2 Timotheo 3 - New Testament in Swahili (Zanzibar) Revised Edition 1921

¹ LAKINI ujue neno hili, ya kuwa siku za mwisho zitakuwa nyakati za khatari.

² Maana watu walakuwa wenye kujipenda nafsi zao, wenye kupenda fedha, wenye kujisifu, wenye kiburi, wenye kufuru, wasiotii wazazi wao, wasio na shukrani, wasio safi, wasiowapenda wa kwao,

³ wasiotaka kufanya suluhu, wasingiziaji, wasiojizuia, wakali, wasiopenda mema,

⁴ makhaini, wakaidi, wenye kujivuna, wapendao anasa kuliko Mungu;

⁵ wenye mfano wa utawa, lakini wakikana nguvu zake; ujiepushe na hao.

⁶ Kwa maana katika hawa wamo wale wajiingizao kalika nyumba za watu, na kuchukua mateka wanawake wajinga wenye mizigo ya dhambi, waliochukuliwa na tamaa za namna nyingi,

⁷ wakijifunza siku zote, wasiweze kabisa kufikia ujuzi wa kweli.

⁸ Vile vile kama Yanne na Yambre walivyopingana na Mnsa, vivyo hivyo na hawa wapingana na kweli, ni watu walioharibika akili zao, wamekataliwa kwa mambo ya imani.

⁹ Lakini hawataendelea sana; maana upumbavu wao utakuwa dhahiri kwa watu wote kama na wa hao ulivyokuwa.

¹⁰ Bali wewe umeyafuata mafundisho yangu, na mwenendo wangu, na makusudi yangu, na imani, na upole, na upendo, na uvumilivu,

¹¹ tena adha zangu na mateso yaliyonipata katika Antiokia, katika Ikonio, na katika Lustra; killa namna ya adha niliyoistahimili: nae Bwana akaniokoa katika yote.

¹² Naam, na wote wapendao kuishi maisha ya ntawa katika Kristo Yesu wataudhiwa.

¹³ Lakini watu wabaya na wadanganyaji wataendelea na kuzidi kuwa waovu, wakidanganya na wakidanganyika.

¹⁴ Bali wewe ukae katika yale uliyofundishwa na kuhakikishwa, kwa maana unajua ni nani ambae ulijifunza kwake,

¹⁵ na ya kuwa tangu utoto umeyajua maandiko matakatifu, yawezayo kukuhekimisha hatta upate wokofu kwa imani iliyo katika Kristo Yesu.

¹⁶ Killa andiko, lenye pumzi ya Mungu, lafaa kwa mafundisho, na kwa kuwaonya watu makosa yao, na kwa kuwaongoza, na kwa kuwaadibu katika haki;

¹⁷ illi mtu wa Mungu awe kamili, amekamilishwa illi atende killa tendo jema.