1 Wakorintho 16 - New Testament in Swahili (Zanzibar) Revised Edition 1921

¹ KWA khabari ya ile changizo kwa ajili ya watakatifu, kama vile nilivyoamuru makanisaya Galatia, na ninyi fanyeni vivyo hivyo.

² Siku ya kwanza ya juma killa mtu kwenu na aweke akiba kwake, kwa kadiri ya kufanikiwa kwake; changizo zisifanyike hapo nitakapokuja:

³ nami nitakapofika nitawatuma wale mtakaowachagua kwa nyaraka, wachukue ihsani yenu hatta Yerusalemi.

⁴ Na kama ikifaa niende na mimi, watasafiri pamoja nami.

⁵ Lakini nitakuja kwenu, nikipita kati ya Makedonia; maana napita kati ya Makedonia.

⁶ Labda nitakaa kwenu; naam, labda nitashinda kwenu wakati wa baridi, mpate kunisafirisha wakati uwao wote nitakapokwenda.

⁷ Maana sitaki kuonana nanyi sasa, katika kupita tu, kwa sababu nataraja kukaa kwenu mda wa kitambo, Bwana akinijalia.

⁸ Lakini nitakaa katika Efeso mpaka Pentekote;

⁹ kwa maana nimefunguliwa mlango mkubwa wa kufaa sana, na wengi wako wanipingao.

¹⁰ Lakini, Timotheo akija, angalieni akae kwenu pasipo khofu; maana anaifanya kazi ya Bwana kama mimi nami:

¹¹ bassi mtu aliye yote asimdharau, lakini msafirisheni kwa amani, illi aje kwangu; maana ninamtazamia pamoja na ndugu zetu.

¹² Lakini kwa khabari za Apollo, ndugu yetu, nalimsihi sana aende kwenu pamoja nao ndugu, nae hakupenda kabisa kwenda sasa; lakini atakwenda sitakupopata nafasi.

¹³ Kesheni, simameni imara katika Imani, mwe waume, mwe hodari.

¹⁴ Mambo yenu yote yatendeke katika upendo.

¹⁵ Tena nawasihi, ndugu, (mnaijua nyumba ya Stefano kwamba ni malimbuko ya Akaia, nao wamejitia katika kazi ya kuwakhudumu watakatifu),

¹⁶ bassi watiini watu kama hawa, na killa mtu afanyae kazi pamoja nao, na kujitaabisha.

¹⁷ Nami nafurahi, kwa sababu ya kuwako kwao Stefano na Fortunato na Akaiko; maana hawa wamenikarimia kwa wingi nilivopungukiwa kwenu.

¹⁸ Maana wamenihurudisha roho yangu, na roho zenu pia; bassi wajueni sana watu kama hao.

¹⁹ Makanisa ya Asia wawasalimu. Akula na Priskilla wawasalimu sana katika Bwana, pamoja na kanisa lililo ndani ya nyumba yao.

²⁰ Ndugu wote wawasalimu. Kasalimianeni kwa busu takatifu.

²¹ Hii ni salamu yangu mimi Paolo kwa nikono wangu mwenyewe.

²² Mtu aliye yote asiyempenda Bwana Yesu Kristo, na awe anathema. Maranatha.

²³ Neema ya Bwana Yesu Kristo iwe pamoja nanyi.

²⁴ Pendo langu na liwe pamoja nanyi nyote katika Kristo Yesu. Amin.