1 Wakorintho 12 - New Testament in Swahili (Zanzibar) Revised Edition 1921

¹ KWA khabari za karama za roho, ndugu, sitaki mkose kufahamu.

² Mwajua ya kuwa mlipokuwa Mataifa mlichukuliwa kwa sanamu zisizonena, kama mlivyoongozwa.

³ Kwa hiyo nawaarifu, ya kwamba hapana mtu asemae katika Roho ya Mungu, anenae, Yesu ni anathema; wala hawezi mtu kusema, Yesu ni Bwana, isipokuwa katika Roho Mtakatifu.

⁴ Pana tofauti za karama; bali Roho yule yule.

⁵ Pana tofauti za khuduma, na Bwana vule yule;

⁶ pana tofauti za kutenda kazi, bali Mungu yule yule azitendae kazi zote katika wote.

⁷ Lakini killa mmoja hupewa ufunuo wa Roho illi kufaidia.

⁸ Maana mtu mmoja kwa Roho apewa neno la hekima; na mwingine neno la maarifa, ipendavyo Roho yule yule;

⁹ mwingine imani katika Roho yule yule; na mwingine karama za kuponya katika Roho yule mmoja;

¹⁰ na mwingine kutenda kazi za miujiza; na mwingine unabii; na mwingine kupambanua roho; mwingine aina za lugha; na mwingine tafsiri za lugha;

¹¹ lakini kazi hizi zote huzitenda Roho huyo mmoja, yule yule, akimgawia killa mmoja peke yake kama apendavyo yeye.

¹² Maana kama vile mwili ni mmoja, nao nna viungo vingi, na viungo vyote vya mwili ule mmoja, navyo ni vingi, ni mwili mmoja; vivyo hivyo na Kristo.

¹³ Kwa maana katika Roho mmoja sisi sote tulibatizwa tukaingia katika mwili mmoja, ikiwa tu Wayahudi, au ikiwa tu Wayunani; ikiwa tu watumwa au ikiwa tu huru; nasi sote tulinyweshwa Roho mmoja.

¹⁴ Kwa maana mwili hauwi kiungo kimoja, bali vingi.

¹⁵ Mguu ukisema, Kwa kuwa mimi si mkono, mimi si wa mwili; je! si wa mwili kwa sababu hiyo?

¹⁶ Na sikio likisema, Mimi si jicho, mimi si wa mwili; je! si wa mwili kwa sababu hiyo?

¹⁷ Kama mwili wote ukiwa jicho, ku wapi kusikia? kama wote ni sikio ku wapi kuona?

¹⁸ Bali Mungu amevitia viungo killa kimoja katika mwili kama alivyotaka.

¹⁹ Lakini kama vyote vingekuwa kiungo kimoja, mwili ungekuwa wapi?

²⁰ Lakini sasa viungo ni vingi, na mwili ni mmoja.

²¹ Na jicho haliwezi kuuambia mkono, Sina haja na wewe; wala tena kichwa hakiwezi kuiambia miguu, Sina baja na ninyi.

²² Bali zaidi sana vile viungo vya mwili vidhaniwavyo kuwa vinyonge zaidi vyahitajiwa zaidi.

²³ Na vile vidhaniwavyo kuwa havina heshima, viungo vile twavipa heshima zaidi; na viungo vyetu visivyo na uzuri vina uzuri zaidi sana.

²⁴ Kwa maana viungo vyetu vilivyo na uzuri havina uhitaji; hali Mungu ameuungamanisha mwili, na kukipa heshima kile kiungo kilichopungukiwa;

²⁵ illi kusiwe fitina katika mwili, hali viungo vitunzane.

²⁶ Na kiungo kimoja kikiumia, viungo vyote huumia navyo, na kiungo kimoja kikitukuzwa, viungo vyote hufurahi pamoja.

²⁷ Na ninyi m mwili wa Kristo, na viungo vya mwili huo, mmoja hiki na mmoja hiki.

²⁸ Na Mungu ameweka wengine katika Kanisa, wa kwanza mitume, wa pili manabii, wa tatu waalimu, kiisha miujiza, kiisha karama za kuponya wagonjwa, na masaidiano, na kutawala, na aina za lugha.

²⁹ Je! wote ni mitume? wote ni manabii? wote ni waalimu? wote wanatenda miujiza?

³⁰ wote wana karama za kuponya wagonjwa? wote wanena lugha? wote wafasiri? Takeni sana karama zilizo njema zaidi.

³¹ Na tena nawaonyesha njia iliyo bora sana.