Zaburi 130 - Swahili Revised Union Version - SRUVDC Swahili Revised Union Version - SRUVDC
Zaburi 130

¹ Ee BWANA, toka vilindini nimekulilia.

² Bwana, uisikie sauti yangu. Masikio yako na yaisikilize Sauti ya dua zangu.

³ BWANA, kama Wewe ungehesabu maovu, Ee Bwana, nani angesimama?

⁴ Lakini kwako kuna msamaha, Ili Wewe uogopwe.

⁵ Nimemngoja BWANA, roho yangu imengoja, Na neno lake nimelitumainia.

⁶ Nafsi yangu inamngoja Bwana, Kuliko walinzi waingojavyo asubuhi, Naam, walinzi waingojao asubuhi.

⁷ Ee Israeli, umtarajie BWANA; Maana kwa BWANA kuna fadhili, Na kwake kuna ukombozi mwingi.

⁸ Yeye atamkomboa Israeli na maovu yake yote.