صَفَنْيا 2:7 - الكتاب المقدس بالعربي الدارجي هنا تشاد

⁷ وَ الْمَنْطَقَةْ دِي تَبْقَى هِنْت النَّاسْ الْفَضَّلَوْا مِنْ بَنِي يَهُوذَا. هُمَّنْ يَسْرَحَوْا فَوْقهَا وَ بِعَشِيَّةْ، يِنْجَمَّوْا فِي بُيُوتْ أَشْقَلُونْ. أَشَانْ أَنَا اللّٰهْ إِلٰـهُّمْ نُقُمّ فِي شَانْهُمْ وَ نِقَبِّلْهُمْ مِنْ بَلَدْ الْغُرْبَةْ.»

صَفَنْيا 2:7 Referenca të Kryqëzuara

صَفَنْيا 3:20

فِي الْيَوْم دَا، أَنَا نِقَبِّلْكُو وَ فِي الْوَكِتْ دَا، نِلِمُّكُو سَوَا. شِيفُوا! نِقَبِّلْكُو مِنْ الْغُرْبَةْ وَ أُسُمْكُو يَبْقَى طَالِعْ وَ نِشَرِّفْكُو فِي أُسْط كُلَّ شُعُوبْ الْأَرْض.» وَ دَا، اللّٰهْ بَسْ قَالَهْ.

حِزْقِيال 39:25

وَ فِي شَانْ دَا، دَاهُو اللّٰهْ الرَّبّ قَالْ: «هَسَّعْ، أَنَا نِقَبِّلْ ذُرِّيَّةْ يَعْقُوبْ مِنْ بَلَدْ الْغُرْبَةْ وَ نَرْحَمْ كُلَّ بَنِي إِسْرَائِيلْ وَ نِوَصِّفْ غِيرْتِي فِي شَانْ أُسْمِي الْمُقَدَّسْ.

خُروج 4:31

وَ بَنِي إِسْرَائِيلْ صَدَّقَوْا. وَ وَكِتْ عِرْفَوْا كَدَرْ اللّٰهْ شَافْ تَعَبْهُمْ وَ دَوَّرْ يِنَجِّيهُمْ، خَلَاصْ كُلُّهُمْ دَنْقَرَوْا وَ سَجَدَوْا.

لُوقا 1:68

«بَارَكْ اللّٰهْ رَبّ بَنِي إِسْرَائِيلْ أَشَانْ هُو أَنْطَى نِعْمَةْ لِشَعَبَهْ وَ فَدَاهُمْ!

مِيخا 4:7

وَ مِنْ الْمَعْضُورِينْ، نِسَوِّي وَاحِدِينْ يِفَضُّلُوا وَ مِنْ الْمُشَتَّتِينْ، نِسَوِّي أُمَّةْ قَوِيَّةْ. وَ فِي جَبَلْ صَهْيُون، أَنَا اللّٰهْ نَبْقَى مَلِكْهُمْ مِنْ هَسَّعْ وَ إِلَى الْأَبَدْ.

مِيخا 2:12

وَ اللّٰهْ قَالْ: «أَكِيدْ أَنَا نِلِمُّكُو كُلُّكُو، يَا ذُرِّيَّةْ يَعْقُوبْ وَ نَجْمَعْكُو كُلُّكُو الْفَضَّلْتُوا مِنْ بَنِي إِسْرَائِيلْ. وَ نِجِيبْكُو سَوَا مِثِلْ غَنَمْ فِي الزَّرِيبَةْ وَ مِثِلْ دَوْر فِي أُسْط الْمَرْعَى. وَ تَبْقَوْا مَجْمُوعَةْ كَبِيرَةْ الْعِنْدَهَا حَرَكَةْ.

عُبَدْيا 1:19

وَ فِي الْجُنُوبْ، بَنِي يَهُوذَا يَقْلَعَوْا جِبَالْ ذُرِّيَّةْ عِيسُو وَ فِي سَهَلَةْ شَفِيلَةْ، يَقْلَعَوْا بَلَدْ الْفِلِسْطِيِّينْ. وَ يَقْلَعَوْا تُرَابْ قَبِيلَةْ أَفْرَايِمْ وَ تُرَابْ مَدِينَةْ السَّامِرَةْ. وَ نَاسْ قَبِيلَةْ بَنْيَامِينْ يَقْلَعَوْا قِلْعَادْ.

إرْمِيا 33:7

وَ نِقَبِّلْ نَاسْ يَهُوذَا وَ نَاسْ إِسْرَائِيلْ الْوَدَّوْهُمْ فِي الْغُرْبَةْ. وَ نِثَبِّتْهُمْ مِثِلْ زَمَانْ.

إرْمِيا 29:14

إِنْتُو تَلْقَوْنِي وَ أَنَا نِقَبِّلْكُو مِنْ الْغُرْبَةْ وَ نِلِمُّكُو وَ نِجِيبْكُو مِنْ كُلَّ الْأُمَمْ وَ مِنْ كُلَّ الْبُلْدَانْ الْأَنَا شَتَّتُّكُو فَوْقهُمْ. وَ دَا كَلَامْ اللّٰهْ. وَ نِجِيبْكُو هِنِي فِي مَدِينَةْ الْقُدُسْ وَ دَا الْبَكَانْ الْأَنَا وَدَّيْتكُو مِنَّهْ فِي الْغُرْبَةْ.» وَ دَا كَلَامْ اللّٰهْ.

رَوْمَا 11:5

وَ الشَّيّءْ الْقَاعِدْ يَبْقَى هَسَّعْ، هُو مِثِلْ الشَّيّءْ الْبِقِي فِي الْوَكِتْ دَاكْ. فَضَّلَوْا نَاسْ شِيَّةْ بَسْ الْيِتَابُعُوا اللّٰهْ وَ هُمَّنْ النَّاسْ الْاللّٰهْ عَزَلَاهُمْ بِنِعْمَتَهْ.

أعمال الرُسُل 8:40

وَ فِلِبُّسْ دَا، هُو أَنْشَافْ فِي حِلَّةْ أَشْدُودْ وَ مَشَى يِبَلِّغْ الْبِشَارَةْ فِي كُلَّ الْحِلَّالْ لَحَدِّي وِصِلْ فِي حِلَّةْ قَيْصَرِيَّةْ.

أعمال الرُسُل 8:26

وَ بَعَدْ دَا، وَاحِدْ مِنْ مَلَائِكَةْ اللّٰهْ جَاءْ لِفِلِبُّسْ وَ قَالْ: «قُمّ أَمْشِي عَلَيْ جِيهَةْ الْوَطِي وَ شِيلْ الدَّرِبْ الْيُشُقّ الْكَدَادَةْ مِنْ مَدِينَةْ الْقُدُسْ لَحَدِّي حِلَّةْ غَزَّةْ.»

لُوقا 7:16

وَ الْخَوْف دَخَلْ لِكُلَّ النَّاسْ وَ هُمَّنْ مَجَّدَوْا اللّٰهْ وَ قَالَوْا: «نَبِي كَبِيرْ جَاءْ فِي أُسُطْنَا! اللّٰهْ بَيَّنْ قُدُرْتَهْ لِشَعَبَهْ!»

مِيخا 4:10

أَتَّنَّيْ مِنْ الْوَجَعْ، يَا صَهْيُون الْمِثِلْ بِنَيَّةْ. أَيْوَى، أَتَّنَّيْ مِثِلْ الْمَرَةْ الْقَاعِدَةْ تِطَالِقْ. أَشَانْ هَسَّعْ، إِنْتِ تَمُرْقِي مِنْ الْمَدِينَةْ وَ تَمْشِي تَسْكُنِي فِي الْكَدَادَةْ وَ تِسَافِرِي لَحَدِّي بَابِلْ. وَ هِنَاكْ إِنْتِ تَنْجَيْ، هِنَاكْ اللّٰهْ يَفْدَاكِ مِنْ إِيدْ عُدْوَانْكِ.

إرْمِيا 32:44

أَيْوَى، يَشْرُوا أَرْض وَ يَوْزُنُوا فُضَّةْ وَ يَكْتُبُوا مَكْتُوبْ هَنَا مُبَايَعَةْ وَ يُخُطُّوا فَوْقَهْ خِتِمْ وَ يِنَادُوا الشُّهُودْ. وَ دَا يَبْقَى فِي أَرْض قَبِيلَةْ بَنْيَامِينْ وَ حَوَالَيْ مَدِينَةْ الْقُدُسْ وَ فِي حِلَّالْ بَلَدْ يَهُوذَا وَ فِي الْجِبَالْ وَ فِي سَهَلَةْ شَفِيلَةْ وَ فِي صَحَرَاء نَقَبْ، أَشَانْ أَنَا نِقَبِّلْ سُكَّانْهُمْ مِنْ الْغُرْبَةْ.» وَ دَا كَلَامْ اللّٰهْ.

إرْمِيا 31:7

وَ دَاهُو اللّٰهْ قَالْ: «أَفْرَحَوْا وَ زَغْرُطُوا لِذُرِّيَّةْ يَعْقُوبْ وَ رَقْرُقُوا لِأَحْسَنْ أُمَّةْ. وَ أَشْكُرُوا بِحِسّ عَالِي وَ قُولُوا: ‹اللّٰهْ نَجَّى شَعَبَهْ، هُمَّنْ الْفَضَّلَوْا مِنْ بَنِي إِسْرَائِيلْ.›»

إرْمِيا 30:3

وَ يَجِي يَوْم وَاحِدْ، أَنَا نِقَبِّلْ شَعَبِي بَنِي إِسْرَائِيلْ وَ بَنِي يَهُوذَا مِنْ الْغُرْبَةْ.›» وَ دَا كَلَامْ اللّٰهْ. وَ اللّٰهْ قَالْ بَتَّانْ: «أَنَا نِجِيبْ شَعَبِي فِي الْبَلَدْ الْأَنَا أَنْطَيْتهَا لِجُدُودْهُمْ وَ يَقْعُدُوا فِي أَرْض وَرَثَتْهُمْ.»

إرْمِيا 23:3

وَ أَنَا ذَاتِي نِلِمّ شَعَبِي الْفَضَّلَوْا وَ نِجِيبْهُمْ مِنْ كُلَّ الْبُلْدَانْ الْأَنَا شَتَّتُّهُمْ فَوْقهُمْ. وَ مِثِلْ الْغَنَمْ، نِجِيبْهُمْ فِي مَرْعَاهُمْ وَ هُمَّنْ يَلْدَوْا وَ يَبْقَوْا كَتِيرِينْ.

إرْمِيا 3:18

وَ فِي الْوَكِتْ دَاكْ، بَنِي يَهُوذَا يِلِمُّوا مَعَ بَنِي إِسْرَائِيلْ. وَ مِنْ بَلَدْ الْمُنْشَاقْ هُمَّنْ يَجُوا سَوَا فِي الْبَلَدْ الْأَنَا أَنْطَيْتهَا لِجُدُودْهُمْ مِثِلْ وَرَثَةْ.»

إشَعْيا 11:11

وَ فِي الْيَوْم دَا، الرَّبّ يِمِدّ إِيدَهْ لِتَانِي مَرَّةْ لِيَفْدَى الْفَضَّلَوْا مِنْ شَعَبَهْ الْقَاعِدِينْ فِي بُلْدَانْ أَشُورْ وَ مَصِرْ وَ فَتْرُوسْ وَ الْحَبَشَةْ وَ عِلَامْ وَ شِنْعَارْ وَ حَمَاتْ وَ فِي جَزَايِرْ الْبَحَرْ.

زَبُور 85:1

يَا اللّٰهْ، إِنْتَ وَصَّفْت مَحَبِّتَكْ لِبَلَدَكْ وَ قَبَّلْت ذُرِّيَّةْ يَعْقُوبْ مِنْ بَلَدْ الْغُرْبَةْ.

تكوين 50:24

وَ يَوْم وَاحِدْ، يُوسُفْ قَالْ لِأَخْوَانَهْ: «أَنَا قَرِيبْ نُمُوتْ لَاكِنْ أَكِيدْ الرَّبّ يِفَكِّرْ فَوْقكُو وَ يَمْرُقْكُو مِنْ مَصِرْ وَ يِوَدِّيكُو فِي الْبَلَدْ الْهُو حَلَفْ وَ قَالْ يَنْطِيهَا لِإِبْرَاهِيمْ وَ إِسْحَاقْ وَ يَعْقُوبْ.»

حَقَّاي 2:2

«حَجِّي لِزَرُبَابِلْ وِلَيْد شَلْتِيِيلْ حَاكِمْ بَلَدْ يَهُوذَا وَ لِيَشُوعْ وِلَيْد يُوصَادِقْ كَبِيرْ رُجَالْ الدِّينْ وَ لِلْفَضَّلَوْا مِنْ الشَّعَبْ وَ قُولْ:

حَقَّاي 1:12

وَ خَلَاصْ، زَرُبَابِلْ وِلَيْد شَلْتِيِيلْ وَ يَشُوعْ وِلَيْد يُوصَادِقْ كَبِيرْ رُجَالْ الدِّينْ وَ كُلَّ الْفَضَّلَوْا مِنْ الشَّعَبْ، كُلُّهُمْ سِمْعَوْا كَلَامْ اللّٰهْ إِلٰـهُّمْ وَ كَلَامْ النَّبِي حَقَّاي الرَّسَّلَهْ لَيْهُمْ اللّٰهْ إِلٰـهُّمْ. وَ الشَّعَبْ خَافَوْا مِنْ اللّٰهْ.

صَفَنْيا 2:9

وَ فِي شَانْ دَا، أَنَا نَحْلِفْ بِأُسْمِي الْحَيّ، مُوَابْ تِدَّمَّرْ مِثِلْ سَدُومْ وَ عَمُّونْ تَخْرَبْ مِثِلْ عَمُورَةْ. يَبْقَوْا بَكَانْ حَسْكَنِيتْ وَ نُقْرَةْ هِنْت مِلِحْ وَ خَرَابْ إِلَى الْأَبَدْ. وَ الْفَضَّلَوْا مِنْ شَعَبِي يَنْهَبَوْهُمْ وَ الْبَاقْيِينْ مِنْ أُمَّتِي يَقْلَعَوْا بَلَدْهُمْ.» وَ دَا كَلَامْ اللّٰهْ الْقَادِرْ إِلٰـهْ بَنِي إِسْرَائِيلْ.

إشَعْيا 14:1

اللّٰهْ يِحِنّ فِي ذُرِّيَّةْ يَعْقُوبْ وَ يَعَزِلْ بَتَّانْ بَنِي إِسْرَائِيلْ وَ هُو يَنْطِيهُمْ الرَّاحَةْ فِي بَلَدْهُمْ. وَ الْأَجَانِبْ يِلِمُّوا مَعَاهُمْ وَ يِنْرَبْطُوا مَعَ ذُرِّيَّةْ يَعْقُوبْ.

رَعُوث 1:6

وَ وَكِتْ نَعِيمَةْ قَاعِدَةْ فِي بَلَدْ مُوَابْ، سِمْعَتْ كَدَرْ اللّٰهْ رَحَمْ شَعَبَهْ وَ أَنْطَاهُمْ إِنْتَاجْ سَمَحْ مِنْ زِرَاعِتْهُمْ. وَ خَلَاصْ، قَمَّتْ جَهَّزَتْ هِي وَ عَوِينْ أَوْلَادْهَا الْإِتْنَيْن لِيَمُرْقَنْ مِنْ الْبَلَدْ دِي.

زَبُور 80:14

يَا الْإِلٰـهْ الْقَادِرْ، قَبِّلْ وَ مِنْ السَّمَاءْ فَوْق، أَنْظُرْ وَ شِيفْ! قُمّ وَ فَكِّرْ لِشَدَرَةْ الْعِنَبْ دِي.

إشَعْيا 11:16

وَ هِنَاكْ، هُو يِسَوِّي دَرِبْ لِلْفَضَّلَوْا مِنْ شَعَبَهْ فِي بَلَدْ أَشُورْ مِثِلْ زَمَانْ سَوَّى دَرِبْ لِبَنِي إِسْرَائِيلْ يَوْم مَرَقَوْا مِنْ بَلَدْ مَصِرْ.

إشَعْيا 32:14

أَشَانْ قَصِرْ الْمَلِكْ خَلَّوْه وَ الْمَدِينَةْ السِّيَادْهَا كَتِيرِينْ، أَبَوْهَا. حَارَةْ عُفَلْ وَ قَصِرْ الْمُرَاقَبَةْ يَبْقَوْا مِثِلْ كَرَاكِيرْ إِلَى الْأَبَدْ. وَ حَمِيرْ الْكَدَادَةْ يِنَطُّطُوا فَوْقهُمْ مِنْ الْفَرَحْ وَ الْبَهَايِمْ يَسْرَحَوْا فَوْقهُمْ

إرْمِيا 29:10

دَاهُو اللّٰهْ قَالْ بَتَّانْ: «مَمْلَكَةْ بَابِلْ تَقْعُدْ 70 سَنَةْ. وَ بَعَدْ دَا، أَنَا نُقُمّ وَ نِفَكِّرْ فَوْقكُو وَ نِحَقِّقْ كَلَامِي الْعَدِيلْ وَ نِقَبِّلْكُو هِنِي فِي مَدِينَةْ الْقُدُسْ.

إرْمِيا 33:12

وَ دَاهُو اللّٰهْ الْقَادِرْ قَالْ: «وَ هَسَّعْ، الْبَلَدْ دِي خِرْبَتْ مِنْ النَّاسْ وَ مِنْ الْبَهَايِمْ. وَ لَاكِنْ بَعَدَيْن، فِي كُلَّ حِلَّالْهَا يِسَوُّوا زَرَايِبْ لِرُعْيَانْ يِرَقُّدُوا فَوْقهُمْ غَنَمْهُمْ.

إرْمِيا 47:5

نَاسْ مُدُنْ غَزَّةْ زَيَّنَوْا رُوسَيْهُمْ مِنْ الْحِزِنْ وَ سُكَّانْ أَشْقَلُونْ كُلَ سَكَتَوْا. وَ إِنْتُو الْفَضَّلْتُوا فِي السَّهَلَةْ، لِمَتَى تَحْزَنَوْا وَ تِجَرُّحُوا جِسِمْكُو؟

هُوشَع 6:11

وَ إِنْتُو كُلَ، يَا بَنِي يَهُوذَا، تَلْقَوْا عِقَابِي مِثِلْ إِنْتَاجْ زِرَاعِتْكُو!» «وَكِتْ نِقَبِّلْ شَعَبِي مِنْ الْغُرْبَةْ

صَفَنْيا 3:13

وَ الْفَضَّلَوْا مِنْ بَنِي إِسْرَائِيلْ مَا يِسَوُّوا ظُلُمْ وَ مَا يُقُولُوا كَلَامْ كِدِبْ وَ مَا يِنْلَقِي فِي خُشُومْهُمْ كَلَامْ غَشّ. وَ لَاكِنْ هُمَّنْ يَاكُلُوا وَ يُنُومُوا بِأَمَانْ وَ مَا فِي نَادُمْ يِبَشْتِنْهُمْ.»

إشَعْيا 11:14

وَ هُمَّنْ يِنْصَبَّوْا فِي الْفِلِسْطِيِّينْ فِي الْغَرِبْ وَ سَوَا يَنْهَبَوْا الْقَاعِدِينْ فِي الصَّبَاحْ. وَ فِي بُلْدَانْ أَدَوْم وَ مُوَابْ، يَحْكُمُوا وَ لِبَنِي عَمُّونْ، يَمُلْكُوهُمْ.