صَفَنْيا 2:3 - الكتاب المقدس بالعربي الدارجي هنا تشاد

³ قُمُّوا فَتُّشُوا اللّٰهْ، إِنْتُو كُلُّكُو مَسَاكِينْ الْأَرْض الْقَاعِدِينْ تِطَبُّقُوا قَوَانِينَهْ الْهُو خَطَّاهُمْ. فَتُّشُوا الْعَدَالَةْ وَ مَسْكُنُوا نُفُوسْكُو! وَ بَيْدَا، مُمْكِنْ تَنْجَوْا فِي يَوْم غَضَبْ اللّٰهْ.

صَفَنْيا 2:3 Referenca të Kryqëzuara

زَبُور 76:9

وَكِتْ الرَّبّ يُقُمّ لِلشَّرِيعَةْ لِيِنَجِّي مَسَاكِينْ الْأَرْض. وَقْفَةْ.

زَبُور 22:26

الْمَسَاكِينْ يَاكُلُوا وَ يَشْبَعَوْا وَ يَحْمُدُوا اللّٰهْ. وَ إِنْتُو التِّفَتُّشُوا اللّٰهْ، تَلْقَوْا عُمُرْ طَوِيلْ.

يُونُس 3:9

وَ بَيْدَا، أَكُونْ الرَّبّ يِخَلِّي غَضَبَهْ وَ يَرْفَعَهْ مِنِّنَا وَ خَلَاصْ، مَا نُمُوتُوا.»

زَبُور 105:4

فَتُّشُوا اللّٰهْ وَ قُدُرْتَهْ وَ وَجُّهُوا عَلَيَّهْ دَايْماً.

هُوشَع 10:12

أَزْرَعَوْا الْعَدَالَةْ وَ أَقْطَعَوْا الْمَحَبَّةْ وَ عَدُّلُوا لَيْكُو زَرَعْ جَدِيدْ. هَسَّعْ وَاجِبْ تِتَابُعُوا اللّٰهْ لَحَدِّي هُو يِجِيبْ فَوْقكُو الْعَدَالَةْ مِثِلْ الْمَطَرَةْ.

إرْمِيا 39:18

وَ أَكِيدْ أَنَا نِنَجِّيكْ. إِنْتَ مَا تُمُوتْ فِي الْحَرِبْ وَ تِعِيشْ وَ تَبْقَى فَرْحَانْ أَشَانْ لِقِيتْ الْحَيَاةْ وَ دَا بِسَبَبْ إِنْتَ أَتْوَكَّلْت عَلَيِّ.“›» وَ دَا كَلَامْ اللّٰهْ.

أمْثال 18:10

أُسُمْ اللّٰهْ هُو مِثِلْ بَيْت طَوِيلْ وَ قَوِي. الصَّالِحْ يَطْلَعْ فَوْقَهْ وَ شَيّءْ مَا يَلْحَقَهْ.

زَبُور 57:1

حِنّ فَوْقِي، يَا رَبّ، حِنّ فَوْقِي! لَيْك إِنْتَ، أَنَا نَلْجَأْ. أَيْوَى، تِحِتْ جَنَاحَيْك أَنَا نَلْجَأْ لَحَدِّي يُفُوتْ الدَّمَارْ.

2 بُطْرُس 3:18

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.

إرْمِيا 45:5

وَ إِنْتَ إِلَّا تِفَتِّشْ لِنَفْسَكْ فَايْدَةْ كَبِيرَةْ بَسْ! خَلَاصْ، بَتَّانْ مَا تِفَتِّشْ! أَشَانْ دَاهُو أَنَا نِجِيبْ الْفَسَالَةْ فِي كُلَّ مَخْلُوقْ حَيّ. وَ لَاكِنْ لَيْك إِنْتَ، نَنْطِيكْ حَيَاتَكْ وَ تَفْرَحْ بَيْهَا فِي أَيِّ بَكَانْ التَّمْشِي.›» وَ دَا كَلَامْ اللّٰهْ.

زَبُور 91:1

الْيَسْكُنْ فِي مَلْجَأْ الْعَالِي، يَسْكُنْ فِي حِمَايَةْ اللّٰهْ الْقَادِرْ.

1 بُطْرُس 3:4

فِي بَدَلَهْ، أَنْكَرْبَنْ فِي الْجَمَالْ الدَّخْلَانِي وَ هُو جَمَالْ النَّفَسْ الْبَارِدْ وَ الْهُدُوءْ. وَ الْجَمَالْ الدَّخْلَانِي، هُو مِثِلْ حَجَرْ غَالِي الْأَبَداً مَا يَتْلَفْ وَ قِيمْتَهْ كَبِيرَةْ قِدَّامْ اللّٰهْ.

1 بُطْرُس 1:22

وَ إِنْتُو طَهَّرْتُوا نُفُوسْكُو وَكِتْ تَابَعْتُوا كَلَامْ الْحَقّ وَ لِقِيتُوا مَحَبَّةْ أَخَوِيَّةْ بَلَا نِفَاقْ. وَ خَلَاصْ، أَرَّايَدَوْا أَمْبَيْنَاتْكُو بِشِدَّةْ وَ بِقَلِبْ وَاحِدْ.

1 تَسَلونِيكِي 4:1

يَا أَخْوَانِي، أَسْمَعَوْا كَلَامِي بَتَّانْ. أَوَّلْ عَلَّمْتُوا مِنِّنَا الْحَالْ الْوَاجْبَةْ أَشَانْ اللّٰهْ يَرْضَى بَيْكُو. وَ خَلَاصْ إِنْتُو مَاشِينْ عَدِيلْ. وَ أَشَانْ دَا، نَشْحَدَوْكُو وَ نِوَصُّوكُو بِأُسُمْ الرَّبّ عِيسَى أَشَانْ تَمْشُوا عَدِيلْ بِزِيَادَةْ.

مَتَّى 5:5

مَبْرُوكْ لِلنَّاسْ الضَّلُولِينْ أَشَانْ هُمَّنْ يَوْرُثُوا الْأَرْض.

زَبُور 31:20

وَ إِنْتَ تِلَبِّدْهُمْ فِي حَضَرَتَكْ، بَعِيدْ مِنْ مُؤآمَرَةْ الْإِنْسَانْ وَ تَحْفَضْهُمْ فِي مَسْكَنَكْ، بَعِيدْ مِنْ هُجُومْ اللِّسَانْ.

إشَعْيا 11:4

وَ يَحْكِمْ لِلْفَقْرَانِينْ بِالْعَدَالَةْ وَ يِقَرِّرْ بِالْعَدِلْ لِمَسَاكِينْ الْبَلَدْ. وَ كَلَامَهْ، مِثِلْ بِعَصَاةْ يَضْرُبْ الْبَلَدْ وَ بِكِلْمَةْ وَاحِدَةْ، يَكْتُلْ الْعَاصِي.

هُوشَع 7:10

إِسْتِكْبَارْ بَنِي إِسْرَائِيلْ يَشْهَدْ فَوْقهُمْ. لَاكِنْ مَا قَبَّلَوْا لِلّٰهْ إِلٰـهُّمْ وَ لَا فَتَّشَوْه.

إشَعْيا 61:1

رُوحْ اللّٰهْ الرَّبّ قَاعِدْ فَوْقِي أَشَانْ اللّٰهْ مَسَحَانِي وَ خَصَّصَانِي لِنِبَشِّرْ الْمَسَاكِينْ. هُو رَسَّلَانِي لِنِدَاوِي النَّاسْ الْقَلِبْهُمْ مُنْكَسِرْ وَ نَعْلِنْ بِالْحُرِّيَّةْ لِلْمَكْرُوبِينْ وَ بِالطَّلَقَانْ لِلْمَسَاجِينْ.

زَبُور 149:4

أَشَانْ اللّٰهْ يَرْضَى بِشَعَبَهْ وَ يِجَمِّلْ الْمَسَاكِينْ بِالنَّجَاةْ.

خُروج 12:27

إِنْتُو قُولُوا لَيْهُمْ: ‹نَدْبَحَوْا ضَحِيَّةْ عِيدْ الْفِصْحَ لِلّٰهْ أَشَانْ اللّٰهْ بَارَى بُيُوتْنَا أَنِحْنَ بَنِي إِسْرَائِيلْ فِي مَصِرْ. وَكِتْ هُو ضَرَبْ الْمَصْرِيِّينْ، هُو بَارَى بُيُوتْنَا وَ نَجَّانَا.›» وَ فِي الْبَكَانْ دَا، كُلَّ شَعَبْ بَنِي إِسْرَائِيلْ دَنْقَرَوْا وَ سَجَدَوْا.

1 تَسَلونِيكِي 4:10

وَ دَا بَسْ الْإِنْتُو قَاعِدِينْ تِسَوُّوهْ أَشَانْ تِحِبُّوا كُلَّ الْأَخْوَانْ الْفِي بَلَدْ مَقِدُونِيَةْ. لَاكِنْ يَا أَخْوَانِي، نِوَصُّوكُو أَشَانْ تِرَّايَدَوْا بِزِيَادَةْ بَتَّانْ.

زَكَرِيَّا 8:19

«دَاهُو اللّٰهْ الْقَادِرْ قَالْ: ‹أَيَّامْ الصِّيَامْ هَنَا الشَّهَرْ الرَّابِعْ وَ الشَّهَرْ الْخَامِسْ وَ الشَّهَرْ السَّابِعْ وَ الشَّهَرْ الْعَاشِرْ يَبْقَوْا لِبَنِي يَهُوذَا أَيَّامْ عِيدْ الْيِعَيُّدُوهُمْ بِسُرُورْ وَ فَرْحَةْ. وَ لَاكِنْ حِبُّوا الْحَقّ وَ السَّلَامْ.›»

2 صَمُوِيل 12:22

وَ دَاوُدْ رَدَّ لَيْهُمْ وَ قَالْ: «وَكِتْ الْوِلَيْد لِسَّاعْ حَيّ، أَنَا صُمْت وَ بَكَيْت أَشَانْ قُلْت أَكُونْ اللّٰهْ يِحِنّ فَوْقِي وَ الْوِلَيْد يِعِيشْ.

زَبُور 45:4

وَ بِعَظَمَتَكْ، أَرْكَبْ جُوَادَكْ وَ أَنَّصِرْ بِسَبَبْ الْحَقّ وَ الْعَدَالَةْ وَ التَّوَاضُعْ! وَ بِإِيدَكْ الزَّيْنَةْ، تِسَوِّي أَشْيَاءْ يِخَوُّفُوا!

إشَعْيا 1:17

أَلْعَلَّمَوْا الْعَدِيلْ وَ فَتُّشُوا الْعَدَالَةْ قَبُّلُوا الظَّالِمْ مِنْ دَرْبَهْ هَنَا الظُّلُمْ. سَوُّوا الْعَدِلْ لِلْأَتِيمْ وَ دَافُعُوا لِلْأَرْمَلَةْ.»

حِزْقِيال 13:5

هُمَّنْ مَا سَدَّوْا الْخُرْمَةْ وَ لَا بَنَوْا دُرْدُرْ لِبَنِي إِسْرَائِيلْ أَشَانْ يَقْدَرَوْا يَثْبُتُوا فِي الْحَرِبْ فِي يَوْم اللّٰهْ.