzima wa milele?

¹⁹ Yesu akamwambia, Mbona waniita mwema? Hakuna mwema illa mmoja ndiye Mungu.

²⁰ Wazijua amri, Usizini, Usiue, Usiibe, Usishuhudu uwongo, Waheshimu baba yako na mama yako.

²¹ Akasema, Haya yote nimeyashika tangu ujana wangu.

²² Yesu aliposikia haya, akamwambia, Neno moja hujalipata bado; viuze vitu vyote ulivyo navyo, ukawagawie maskini, nawe utakuwa na hazina mbinguni. Kiisha, njoo unifuate.

²³ Lakini aliposikia maneno haya akafanya huzuni nyingi: maana alikuwa mtu tajiri sana.

²⁴ Bassi Yesu alipoona ya kuwa amefanya huzuni nyingi, akasema, Kwa shidda gani wenye mali watauingia ufalme wa Mungu.

²⁵ Kwa maana ni rakhisi ngamia kupenya katika tundu la sindano, kuliko tajiri kuingia katika ufalme wa Mungu.

²⁶ Nao waliposikia, wakasema, Nani, bassi, awezae kuokoka?

²⁷ Akasema, Yasiyowezekana kwa wana Adamu, yawezekana kwa Mungu.

²⁸ Petro akasema, Tazama, sisi tumeacha vyote tukakufuata wewe.

²⁹ Akawaambia, Hakuna mtu aliyeacha nyumba, au wazazi, au ndugu, au mke, au watoto kwa ajili ya ufalme wa Mungu,

³⁰ illa atapokea zaidi marra nyingi sasa wakati huu, na katika ulimwengu ujao uzima wa milele.

³¹ Bassi, Yesu akawachukua wale thenashara akawaambia, Tazameni, tunapanda kwenda Yerusalemi, na yatatimizwa mambo yote aliyoandikiwa Mwana wa Adamu na manabii.

³² Kwa maana atatiwa katika mikono ya Mataifa, atafanyiwa dhihaka na kutendwa jeuri, na kutemewa mate;

³³ na wakiisha kumpiga mijeledi, watamwua; na siku ya tatu atafufuka.

³⁴ Nao hawakufahamu haya hatta kidogo, neno hili likawa limefichwa kwao, wala hawakuyajua yaliyonenwa.

³⁵ Ikawa alipokaribia Yeriko, pafikuwa na kipofu, amekaa kando ya njia akiomba.

³⁶ Aliposikia makutano yanapita, akauliza khabari, Kuna nini?

³⁷ Wakamweleza, Yesu wa Nazareti anapita.

³⁸ Akapiga kelele, akisema, Yesu, Mwana wa Daud, unirehemu.

³⁹ Bassi, waliotangulia wakamkemea, anyamaze; lakini yeye akazidi sana kupiga makelele, Mwana wa Daud, unirehemu.

⁴⁰ Yesu akasimama, akaamuru aletwe kwake;

⁴¹ na alipomkaribia akamwuliza, Wataka nikufanyie nini? Akasema, Bwami, nipate kuona.

⁴² Yesu akamwambia, Upewe kuona imani yako imekuponya.

⁴³ Marra akapata kuona, akamfuata, akimtukuza Mungu; na watu wote walipoona wakampa Mungu sifa.