Luka 17 - New Testament in Swahili (Zanzibar) Revised Edition 1921

¹ AKAWAAMBIA wanafunzi wake, Mambo ya kukosesha hayana buddi kutokea, lakini ole wake mtu yule ayaletae!

² Ingemfaa huyu zaidi jiwe la kusagia litiwe shingoni pake akatupwe baharini, kuliko kumkosesha mmojawapo wa hawa wadogo.

³ Jihadharini: ndugu yako akikosa, mwonye; akitubu, msamehe,

⁴ na akikosa marra saba katika siku moja, akakurudia marra saba, akisema, Natubu, msamehe.

⁵ Mitume wakamwambia, Bwana, utuongezee imani yetu.

⁶ Bwana akasema, Mkiwa na imani kama punje ya kharadali, mngeuambia mzambarau huu, Ngʼoka ukapandwe baharini, nao ungewatiini.

⁷ Lakini nani kwenu mwenye mtumishi anaelima, an anaeehunga kondoo? je! amwambia marra atakapoingia, akitoka mashamba, Njoo upesi, keti, ule chakula?

⁸ La! kinyume cha hayo, atamwambia, Pakua chakula, nile; jifunge, unikhudumie hatta nikiisha kula na kunywa; na baada ya haya utakula na kunywa mwenyewe.

⁹ Je! amshukuru yule mtumishi kwa sahahu alifanya alivyoamriwa? Sidhani.

¹⁰ Kadhalika na ninyi, mkiisha kufanya vyote mlivyoamriwa, semeni, Sisi watumishi wasiofaa; tumetenda yaliyotupasa kutenda.

¹¹ Ikawa walipokuwa njiani kwenda Yerusalemi, alikuwa akipita kati ya Samaria na Galilaya.

¹² Alipokuwa akiingia kijiji kimoja, wakakutana nae watu kumi wenye ukoma, waliosimama mbali;

¹³ nao wakapaaza sauti zao wakisema, Yesu, Bwana, uturehemu.

¹⁴ Alipowaona, akawaambia, Enendeni, mkajionyeshe kwa makuhani. Ikawa katika kwenda kwao wakatakasika.

¹⁵ Mmoja wao akiona ya kuwa amepona, akarudi akimtukuza Mungu kwa sauti kuu;

¹⁶ akaanguka kufudifudi miguuni pake, akimshukuru; nae ni Msamaria.

¹⁷ Yesu akajiliu, akasema, Si wote kumi waliotakasika? Wale tissa wa wapi?

¹⁸ Hiawakupatikana waliorudi kumpa Mungu sifa zake, illa mgeni huyu.

¹⁹ Akamwambia, Simama; enenda zako; imani yako imekuokoa.

²⁰ Na alipoulizwa na Mafarisayo, Ufalme wa Mungu waja lini? akawajibu, akasema, Ufalme wa Mungu hauji kwa kupelelezwa.

²¹ Wala hawatasema, Tazama, huko au huko! maana fahamuni! ufalme wa Mungu umo ndani yenu.

²² Akawaambia wanafunzi wake, Siku zitakuja mtakapotamani kuona siku mojawapo ya siku za Mwana wa Adamu wala hamtaiona.

²³ Na watawaambieni, Tazama huko, au tazama huko! Msiondoke hapo mlipo wala msiwafuate.

²⁴ Kwa maana kama vile umeme umulikavyo toka upande huu chini ya mbingu hatta upande huu chini ya mbingu, ndivyo na Mwana wa Adamu atakavyokuwa katika siku yake.

²⁵ Lakini kwanza hana buddi kupata mateso mengi, na kukataliwa na kizazi biki.

²⁶ Na kama ilivyokuwa siku za Nuhu, ndivyo itakavyokuwa na katika siku za Mwana wa Adamu.

²⁷ Walikuwa wakila, wakinywa, wakioa, wakiozwa, hatta siku ile aliyoingia Nuhu katika safina, gbarika ikafika, ikawaangamiza wote.

²⁸ Vivyo hivyo kama ilivyokuwa siku za Lut: walikuwa wakila, wakinywa, wakimmua, wakiuza, wakipanda, wakijenga;

²⁹ hatta siku ile amhayo Lut alitoka Sodom, kukanya moto na kiberiti kutoka mbinguni, vikawaangamiza wote.

³⁰ Kadhalika itakuwa katika siku ile atakayofunuliwa Mwana wa Adamu.

³¹ Katika siku ile, aliye juu darini, na vyombo vyake ndani ya nyumba, asishuke illi kuvitwaa: nae aliomo shambani vivyo hivyo asirejee nyuma.

³² Mkumbukeni mkewe Lut.

³³ Mtu ye yote atakaeisalimisha roho yake ataiangamiza, na mtu ye yote atakaeitoa ataihifadhi.

³⁴ Nawaambieni, Usiku ule watu wawili watakuwa katika kitanda kimoja, mmoja atatwaliwa, na mmoja ataachwa.

³⁵ Wanawake wawili watakuwa wakisaga pamoja, mmoja atatwaliwa, na mmoja ataachwa.

³⁶ Watu wawili watakuwa mashambani; mmoja atatwaliwa, mmoja ataachwa.

³⁷ Wakajibu wakamwambia, Wapi, Bwana? Akawaambia, Mzoga uliko ndiko watakakokutana tai.