Judas 1:1 - Tzotzil San Andres

¹ Joꞌon Judasun, joꞌon yajtacbalalun li Jesucristoe. Jaꞌ jchiꞌil ta voqꞌuel li Jacoboe. Chajcꞌoponic batel ta carta, joꞌoxuc li icꞌbiloxuc xa yuꞌun li Jtotic Diose, ti cꞌuxoxuc ta yoꞌone. Jaꞌ xa schabiojoxuc li Jesucristoe.

Tzotzil Zinacantan

¹ Voꞌon Judason, ta jchꞌun cꞌusi chiyalbe ti Jesucristoe. Voꞌon yitsꞌinon li Jacoboe. Chajcꞌoponic tal ta vun, voꞌoxuc ti achꞌunic ti cꞌalal layiqꞌuic ti Jtotic Riox ta vinajele, ti scꞌanojoxuque, ti jaꞌ xchabiojoxuc ti Jesucristoe.

Bible in Tzotzil de Chamula

¹ Vu'un Judas, yaj'abtelun ti Jesucristoe, xchi'ilun ta voq'uel ti Santiagoe. Ta jts'ibaboxuc talel jvun ta atojolic ti vo'oxuc ic'biloxuque, ti t'ujbiloxuc yu'un ti Jtotic Diose yo' jech ta xacomic ta yu'un, ti chabibiloxuc yu'un ta sventa ti junoxuc xchi'uc ti Jesucristoe.

Bible in Tzotzil de Chenalhó with Deuterocanon

¹ Vu'un Judasun, yajtunelun li Jesucristoe, yits'inun li Santiagoe, chabanuc chacalboxuc tal vo'oxuc ti ic'biloxuc yu'un Jtotic Diose, ti c'anbiloxuc yu'une, xchi'uc ti chabibiloxuc yu'un Cajvaltic Jesucristoe.

Tzotzil de Huixtán

¹ Ho'on Judasun, ho'on yabatun ti Jesucristoe. Ho'on yits'inun ti Santiagoe. Chajc'oponoxuc ti carta, ho'oxuc ti laj xa yic'oxuc ti stojol ti Jtotic Diose yu'un c'ux chaya'yoxuc. Ho'oxuc ti chabibiloxuc yu'un ti Jesucristoe yu'un hech mu xyanej avo'ntonic.

Judas 1:1 Referenca të Kryqëzuara